Category: Жаңылыктар

Жазуучулар союзунда жагымдуу жаңылык

Жазуучулар Союзу

Кыргыз Республикасынын Улуттук жазуучулар союзу коммуналдык кызмат көрсөтүүлөр боюнча бир жарым миллион карызынан кутулду. 2018-жылдын 31-декабрына чейин топтолгон карызды жабуу боюнча Кыргыз Республикасынын Министрлер кабинетинин Төрагасынын резервдик фондунан каражат бөлүнүп берилди. Кыргыз Республикасынын Министрлер кабинетинин Төрагасы А.У.Жапаровдун “Кыргыз Республикасынын Бюджеттик кодексинин 25-беренесине, Кыргыз Республикасынын Министрлер кабинетинин Төрагасынын 2022-жылдын 15-февралындагы 136-тескемеси менен бекитилген Кыргыз Республикасынын Министрлер кабинетинин Төрагасынын резервдик фондунун каражаттарын пайдалануунун тартибине ылайык Жазуучулар союзунун карызын төлөө үчүн 1 590 700 (1 млн. беш жүз токсон миң жети жүз) сом бөлүнүп берилсин” деген (23.12.2022. Номер 812) тескемеси чыкты. 1934-жылы уюшулуп, толугу менен…..

ТҮРКСОЙ эл аралык уюму тарабынан жарык көргөн китептердин бет ачары өттү

Жазуучулар Союзу

Бүгүн А.Осмонов атындагы Кыргыз улуттук китепканасында ТҮРКСОЙ эл аралык уюму тарабынан жарык көргөн китептердин бет ачары болуп өттү. Иш чарага ТҮРКСОЙ эл аралык уюмунун баш катчысы С.Раев, КР Улуттук жазуучулар союзунун төрагасы Н.Калыбеков, акын-жазуучулар, авторлор катышты. С.Раевдин демилгеси менен кыргыздын 50дөн ашуун акындарынын ырлары түрк тилине которулуп “Кыргыз акындарынын антологиясы” деген ат менен жарык көрдү. Мындан тышкары “Чыңгыз Айтматов”, “Жолон Мамытов”, Касым Тыныстановдун “Касым ырлары”, А.Акбаровдун ырлар жыйнагы китеп болуп басылган.  Китептер А.Осмонов атындагы Кыргыз улуттук китепканасына, КР Улуттук жазуучулар союзуна тапшырылды жана авторлорго берилди. 

Жаныбек Өмүралиевдин чыгармачылык жолугушуу кечеси өттү

Жазуучулар Союзу

Чыгармачыл чөйрөгө “Юморалиссимус” деген ат менен таанылган Жаныбек Өмүралиевдин чыгармачылык жолугушуу кечеси өттү. Бул жолугушуу кечени Кыргыз Республикасынын Улуттук жазуучулар союзу “Сармерден” ресторанынын ээси Д.Орозалиевдин колдоосу менен уюштурду. Жолугушууга калемдештери К.Бакиров, К.Кадыракунов, Д.Керимов, Ө.Тиллебаев ж.б. акындар, автордун туугандары, “Жаңы толкун” адабий клубунун чыгармачыл жаштары катышты. КР Улуттук жазуучулар союзунун төрагасы Н.Калыбеков өз сөзүндө адабиятка активдүү аралашып жүрүп, узак жылдар чыгармачылыктан алыстап кеткен таланттарды кайрадан эл алдына алып чыгып, шыктандыруу максатында ай сайын бирден автордун чыгармачылык жолугушуу кечесин уюштуруп турарын билдирди. “Таанышың барда таңкасың, таанышың жокто маңкасың”, “Галстугу бар экен, калыстыгы жок экен” деген саптардын толугу менен…..

Профессор Лайли Үкүбаева ТҮРКСОЙдун Алтын медалы менен сыйланды

Жазуучулар Союзу

23-декабрда Түрк дүйнөсүнүн маданий кызматташуу эл аралык уюмунун (ТҮРКСОЙ) баш катчысы Султан Раев профессор, филология илимдеринин доктору Лайли Үкүбаевага ТҮРКСОЙдун Алтын медалын тапшырды. Сыйлык Л.Үкүбаевага Түрк дүйнөсүнө, кыргыз адабиятына жана айрыкча, Айтматов таанууга сиңирген эмгеги үчүн ыйгарылды. Профессор, адабиятчы Лайли Үкүбаева Ч.Айтматовдун чыгармачылыгы, жазгыч акындардын чыгармачылыгы, кыргыз адабиятынын тарыхы, азыркы адабий процесс ж.б. багыттарда жазылган 18 фундаменталдуу изилдөөлөрдүн автору, өзүнүн илимий мектеби бар устат жана педагог. Учурда Кыргыз-Түрк «Манас» университетинде эмгектенип келет.

Түркияда жарык көргөн “Кыргыз поэзиясынын антологиясы” китебинин бет ачары өтөт

Жазуучулар Союзу

Кыргыз Республикасынын Улуттук жазуучулар союзу ТҮРКСОЙ эл аралык уюму менен бирге 2022-жылдын 24-декабрында саат 11:00дө А.Осмонов атындагы Кыргыз улуттук китепканасынын Ч.Айтматов залында С.А.Раевдин демилгеси менен Түркияда жарык көргөн “Кыргыз поэзиясынын антологиясы” китебинин, бул китеп менен катар “Чыңгыз Айтматов”, “Жолон Мамытов” китептери, К.Тыныстановдун “Касым ырлары” жана А.Акбаровдун ыр жыйнагынын бет ачары өтөт.  Катышууну каалагандар үчүн эшик ачык.

