Category: Жаңылыктар

Айтыңыздар маарек болсун!

Жазуучулар Союзу

Урматтуу мусулмандар, Урматтуу калемдештер, Мусулмандардын ыйык Орозо айт майрамы менен куттуктайбыз! Рамазан айында, орозо айтта адам баласы бири-бирин кечирип, жакшы тилек менен бири экинчисинин үйүнө конокко барып, жакшы каалоолорун айтып, “айт маарек болсун” деп, айттап келишкен. Элибиздин эзелтен келе жаткан бул салты ар дайым биримдикте, ынтымакта болууга үндөп келет. Мындай улуу күндө элибизге тынччылык, берекеси төгүлгөн бейпилчилик, ынтымак каалайбыз. Ылайым элибиз, жерибиз ар кандай кырсыктардан, апааттардан алыс болсун. Айтыңыздар маарек болсун! КРУЖС Башкармалыгы

“Эгиз элдин эки акыны” аттуу эл аралык поэзия кечеси өттү

Жазуучулар Союзу

Бүгүн Улуттук телерадиоберүү корпорациясынын концерттик студиясында “Эгиз элдин эки акыны” аттуу эл аралык поэзия муза кечеси болуп өттү. КР Эл акыны, Токтогул атындагы мамлекеттик сыйлыктын лауреаты Акбар Рыкулов менен Казакстандын эмгек сиңирген кайраткери, Казакстан Республикасынын Абай атындагы мамлекеттик сыйлыгынын ээси Улыкбек Есдаулетовдун достугуна арналып уюштурулган кечеге КР Мамлекеттик катчысы С.Касманбетов, КР Маданият, маалымат, спорт жана жаштар саясаты министринин биринчи орун басары К.Иманалиев, КР Улуттук жазуучулар союзунун төрагасы Н.Калыбеков баштаган акын-жазуучулар, поэзия күйөрмандары катышты. КР Улуттук жазуучулар союзу, ТҮРКСОЙ эл аралык уюму, Казакстан жазуучулар бирлиги, Улуттук телерадиоберүү корпорациясы жана жаңы түзүлгөн толугу менен…..

КР Эл баатыры Т.Сыдыкбековдун 15 томдук китеби жарык көрдү

Жазуучулар Союзу

Бүгүн, 12-апрелде Алыкул Осмонов атындагы Улуттук китепканада Кыргыз Республикасынын Баатыры, Кыргыз эл жазуучусу Түгөлбай Сыдыкбековдун чыгармаларынын 15 томдук жыйнактар китебинин бет ачары өттү. Иш-чарага Мамлекеттик катчы Сүйүнбек Касмамбетов, Маданият, маалымат, спорт жана жаштар саясаты министринин биринчи орун басары Кайрат Иманалиев, КР Улуттук жазуучулар союзунун төрагасы Н.Калыбеков, Кыргыз Республикасынын Баатырлары Медеткан Шеримкулов, Алиясбек Алымкулов, академик Абдылдажан Акматалиев, Роза Айтматова, Сыртбай Мусаев, Кулубек Бөкөнбаев, Кыргыз Республикасынын эл акындары Надырбек Алымбеков, Анатай Өмүрканов, Кыялбек Урмамбетов, Жогорку Кеңештин депутаттары ж.б. бир катар коомдук ишмерлер, илим жана маданият чөйрөсүндөгү көрүнүктүү инсандар катышты. Иш-чарага министрдин биринчи толугу менен…..

Кыргыз Азербайжан адабий кызматташтыгы уланат

Жазуучулар Союзу

Үстүбүздөгү жылдын 4-6-апрель күндөрү Азербайжан Республикасынын борбору Баку шаарында мамлекеттик жана саясий ишмер, Азербайжандын экс президенти Гейдар Алиевдин 100 жылдыгы, жазуучу, филология илимдеринин доктору Мир Жалал Пашаевдин 115 жылдыгы жана кыргыз акын-жазуучулары менен тыгыз кызматташып келе жаткан акын, жазуучу, публицист Акбар Кошалынын 50 жылдыгына арналган иш чара болуп өттү. Эл аралык деңгээлде өткөн бул мааракелик иш-чараларга түрк тилдүү мамлекеттердин өкүлдөрү менен бирге КР Улуттук жазуучулар союзунун төрагасы Н.Калыбеков катышып келди. Салтанаттуу иш чаралардын алкагында төрага Н.Калыбеков Азербайжан Республикасынын Парламентинин маданият комитетинин төрайымы, депутат, ф.и.д., жазуучу Ганира Пашаева менен жолугуп, адабий толугу менен…..

Өзбекстандын Навои шаарында классикалык поэзия фестивалы болуп өттү

Жазуучулар Союзу

Өзбекстандын Навои шаарында классикалык поэзия фестивалы жана Түрк дүйнөсүнүн 100 томдук китебинин бет ачары болуп өттү. Бул иш чара Өзбекстан жазуучулар уюшмасы, Өзбекстан маданият министрлиги, ТҮРКСОЙ уюму, түрк дүйнөсүнүн жазуучулар бирлиги тарабынан уюштурулду. Алгач ирет түрк тилинде чыгарма жараткан акын Алишер Навоиге арналган фестиваль анын эстелигине гүл коюу менен башталып, улуу акындын ырлары окулуп, чыгармачылыгы тууралуу баяндамалар жасалды. Түркия, Кыргызстан, Казахстан, Башкортстан, Татарстан, Өзбекстан, Каракалпакстандан барган акындар өз тилдеринде ырларын окуп беришти. Бул фестиваль менен катар түрк дүйнөсүнүн жазуучулар бирлигинин биринчи жыйыны да өтүп, уюштуруу, иш пландары талкууланды. Жыйында ТҮРКСОЙдун Генералдык секретары Султан Раевдин демилгеси менен түрк тилдүү акын -жазуучуларды колдоо толугу менен…..

