Category: Жаңылыктар

Улуу Жеңишке 75 жыл

Жазуучулар Союзу

Улуу Жеңишке 75 жыл Урматтуу мекендештер! Кадырлуу калемдештер! Бүгүн, 9-май Улуу Жеништин 75 жылдык майрамы менен чын дилден куттуктайбыз. Кезинде душман менен салгылашып кан кечип жүрүп бизге бүгүнкүдөй жаркын күндү алып берген аталарыбызга түбөлүк таазим кылуу менен Улуу Жеңиш майрамы кут болсун демекчибиз. Урматтуу биздин баатыр аталар, энелер силер согушта кыпкызыл өрт кечип, кан кечип жүргөн талаалар эрдигиңердин аркасында бүгүн кыпкызыл гүлгө оронуп турат. Гүл заманды тартуулаган силер менен чексиз сыймыктанабыз! Эрдигиңерди эч качан унутпайбыз! Улуу согуш өчүрө албаган демиңерди, алалбаган өмүрүңөрдү убакыт уурдап жыл өткөн сайын катарыңар суюлуп барат. толугу менен…..

ТҮРКСОЙ З.Ажыматовдун калемдештерине, үй-бүлөсүнө көңүл айтат

Жазуучулар Союзу

                                                ТИЛИМ БУУЛУУ… КАНТИП АЙТАМ КАЙЫР ДЕП Тирегимдей көрүүчү элем, Зайырбек, тилим буулуу… кантип айтам кайыр деп? Калдыңбы өлүп – түбү түшкүр дүйнөдө калыстык жок экендигин далилдеп?! Улутумдун ак жарыгы, ак жарык! Уулуу кабар жүрөктөрдү как жарып – узунуңдан ар жүрөктө жатасың үстөлүңдө калган калем баштанып. Падыша-элдин толугу да, кеми элең, байкай бербес – толук-кемдин чеги элең. Жаакка чапса зөөкүр келип момунду, чак эттире чабылган жаак – толугу менен…..

Акын, журналист Зайырбек Ажыматов дүйнө салды

Жазуучулар Союзу

Акын, журналист Зайырбек Ажыматов дүйнө салды Кыргыз адабияты жана маданияты оор жоготууга учурады… Улутту ар-намысына келтирген, духун көтөргөн атуулдук ырларды, жашоо-турмушта аралашып жүрүп эле көп адамдар байкабаган көрүнүштөрдү, окуяларды, ой-толгоолорду ыр саптарына айланткан, жандуу жаратылышка, аялзатына, айлана-чөйрөгө болгон сүйүүнүн күчүн даңазалаган лирикалык ырларды жазган, өтө жөнөкөй, ичине сыр жашырбаган ак көңүл, кыргыз элине таанымал болгон журналист, кыргызга чындап күйгөн патриот акын Зайырбек Ажыматов 44 жашында дүйнө салды. Чыгаан жана патриот акын, Кыргыз Республикасынын Улуттук жазуучулар союзунун мүчөсү, 2001-жылдарда уюштурулган Эл аралык “Нурборбор” чыгармачылык академиясынын (мурдагы чыгармачыл жаштардын республикалык “Нурборбор” коомдук толугу менен…..

Заманыбыздын залкар ырчысы Иманалиев Элмирбек Калилович дүйнө салды

Жазуучулар Союзу

Заманыбыздын залкар ырчысы Иманалиев Элмирбек Калилович дүйнө салды Кыргыз адабияты жана маданияты оор жоготууга учурады. Кыргыз Республикасынын Эл артисти, Токтогул менен бир жүргөн улуу ырчы Эшмамбеттин жээн небереси, Кыргыз Республикасынын Эмгек сиңирген артисти, атактуу төкмө ырчы Иманалиев Элмирбек Калилович 42 жашында узакка созулган катуу оорудан үстүбүздөгү жылдын 20-апрелинде каза болду. Азыркы заманыбыздын залкар ырчысы Иманалиев Элмирбек Калилович 1978-жылы 17-январда Токтогул районундагы Үч-Терек аймагында Чоң Коо (Чоңко) айылында туулуп-өскөн. Орто мектепти аяктагандан кийин Токтогул Сатылганов атындагы Кыргыз Улуттук филармониясынын алдындагы эстрадалык студияда окуган. 2004-жылы Кыргыз мамлекеттик Б.Бейшеналиева атындагы институттун фольклор бөлүмүн толугу менен…..

