Блог

Калемим азап- кайгымды көбүрөөк козгоп туруп алат

Жазуучулар Союзу

Акын деген алты ооз сөздү курап койбостон турмуш чындыгын чагылдырат эмеспи. Аны сыңары көкүрөгүнө көөнөрбөс ырларды камтыган акын Эрлан Жумагазиев менен болгон маек. — Акын акын болуш үчүн сөзсүз эле бирөөнө ашык болуш керекпи же ыр жазууга башка нерселер да түрткү бере алабы? — Жүрөктө сүйүү болбосо, ырдын жаралуусу да кыйын. Жаралса да ал — жасалма. Бул жердеги айтайын деген маселе сүйүү — ириде чыгармачылык жолун сүйүү. Ансыз акындын атылып чыгышы кыйын. Ошондой эле башка нерселерди да, (айталы, жаратылышты, Мекенди, эне- атаны деген сыяктуу) сүйө билүү кажет. Экинчиден, сезим кылдарын толугу менен…..

Меңди Мамазаированын “Аймаран” аттуу романынын бет ачары өтөт

Жазуучулар Союзу

Кыргыз Республикасынын Эл акыны, көптөгөн сыйлыктардын ээси, жазуучу, драматург  Меңди Мамазаированын “Аймаран” аттуу романынын бет ачары өтөт. Бет ачар  үстүбүздөгү жылдын 26-январында саат 11:00 дө,  Алыкул Осмонов атындагы Улуттук китепкананын Чыңгыз Айтматов залында болмокчу. Баардык окурмандар үчүн эшик ачык.

Мирлан Самыйкожонун “Ызгаардагы ыры”…

Жазуучулар Союзу

Акын Мирлан Самыйкожонун “Ызгаардагы ыр” деп аталган чыгармачылык кечеси өтөт. Бул туурасында “Роза Отунбаеванын демилгеси” эл аралык коомдук фондусунан кабарлашты. Акындын алгачкы ырлары 1998–2000-жылдары Нарын облусунун Ак-Талаа районундагы “Айыл турмушу” гезитинде жарык көрүп, 2001–2002-жылдары республикалык “Аалам”, “Кыргыз Туусу”, “Кыргыз Руху” “Кыргыз караван” жана башка гезит-журналдарда жарыяланган. 2005-жылы Жазуучулар союзу тарабынан уюштурулган республикалык деңгээлдеги Жолдошбек Абдыкалыков атындагы адабий сыйлыктын лауреаты болгон. 2008-жылы анын “Жүрөккө түшкөн чагылган” ырлар жыйнагы жарык көргөн. Мирлан Самыйкожо Ак-Талаа районунун Тоголок Молдо айылында туулган. 2007-жылы Кусейин Карасаев атындагы Бишкек гуманитардык университетинин журналистика факультетин бүтүргөн. 2002-жылы Чыгармачыл жаштардын толугу менен…..

Акын, агартуучу жана маданий ишмер Нурманбетов Тынчтыкбек Асанкулович

Жазуучулар Союзу

Белгилүү акын, агартуучу жана маданий ишмер Нурманбетов Тынчтыкбек Таш-Көмүр шаарында 1953-жылы кенчинин үй-бүлөсүндө туулган. Эмгек жолун 1970-жылы Токтогул ГЭСинде курулушчу болуп иштеп баштаган. Кыргыз улуттук университетин 1976-жылы артыкчылык диплому менен аяктаган соң алыскы Чита областында аскердик кызмат өтөгөн. Аскерден кайтып келген соң жаштардын “Ленинчил жаш” гезитинде кабарчы, улук кабарчы, 1980-1987-жылдары республикалык “Мугалимдер газетасында” бөлүм башчы болуп иштеген. Педагогикалык алдыңкы тажрыйбаларды республиканын мугалимдерине кеңири тараткандыгы үчүн “Кыргыз Республикасынын эл агартуу отличниги” деген наамга татыктуу болгон. 1987-жылдан бери Кыргыз Өкмөтүнүн “Кырчын” (мурдагы “Жаш Ленинчи”) журналынын башкы редактору. Кыргыз улуттук журналистикасын өнүктүрүүгө кошкон толугу менен…..

“Мекенге таазим” ырлар жыйнагы жарык көрдү

Жазуучулар Союзу

“Кыргыз Республикасынын Улуттук жазуучулар союзу Тарых жана маданият жылын өткөрүү боюнча мамлекеттик Дирекция менен биргеликте жаш акын-жазуучулардын “Мекенге таазим” адабий фестивалын Бишкекте 2016-жылы 21-22-сентябрда өткөрдү. Соңку 25 жылда эң алгач ирет өткөрүлгөн фестивалга республиканын бардык аймактарынан келген 115 жаш талапкер катышып, адабий жанрларга ылайык 10 секцияда эки күнгө созулган кароо-сынактарга катышты. “Мекенге таазим” фестивалынын алкагында өткөрүлгөн “Жаңы ысымдар” кароосунун жеңүүчүлөрү союздан түзүлгөн калыстар тобу тарабынан аныкталды. Албетте, “Мекенге таазим” фестивалы мамлекеттик Дирекция жана Маданият, маалымат жана туризм министрлиги тарабынан колдоого алынып, республикалык маанидеги иш-чаралардын катарына кошулуп тийиштүү акча каражаты бөлүнүп толугу менен…..