Матисаковдун чыгармалары Пушкиндин тилинде

Жазуучулар Союзу

Матисаковдун чыгармалары Пушкиндин тилинде Жакында Кыргыз Республикасынын эл жазуучусу Абдиламит Матисаковдун «Уроки доброты» деп аталган орус тилиндеги көлөмдүү китеби жарыкка чыкты. Бул китептен орус тилдүү окурмандар жазуучунун кыргыз окурман журтчулугуна кеңири белгилүү аңгемелери, повести жана эсселери, Кыргызстандын көрүнүктүү инсандары жөнүндөгү көркөм-публицистикалык чыгармалары менен тааныша алышат. Буга чейин А.Матисаковдун кыргыз элин дүйнөгө тааныткан атактуу кино актер жана живописчи Сүймөнкул Чокморовдун кайталангыс образын жараткан «Кыргыз өңү Чокморовдун өңүндөй» аттуу даректүү көркөм чыгармасы жана бир топ аңгемелери орус тилине которулуп келген болсо, бул жолу анын дээрлик бардык чыгармалары орус тилине которулуп отурат. Муну толугу менен…..

Акбар Рыскуловдун “Эл акыны жана элчи” аттуу адабий-поэтикалык кечеси өттү

Жазуучулар Союзу

Ж.Баласагын атындагы Кыргыз улуттук университетинин чоң жыйындар залында Кыргыз Республикасынын эл акыны, Токтогул атындагы мамлекеттик сыйлыктын лауреаты, Кыргыз Республикасынын Толук жана Ыйгарым укуктуу элчиси Акбар Рыскуловдун 70 жашка толушуна арналган “Эл акыны жана элчи’’ деп аталган адабий-поэтикалык кече болуп өттү. КУУнун мамлекеттик тил жана коомдук иштер боюнча проректору, адабиятчы Садык Алахан модераторлук кылган кечеге КР Улуттук жазуучулар союзунун төрагасынын орун басары К.Кадыракунов, КР Эл жазуучусу М.Абакиров, КР Эл акындары Т.Самудинов, М.Мамазаирова, К.Култегин, академиктер А.Эркебаев, О.Ибраимов баштаган акын-жазуучулар, коомдук-маданий ишмерлер, окуу жайдын эмгек жамааты, студенттер катышты. Катышуучулар авторду 70 жаш мааракеси толугу менен…..

Абдымомун Калбаевдин “Төкмө акын Ысак Барпиев” аттуу китеби жарык көрдү

Жазуучулар Союзу

Кыргыз Республикасынын Улуттук жазуучулар союзунун мүчөсү, жазуучу, белгилүү тележурналист Абдымомун Калбаевдин “Төкмө акын Ысак Барпиев” аттуу китеби жарык көрдү. Китепке Кыргыз Республикасынын эмгек сиңирген артисти, төкмө акын Ысак Барпиев тууралуу ой-толгоолору, эл оозунда айтылып келаткан ырлары, эскерүүлөрү, устатынын курч, терең маанилүү сөздөрүн жыйнап киргизген. Демөөрчүлөрдүн каржылоосу менен “Улуу тоолор” басмасынан басылып чыккан китеп жалпы окурмандарга, өзгөчө айтыш өнөрүн аздектеген ак таңдайларга сунушталат.

Кыргыз жазуучуларынын “Айдын сырдуу тарабы” китеби түрк тилинде жарык көрдү

Жазуучулар Союзу

Евразия жазуучулар бирлигинин  каржылоосу менен  жазуучулар Жумабек Токтогазиев, Афина Абдылдаева жана Асан Ахматовдун биргелешип жазган “Айдын сырдуу тарабы” (Апат жана акын балладасы) аттуу китеби түрк тилинде жарык көрдү. 5 көшөгөлүү драманы түрк тилине которгон Екрем Арик оглу, Уланбек Алимов. Чыңгыз Айтматовдун 95 жылдыгына карата чыккан китепке демөөрчүлүк кылгандыгы үчүн Евразия жазуучулар бирлигинин төрагасы Якуб Өмероглуна Улуттук жазуучулар союзунун атынан ыраазычылык билдиребиз.

Жыргалбек Касаболотовдун адабий кечеси өттү

Жазуучулар Союзу

“Сармерден” ресторанында Жыргалбек Касаболоттун адабий кечеси өттү. Акыркы бир нече жылдан бери Түркияда жашап аткан акын менен жүз көрүшүүгө баарыбыз куштар болчубуз. Кечени КР Улуттук жазуучулар союзу “Сармерден” ресторанынын жетекчиси, коомдук ишмер Дүйшөмамбет Орозалиев менен биргеликте уюштурган. Акындын өзүнөн тышкары анын устаты жазуучу, публицист Чоюн Өмүралиев агай, акындар Улуттук жазуучулар союзунун төрагасы Нурлан Калыбеков, Бурулкан Сарыгулова, Кубат Оторбаев, адабиятчы, журналист Жолдош Турдубаев, журналист Назира Саалиева, Нурбек Маамытбаев, “Жаңы толкун” адабий клубунун жаш акындары катышты. Кече кечедей өттү, анткени ыр окулду. Жыргалбектин өзүнүн да, балапан акындардын дагы окуусунда. Ыр жөнүндө сөз толугу менен…..