Бүгүн Кыргыз эл акыны Сүйөркул Тургунбаевдин туулган күнү! 80 жашка толду!

Түрк маданияты эл аралык уюмунун ТҮРКСОЙ баш катчысы Дүйсен Касеиновдун куттуктоосу: Урматтуу Сүйөркул Тургунбай уулу! Түрк маданияты эл аралык уюму ТҮРКСОЙдун жана жеке өзүмдүн атымдан сизди куттуу мааракеңиз – 80 жашка толушуңуз менен чын ыкласымдан куттуктаймын! Сиз кыргыз калкына сунган “Салам жаш өмүр”, “Кечки троллейбус” аттуу жаңычыл, жайдары ыр жыйнактарыңыздан тартып “Эки аска”, “Жарыктын ыры”, “Күндүн көзү” сыяктуу окурмандардын толук сүймөнчүлүгүнө арзыган китептериңиз кыргыз маданиятынын кенчине айланды, өзүңүздү Кыргыз эл акыны наамына чейин жеткирди. Адабий сын жаатында өзүнчө эмгектериңиз бар. Ал эми көркөм котормодо өрнөк болор эмгектерди жараттыңыз. Айрыкча түрк толугу менен…..

ТҮРКСОЙ З.Ажыматовдун калемдештерине, үй-бүлөсүнө көңүл айтат

                                                ТИЛИМ БУУЛУУ… КАНТИП АЙТАМ КАЙЫР ДЕП Тирегимдей көрүүчү элем, Зайырбек, тилим буулуу… кантип айтам кайыр деп? Калдыңбы өлүп – түбү түшкүр дүйнөдө калыстык жок экендигин далилдеп?! Улутумдун ак жарыгы, ак жарык! Уулуу кабар жүрөктөрдү как жарып – узунуңдан ар жүрөктө жатасың үстөлүңдө калган калем баштанып. Падыша-элдин толугу да, кеми элең, байкай бербес – толук-кемдин чеги элең. Жаакка чапса зөөкүр келип момунду, чак эттире чабылган жаак – толугу менен…..

Кыргыз эл акыны Кожогелди Култегиндин 60 жаш мааракеси эл аралык деңгээлде белгиленди

Кыргыз эл акыны Кожогелди Култегиндин 60 жаш мааракеси эл аралык деңгээлде белгиленди Кыргыз эл акыны Кожогелди Култегиндин 60 жаш мааракеси Анкара шаарында эл аралык деңгээлде белгиленди. Мааракелик салтанат акындын адабий жана маданий ишмердүүлүгүн чагылдырган слайд-шоу менен башталып, андан ары акындын чыгармачылык изденүүлөрүнө арналган түркиялык адабиятчы, профессор Нежие Ата Йылдыздын доклады менен улантылды. Кыргыз Республикасынын Түркиядагы элчиси Кубанычбек Өмүралиев окуп берген Кыргыз Республикасынын Президенти Сооронбай Жээнбековдун мааракелик куттуктоосу айрыкча толкундануу менен кабыл алынды – салтанат күбөлөрү орундарынан туруп кол чабышты. ТҮРКСОЙ баш катчысы Дүйсен Касеинов өз сөзүндө Кыргыз эл акыны Кожогелди толугу менен…..

“Ташка чыккан гүл” окурмандардын назарында

Башкырт элинин улуу акыны Мустай Каримдин 100 жылдыгына карата “Ташка чыккан гүл” китеби “Түрксой” эл аралык уюму тарабынан демилгеленип, Кыргызстанда жарык көрдү. Аталган китептин бет ачары бүгүн А.Осмонов атындагы кыргыз улуттук китепканасынын Ч.Айтматов (Кыргыз китеби) залында өттү. Иш-чарага Кыргызстандын “Түрксой” эл аралык уюмундагы өкүлү К.Култегин, акын-жазуучулар, котормочулар, “Туган тел” татар-башкырт маданият борборунун жетекчилиги, мамлекеттик жана коомдук ишмерлер катышты. Мустай Каримдин кыргыз тилине которулган ырлары, “Кара суулар” поэмасы, “Биздин бүлөнүн кубанычы” повести жана “Ай тутулган түндө” драмасы окурмандардын кызыгуусун арттырат.

«Беш акын» теледолбоору – жазма акындардын жарышы

ТҮРКСОЙ, Кыргыз улуттук жазуучулар союзу, ЭлТР биргелешип 2017-жылы «Беш акын» теледолбоорун обого чыгарат. Теледолбоордун Биринчи кечесинде акындар Керез Зарлыкова, Абдилаат Дооров, Калбүбү Сариева, Гүлжамила Шакирова, Абдыжапар Эгембердиев ат салышат! Кече Т.Сатылганов атындагы Кыргыз улуттук филармониясынын кичи залында 2-май күнү саат 18.00де башталат. Келип-катышып, адабий-музыкалуу кечебиздин күйөрманы болуңуз. Иш-чаранын уюштуруучулары ТҮРКСОЙ, КУЖС, ЭлТР