КРУЖС Секретариаты чыгармачылык өргүүгө кетти

Статистикалык маалыматтарга ылайык учурда Кыргыз Республикасынын аймагында, айрыкча Бишкек шаарында эпидемиологиялык абал күчөп бараткандыгы байкалууда. Буга байланыштуу ар бир мекеме-ишканалар кырдаалды колго алуу боюнча өз алдынча чечим кабыл алышууда. Бишкек шаарында ооруга чалдыккандардын саны күн санап өсүп жаткандыгына байланыштуу, санитардык-карантиндик көзөмөлдү күчөтүү максатка ылайык. Андыктан КР Улуттук жазуучулар союзунун секретариаты 2021-жылдын 1-июлунан 31-августуна чейин чыгармачылык өргүүгө кетүү чечимин кабыл алды. КР Улуттук жазуучулар союзунун adabiyat.kg сайтынын редакциялык жамааты дагы бул аралыкта чыгармачылык өргүүдө болот. Урматтуу окурмандар, биз сиздер үчүн сентябрь айынан тарта кайрадан кызматта болобуз. Жаңы идея, жаны дем, жаңы толугу менен…..

К.Басылбековдун “Туюктар” китебинин бет ачары өттү

Бүгүн Г.Айтиев атындагы көркөм сүрөт музейинде акын, котормочу К.Басылбековдун “Туяктар” аттуу китебинин бет ачары болуп өттү. Китептин бет ачарына арналган иш-чарага КРУЖС төрагасынын орун басары, акын К.Кадыракунов, КР Эл акыны К.Бакиров, КР Маданиятына эмгек сиңирген ишмерлер Б.Максүтов, Б.Чотурова баштаган акын-жазуучулар, котормочулар, өнөр адамдары, автордун жакын санаалаштары жана ыр күйөрмандары катышты. Кечеге модераторлук кылган К.Кадыракунов автордун ырларынан, котормолорунан окуп берип, келген меймандарга автордун бейнесин ачып, тааныштырды. Кеченин коноктору акындын котормочулуктагы талыкпаган эмгегин баса белгилешип, жарык көргөн алгачкы автордук жыйнагы менен адабиятка жаңылык алып келгенине токтолушту. КРУЖСнун котормо багытынын дыйканы, 14 котормо толугу менен…..

КР Эл акыны Рамис Рыскулов 87 жаш курагында көз жумду

Кыргыз адабияты оор жоготууга учурады. КР Эл акыны Рамис Рыскулов 87 жаш курагында көз жумду. Рамис Рыскулов 1934-жылы 9-сентябрда Чүй облусунун Москва районунун Кызылтуу айылында туулган. 1951-жылы Фрунзе педагогикалык окуу жайын бүтүрүп, Москва шаарындагы ВЛКСМ Борбордук Комитетине караштуу Борбордук Комсомол мектебине жөнөтүлөт. Бул мектептеги 2 жылдык окуудан кийин М.Горький атындагы Бүткүл Союздук адабият институтуна өтөт. Эмгек жолун “Кыргызстан пионери” гезитинин редакциясында адабий кызматкер болуп иштөөдөн баштаган, кийин “Ленинчил жаш” гезитинин редакциясында, 1959–1960-жж. “Ала-Тоо” журналынын редакциясында эмгектенген. Анын ырлары “Кыргызстан маданияты”, “Эркинтoo” ж.б. гезит беттеринде жарыяланган. Акын ак ырды киргизүү менен толугу менен…..

Бүгүн Кыргыз эл акыны Сүйөркул Тургунбаевдин туулган күнү! 80 жашка толду!

Түрк маданияты эл аралык уюмунун ТҮРКСОЙ баш катчысы Дүйсен Касеиновдун куттуктоосу: Урматтуу Сүйөркул Тургунбай уулу! Түрк маданияты эл аралык уюму ТҮРКСОЙдун жана жеке өзүмдүн атымдан сизди куттуу мааракеңиз – 80 жашка толушуңуз менен чын ыкласымдан куттуктаймын! Сиз кыргыз калкына сунган “Салам жаш өмүр”, “Кечки троллейбус” аттуу жаңычыл, жайдары ыр жыйнактарыңыздан тартып “Эки аска”, “Жарыктын ыры”, “Күндүн көзү” сыяктуу окурмандардын толук сүймөнчүлүгүнө арзыган китептериңиз кыргыз маданиятынын кенчине айланды, өзүңүздү Кыргыз эл акыны наамына чейин жеткирди. Адабий сын жаатында өзүнчө эмгектериңиз бар. Ал эми көркөм котормодо өрнөк болор эмгектерди жараттыңыз. Айрыкча түрк толугу менен…..

Чыгармачылык – өнөр башаты

Бүгүн Б.Бейшеналиева атындагы Кыргыз мамлекеттик маданият жана искусство университетинде КР Улуттук жазуучулар союзунун 85 жылдыгына карата “Чыгармачылык өнөр башаты” аттуу кереге кеңеш болуп өттү. Кереге кеңешке аталган окуу жайдын ректору М.Чотонов баштаган эмгек жамаат, КРУЖС төрагасы, акын Н.Калыбеков, орун басары К.Кадыракунов, КР Эл жазуучусу М.Абакиров, КР Эл акыны, прозаик, драматург М.Мамазаирова, Б.Максүтов, Б.Калчабаева, К.Сариева, К.Зарлыкова ж.б. акын-жазуучу, драматургдар, чыгармачыл инсандар, студенттер катышты. Университетте актердук чеберчиликке, режиссерлукка, кино тармагына дегеле искусствого басым жасалгандыктан сөздүн нугу драматургия жаатында болду. Драма жазуунун, аны коюунун машакаттарына, артыкчылыктарына, кемчиликтерине, күнгөй-тескейине басым жасалды. Жакында гана КРУЖС толугу менен…..