Баткенде өткөн Э.Эрматов атындагы республикалык адабият фестивалынын жеңүүчүлөрү аныкталды

Жазуучулар Союзу

Жаш акын-жазуучулардын Эгемберди Эрматов атындагы республикалык адабият фестивалы Баткен облусунун Кадамжай районунда өткөрүлүп жеңүүчүлөр аныкталды. Жалпысынан область боюнча фестивалга 29 жаш акын-жазуучулар катышып 1-орун Улукбек Омокеевменен Мирлан Алтымыш уулу, 2-орун Сезим Толукбаева менен Умар Нусубалиев, 3-орун Улан Дөөлөтов менен Адилет Зарылбек уулуна берилип, Эгемберди Эрматов атындагы адабият фестивалынын лауреаты деген төш белги жана акчалай сыйлыктар тапшырылды. Фестивалды Кыргыз улуттук жазуучулар союзу менен биргеликте Эгемберди Эрматов атындагы коомдук фонду уюштурду. Эске сала кетсек, бул фестиваль ар бир эки жылда 24-26-майда Баткен облусунун Кадамжай районунда өткөрүлүп турмакчы.

Улукбек Омокеев: “Ыр жазып жатканда турмушту унута түшөм”

Жазуучулар Союзу

“…Кызыл жүз, тегерет бет, Жамандык көрө элек көп. Сабактан бир күн калса, Ыйлашкан чебелектеп”. Дал ушул “Биринчи курстун кыздары” аттуу ыры аркылуу Улукбек мырзаны тааныгам. Алгач терең ой жүгүрткөн, жашы 40-50нү чамалаган инсан го деп элестеткем. Себеби жазган макалаларын, ырын окуп калаар элем. Көрсө, адамга жан дили менен мамиле кылган бул акыныбыздын ырлары да жан дүйнөсүндөй таза, өзү болсо араң гана 30га чамалап калган адабият үчүн, эл-жер үчүн күйгөн инсан экен. Чындыгында эле коомго кайдыгер карабай, ар убак эмгектенген, терең ойлуу. Жакында “Ата-сүйүү” аттуу жыйнагы чыгып, ага утурлай Э.Эрматов атындагы толугу менен…..

31-майда “Беш акын” теледолбоорунун экинчи айлампасы өтөт

Жазуучулар Союзу

ТҮРКСОЙ эл аралык уюмунун демилгеси менен Кыргыз улуттук жазуучулар союзу жана, ЭлТР биргелешип уюштурган “Беш акын” теледолбоору 31-май күнү саат 19:00 дө Т.Сатылганов атындагы Кыргыз Улуттук филармонияда болмокчу. Адабий-музыкалуу кечеде бир муундагы беш жазма акын калыстар тобуна экиден өз ырларын, котормолорун тапшырып, ырларына жазылган обондор ырдалып, өздөрүнүн ыр жазгандан башка өнөрлөрүн көрсөтүшү керек. Акыркысында калыстар тарабынан берилген суроолорго жооп берет. Бул демилге былтыртадан бери болуп, поэзия сүйүүлөрүнүн купулуна толуп келе жатат.Экинчи айлампада 50-60- жаштар аралыгындагы Бактыгүл Сейитбекова, Салтанат Орозобекова, Бүбүйра Бектенова, Өмүрбүбү Бегалиева, Бурулкан Сарыгулова ат салышат. Эске сала кетсек биринчи айлампада Керез толугу менен…..

19-майда Акбар Кубанычбековдун “Бир күн”аттуу музыкалык поэзия кечеси өтөт

Жазуучулар Союзу

Жазуучулар союзунун мүчөсү, А.Осмонов атындагы сыйлыктын лауреаты, көптөгөн ыр сынактардын жеңүүчүсү, “Периштенин канаты” китебинин автору акын Акбар Кубанычбековдун “Бир күн” аттуу музыкалык поэзия кечеси өтөт. Кече 19-май КТР дин концерттик студиясында саат 14:30 да башталат. Жалпы ыр күйөрмандары үчүн эшик ачык.

Баткенде Эгемберди Эрматов атындагы республикалык адабият фестивалы өтөт

Жазуучулар Союзу

Жаш акын-жазуучулардын Эгемберди Эрматов атындагы республикалык адабият фестивалы ар бир эки жылда 24-26-майда Баткен облусунун Кадамжай районунда өткөрүлөт. Фестивалга 35 жашка чейинки акын-жазуучулар катышып, алардын чыгармалары окулуп, талкуулар болот. Жаш акын-жазуучуларды колдоо максатында фестивалдын алкагында үч багыт боюнча байгелер уюштурулган. Байгелер эң мыкты чыгармалар боюнча: эң мыкты поэзия эң мыкты проза эң мыкты адабий изилдөө деген номинацияда берилет. Ар бир номинация боюнча жеңүүчүлөр аныкталат жана аларга жаш акын-жазуучулардын Эгемберди Эрматов атындагы адабият фестивалынын лауреаты деген төш белги жана акчалай сыйлыктар берилет.