Кыргыз Республикасынын эл жазуучусу, Токтогул атындагы мамлекеттик сыйлыктын лауреаты, жазуучу, драматург Ш.Бейшеналиевдин жашаган үйүнө мемориалдык такта илинди. Аземге КРнын Маданият, маалымат жана туризм министринин орун басары К.Иманалиев, КРнын Улуттук жазуучулар союзунун төрагасы Н.Калыбеков жана жазуучунун замандаштары, калемдештери катышты. Жазуучу бул үйдө 1957-жылдан 2000-жылга чейин жашаган.
ТҮРКСОЙ Эл аралык уюму Казак акыны жана агартуучусу Абай Кунанбаевдин чыгармачылыгын жайылтууга салым кошкондугу үчүн Т.Казаковго, А.Акбаровго, К.Кадыракуновго, А.Сарманбетовго жана А.Акматалиевге “Абай” медалын ыйгарды. Сыйлыкты Кыргыз Республикасынын ТҮРКСОЙдогу өкүлү, Кыргыз эл акыны К.Култегин илим күнүнө карата өткөрүлгөн иш-чарада тапшырды. Урматтуу сыйлык ээлери, сыйлыгыңыздар кут болсун! Чыгармачылык эргүү, бекем ден-соолук каалайбыз. Алган сыйлыгыңыздар сиздерге дем болуп, дагы көп ийгиликтерди жарата бериңиздер! Урматтоо менен, КРУЖС Башкармалыгы
Куттуктоо Урматтуу Маданият өкүлдөрү, Сиздерди бүгүнкү кесиптик майрамыңыздар менен чын дилден куттуктайбыз! Улутту улут катары сактап турган негизги баалуулуктардын башатында сиздер жана сиздер жараткан улуу мурастар турат. Ар бир жараткан ийгиликтүү эмгегиңиздер эртеңки келечегибиз үчүн таберик болуп кала бермекчи. Андыктан сиздерге талыкпаган эмгек, чыгармачылык эргүү каалайбыз. Ар бириңиздерге аманчылык, ден-соолук, узак өмүр каалайбыз. Эли-журтуңуздар менен эсен болуңуздар! Урматтоо менен, КРУЖС Башкармалыгы
Кыргыз Эл жазуучусу, өз заманынын генийи атыккан Кубатбек Жусубалиев бүгүн 79 жашка толду. Кубатбек Жусубалиев 1941-жылы 30-октябрда Алай районундагы Кердегей айылында жарык дүйнөгө келген. Ал 1963-жылы КМУнун филология факультетинин журналистика бөлүмүн бүтүрүп, 1965-1967-жж. Москвадагы Жогорку сценарийдик курстун угуучусу болгон. Эмгек жолун 1957-жылы колхоздо иштөө менен баштаган. 1953-жылдан баштап Чоң-Алай айылындагы «Кыргызстан» сегиз жылдык мектебинде мугалим болгон. 1964-жылдан облустук «Ленин жолу» гезитинин адабий кызматкери, 1965-1985-жж. «Кыргызтелефильм» студиясында редактор болуп иштеген. Тунгуч аңгемелер жыйнагы «Күн автопортретин тартып бүтө элек» деген аталышта 1967-жылы басылып чыккан. 1975-жылдан СССР Кинематографисттер союзунун, 1981-жылдан СССР Жазуучулар союзунун толугу менен…..
Кыргыз адабияты оор жоготууга учурады. КРнын Улуттук жазуучулар союзунун мүчөсү, жазуучу Качкыналы Сыдыгалиев 86 жаш курагында каза болду. Качкыналы Сыдыгалиев Чүй районунун Кара-Ой айылында 1934-жылы 2-февралда туулган. 1957-жылы Кыргыз мамлекеттик медициналык институтун бүтүргөн. 1957-жылы Сузак районундагы Бек-Абад участкалык ооруканасынын башкы врачы, 1960-жылы Чүй райондук ооруканада терапия бөлүмүнүн башчысы, башкы врачтын орун басары, 1966-жылы Ысык-Ата районундагы Ивановка ооруканасынын башкы врачы, 1969–1987-жж. Кыргыз ССРинин мамлекеттик коопсуздук комитетинин аскердик медициналык кызматынын начальниги, 1995-жылдан Кыргыз Республикасынын Саламаттык сактоо министрлигинин алдындагы Улуттук госпиталда милдеттүү медициналык камсыздандыруу бөлүмүнүн башчысы болуп иштеп келген. 1976-жылдан баштап гезит-журналда аңгемелери, толугу менен…..