Зинакан Пасаңованын жаңы чыккан “Томаяк издеген бакыт” прозалык жыйнагына адабий талкууда айтылган ойлор

Жазуучулар Союзу

7-мартта Бишкек шаарындагы К.Баялинов атындагы Республикалык балдар жана жаштар китепканасында Улуттук жазуучулар союзунун мүчөсү, акын-жазуучу Зинакан Пасаңованын жаңы чыккан “Томаяк издеген бакыт” прозалык жыйнагына адабий талкуу өттү. Талкууга кыргыз адабиятынын жана маданиятынын белгилүү өкүлдөрү, профессионал адабиятчы, сынчылар жана окурмандар активдүү катышышты. Алар З.Пасаңованын чыгармаларына кызуу талдоо жасашып, автордун чыгармачылыгынын өзгөчөлүктөрү, адабияттагы орду жана келечеги жөнүндө ой-пикирлерин билдиришти. Кыргыз Эл акындары: Меңди Мамазаирова,  Шайлообек Дуйшеевдин, Кыргыз эл жазуучулары Асан Жакшылыков, Султан Раев, жана акын Назгүл Осмонованын, сынчы Жолдош Турдубаевдин, жаш окурман Нурболот Азаматовдун талкууда айткан ой-пикирлерин сунуштайбыз. Кыргыз Эл жазуучусу Асан толугу менен…..

Кыргыз эл акыны Кожогелди Култегиндин 60 жаш мааракеси эл аралык деңгээлде белгиленди

Жазуучулар Союзу

Кыргыз эл акыны Кожогелди Култегиндин 60 жаш мааракеси эл аралык деңгээлде белгиленди Кыргыз эл акыны Кожогелди Култегиндин 60 жаш мааракеси Анкара шаарында эл аралык деңгээлде белгиленди. Мааракелик салтанат акындын адабий жана маданий ишмердүүлүгүн чагылдырган слайд-шоу менен башталып, андан ары акындын чыгармачылык изденүүлөрүнө арналган түркиялык адабиятчы, профессор Нежие Ата Йылдыздын доклады менен улантылды. Кыргыз Республикасынын Түркиядагы элчиси Кубанычбек Өмүралиев окуп берген Кыргыз Республикасынын Президенти Сооронбай Жээнбековдун мааракелик куттуктоосу айрыкча толкундануу менен кабыл алынды – салтанат күбөлөрү орундарынан туруп кол чабышты. ТҮРКСОЙ баш катчысы Дүйсен Касеинов өз сөзүндө Кыргыз эл акыны Кожогелди толугу менен…..

Атантай Акбаровдун поэзия кечеси

Жазуучулар Союзу

Кыргызпатент тарабынан уюштурулган Атантай Акбаровдун  “Тирүү мекен” деген аталыштагы поэзия кечеси болуп өттү. 21-февраль бүткүл дүйнөлүк тил күнүнө жана Атантай Акбаровдун 60 жылдык мааракесине арналган бул иш чарага: Н.Калыбеков, М.Ааматов, К.Көкүлов сыяктуу акындар катышып, ыр окулуп, куттуктоолор айтылды. Кечеде, Атантай Акбаровдун  “Кудайга кат” китеби окурмандарга белекке берилип, поэзия сүйүүчүлөрдүн купулуна толгон ырлар окулуп, обондуу ырлары ырдалды. Автор өзүнүн аткаруусунда ыр ырдап, кеченин катышуучуларына  жагымдуу маанай тартулады.

Сүйүнчү

Жазуучулар Союзу

Урматтуу окурмандар, адабият сүйүүчүлөр! КР Улуттук жазуучулар союзунун сайты мындан ары adabiyat.kg болуп жаңыланып, жаңы ой, жаңы дем менен толук ишке кирди. Мындан ары сиз адабиятка тиешелүү жаңылыктарды, издеген чыгармаларыңызды, сүйүктүү акын-жазуучуңузду adabiyat.kg сайтынан таба аласыз. Кайсы автордун кандай чыгармасын окугуңуз келсе пикириңизди калтырыңыз. Биз, сиздин кыялыңызды орундатканга аракет кылабыз.

“Түнкү лирика” китеби окурмандардын назарында

Жазуучулар Союзу

Бүгүн А.Осмонов атындагы Кыргыз улуттук китепканасында казак акыны Муратхан Шохандын “Түнкү лирика” аттуу китебинин бет ачарына арналган поэзия кечеси болуп өттү. Аталган китепти филология илимдеринин доктору, акын А.Эгембердиева которгон. Казак акынынын кыргыз жергесинде өткөн алгачкы чыгармачылык кечесине КР Улуттук жазуучулар союзунун төрагасынын орун басары К.Кадыракунов, Кыргыз эл акыны Г.Момунова, Кыргыз эл жазуучусу, акын А.Жакшылыков, Ж.Саалаев, К.Көкүлов ж.б. кыргыз акындары, Э.Бейилхан баштаган казак акындары жана поэзия күйөрмандары катышты. Эки саатка созулган ыр кечеде эки элдин акындарынын чыгармачылыгына күбө болгон күйөрмандар чыгармачылык байланыш мындан ары да улана беришин тилек кылып кайтышты.