“Алтын калем” адабий сыйлыгынын жеңүүчүлөрү сыйланды

Жазуучулар Союзу

12-декабрь – Улуттук адабият күнүнө карата Кыргыз Республикасынын Маданият, маалымат, спорт жана жаштар саясаты министрлиги, министрликтин алдындагы Улуттук адабиятты өнүктүрүү борбору, Кыргыз Республикасынын Улуттук жазуучулар союзу биргеликте уюштурган салтанаттуу иш-чара Т.Абдумомунов атындагы Кыргыз улуттук академиялык драма театрында өттү. Министрдин орун басары Түмөнбай Колдошов, Жазуучулар союзунун төрагасы Нурланбек Калыбеков калемгерлерди бүгүнкү майрамы менен куттуктады. Салтанаттуу иш-чаранын жүрүшүндө жыл сайын уюштурулуп келген республикалык “Алтын калем” адабий сыйлыгынын жеңүүчүлөрү сыйланды. Конкурстук негизде ыйгарылган сыйлыкка драма жанры боюнча 8 автор, поэзия жанры боюнча 29 автор, проза жанры боюнча 19 автор чыгармалары менен катышкан. Калыстар толугу менен…..

12-декабрь – Адабият күнү менен куттуктайбыз!

Жазуучулар Союзу

Урматтуу калемдештер, Жалпыңыздарды бүгүнкү “Адабият күнү”  менен куттуктайбыз! Сиздер, ар бир жазган чыгармаңыздардын ар сабына түнөп, түн күзөтүп, күн кечирип түйшөлүп отуруп, окурмандардын колуна тапшырасыздар. Ошол чыгарманын багы ачылса, сиздердин багыңыздар ачылып, жылдызыңыздар жанат. Андыктан ар бир жазган, жараткан эмгегиңиздердин акыбети кайтып, адамзатка жарыгы тийип турсун демекчибиз. Кыргыз Республикасынын Улуттук жазуучулар союзунун Башкармалыгы калемгерлерди колдоо, чыгармачылыгына шарт түзүү, шыктандыруу максатында алгылыктуу иштерди аткарып келе жатат. 2 жылдан бери Кыргыз Республикасынын Маданият, маалымат, спорт жана жаштар саясаты министрлигинин колдоосу менен “Алтын калем” республикалык адабий сыйлыгын уюштурууну колго алып, поэзия, проза, драма толугу менен…..

12-декабрь Улуттук адабият күнү белгиленет

Жазуучулар Союзу

Урматтуу калемдештер! 12-декабрь – Улуттук адабият күнү. Маданият, маалымат, спорт жана жаштар саясаты министрлиги, Министрликтин алдындагы Улуттук адабиятты өнүктүрүү борбору жана Кыргыз Республикасынын Улуттук жазуучулар союзу акын-жазуучулардын ушул кесиптик майрамын 12-декабрь күнү саат 16.00дө Токтоболот Абдымомунов атындагы Кыргыз улуттук академиялык драма театрында чоң адабий-музыкалуу программа менен белгилейт. Иш-чарага КР Мамлекеттик катчысынын, Маданият министринин катышуусу күтүлүүдө. Программада залкарларды эскерүүгө, спектаклдерден үзүндүлөргө, поэзияга, музыкага басым жасалып, Маданият министрлиги менен Жазуучулар союзу биргелешип уюштурган “Алтын калем” сыйлыгы салтанат менен тапшырылат. Андан кийин “Кылым карыткан бир күн” спектаклин чогуу көрөбүз. Салтанатка адабият күйөрмандарын, каалоочуларды толугу менен…..

2022-жылдын 9-декабрына белгиленген марафон соңуна чыкты

Жазуучулар Союзу

Кыргыз Республикасынын Улуттук жазуучулар союзун колдоо максатында 2022-жылдын 9-декабрына белгиленген Марафон жыйынтыкталды. Марафонго КР Жогорку Кеңешинин депутаттары, КР Маданият, маалымат, спорт жана жаштар саясаты министринин өкүлү Б.Секимов, мамлекеттик жана коомдук ишмерлер, маданият ишмерлери, ишкерлер, акын-жазуучулар катышты. Чет өлкөдө эмгектенип жүргөн мекендештер да четте калган жок. Багыт Бапанов баштаган калемгерлер 20000 рубль которду. КР Маданият, маалымат, спорт жана жаштар саясаты министринин өкүлү Б.Секимов өз сөзүндө КР Президенти С.Н.Жапаровдун тапшырмасы менен жакынкы аралыкта Жазуучулар союзуна жаңы имарат берилерин, карызы жоюларын, акын-жазуучулар колдоого алынарын билдирди. Марафондун жүрүшүндө Кыргыз улуттук “Манас” театрынын чыгармачыл жамааты толугу менен…..

Айнуру Алтыбаева: “Көйгөйдү чогулуп чечүү кыргыздын канында бар”.

Жазуучулар Союзу

Марафонго акын-жазуучулар, коомдук-мамлекеттик ишмерлер, маданият ишмерлери, окурмандар активдүү катышууда. Жогорку Кеңештин депутаттары, экс депутаттар да салым кошуп, жазуучулардан кабар алууда. Кыргыз улуттук “Манас” театрынын директору Азиз Биймырза уулу чыгармачыл жамаат менен келип, жагымдуу маанай тартуулап, театрдын атынан 20000 сом салым кошту. КР Жогорку Кеңешинин мурдагы депутаты, “Аялдар кеңеши” коомдук бирикмесинин төрайымы Айнуру Алтыбаева көмөк көрсөтүп, “Көйгөйдү чогулуп чечүү кыргыздын канында бар. Ынтымактуу, биримдиктүү элибиз менен сыймыктансак болот” деген пикирин билдирди.