Куттуктоо КРнын Улуттук жазуучулар союзунун мүчөлөрү: Кыргыз эл жазуучусу Самсак Станалиев, КРнын Маданият, маалымат жана туризм министринин орун басары, КРнын Маданиятына эмгек сиңирген ишмер, драматург Кайрат Иманалиев, КРнын Президентине караштуу Мамлекеттик тил боюнча улуттук комиссиянын төрагасы Назаркул Ишекеев, “Түгөлбай Ата” медалын жасап жүргөн дизайнер Леонид Александрович “Түгөлбай Ата” сыйлыгы менен сыйланышты. Аталган сыйлык “Түгөлбай Ата” коомдук фонду тарабынан 1994-жылдан бери маданияттын жана искусствонун ар кыл багытында эмгектенген инсандарга ыйгарылып келет. Урматтуу сыйлык ээлери, сиздердин сыйлыгыңыздар жалпы элдин сыймыгы. Алган сыйлыгыңыздар кут болсун! Сиздерге чыгармачылык эргүү, бекем ден-соолук каалайбыз! Дагы да толугу менен…..
Бүгүн КРнын Улуттук жазуучулар союзунун төрагасы, акын, котормочу Нурлан Калыбековдун, жазуучу Бегижан Ахмедовдун, акын Эркинбек Шейшенбаевдин туулган күнү! Урматтуу туулган күн ээлери, сиздерди бүгүнкү майрамыңыздар менен чын дилден куттуктайбыз! Сиздерге бекем ден-соолук, узак өмүр, чыгармачылык бийиктик, үй-бүлөлүк бакыт каалайбыз. Бар болуңуздар! Көп жашаңыздар! Сиздердин элге кылар кызматыңыздар али алдыда. Көп ийигиликтерди жаратып, эл сүймөнчүлүгүнө арзып узак жана бактылуу өмүр сүрүңүздөр. Урматтоо менен, КРУЖС Башкармалыгы
КРнын Маданият, маалымат жана туризм министрлиги менен КРнын Улуттук жазуучулар союзу жаш акын-жазуучулар арасында поэзия, проза, драма жанры боюнча окуу-семинарын өткөрүп жатат. Семинардын ачылышында сөз сүйлөгөн жазуучулар союзунун төрагасы Н.Калыбеков мындай окуу-семинарлар жыл сайын уюштурулуп турарын белгилеп, адабий өсүштөр байма-бай болуп турарына убада кылды. Ошондой эле өткөрүлүп жаткан окуу-семинардын жыйынтыгы менен мыкты проза, мыкты пьеса, мыкты поэзия жазгандар болсо комиссиянын макулдашуусу менен китеби чыга элек болсо дагы жазуучулар союзуна мүчөлүккө кабыл ала тургандыгын билдирди. Кыргыз эл жазуучусу М.Абакиров: “Талант – Кудайдын берген шыбагасы. Таптабасаңар күнөө болот” деп жаштарга кайрылып, билим толугу менен…..
КРнын Маданият, маалымат жана туризм министрлиги менен КРнын Улуттук жазуучулар союзу 16 жаштан 35 жашка чейинки калемгерлер арасында поэзия, проза, драматургия жанры боюнча окуу семинарын өткөрүү үчүн Ысык-Көл облусуна жөнөп кетти. Окуу семинардын максаты жаштар менен иш алып барууну колго алуу жана бул багытты андан ары тереңдетип, аймактарга жайылтуу, өркүндөтүү, кыргыз адабиятын дүйнөлүк деңгээлге алып чыккан Ч.Айтматовдой жана КМШ масштабындагы А.Осмоновдой кыргыз акын-жазуучуларын даярдоо, бүгүнкү күндөгү рынок шартында чыгармачыл интеллигенциянын алсырап турган коомдогу ордун жогорулатуу болуп саналат. Жалпысынан бул семинарга 20 катышуучу катталды. Ал эми жаштарга поэзия боюнча Кыргыз эл толугу менен…..
Бүгүн КРнын Улуттук жазуучулар союзунун мүчөлөрү: Кыргыз эл жазуучусу Самсак Станалиевдин жана акын Гүлзина Мыйзанбекованын туулган күнү. Урматтуу туулган күн ээлери сиздерди бүгүнкү өздүк майрамыңыздар менен чын дилден куттуктайбыз. Сиздерге бекем ден-соолук, чыгармачылык эргүү, үй-бүлөлүк бакыт каалайбыз. Үй-бүлөңүздөр менен эсенчиликте узак жашаңыздар. Урматтоо менен, КРУЖС Башкармалыгы