Category: Жаңылыктар

Молдо Багыш Сарыбай уулунун чыгармачылыгына арналган конференция өттү

Жазуучулар Союзу

Кыргыз Улуттук илимдер академиясында Молдо Багыш Сарыбай уулунун чыгармачылыгына арналган конференция болуп өттү. Академик А.Акматалиев модераторлук кылган конференцияга КР Улуттук жазуучулар союзунун төрагасы Н.Калыбеков, Т.Тургуналиев, КР Эл жазуучусу М.Абакиров, КР Эл акыны Т.Закирова, К.Бакиров баштаган акын-жазуучулар, тарыхчылар, адабиятчы С.Алахан, М.Токтоболотов ж.б. катышты. Конференцияда С.Алахандын “Беш молдо”, Молдо Багыштын “Абак дептери”, Улуттук илимдер академиясы тарабынан жарык көргөн “Классикалык изилдөөлөр жана тексттер” аттуу китептер тууралуу докладдар жасалып, “Жаңы толкун” адабий клубунун мүчөлөрү Молдо Багыш Сарыбай уулунун ырларын көркөм окуп беришти. Молдо Багыш Сарыбай уулу (1888-1937) — 1888-жылы Аксы аймагындагы Авлетим айылында туулуп, толугу менен…..

З.Ажыматовдун китептеринин таанытымы Т.Эрматов атындагы БМПКда өттү

Жазуучулар Союзу

Т.Эрматов атындагы Бишкек музыкалык педагогикалык колледжинде КР Маданиятына эмгек сиңирген ишмер, акын З.Ажыматовдун “Доско кат”, “Датасы жок күндөр…” аттуу китептеринин бет ачары болуп өттү. КР Маданият, маалымат, спорт жана жаштар саясаты министринин орун басары Ч.Эсенгул уулу, КР Улуттук жазуучулар союзунун төрагасы Н.Калыбеков, КР Жогорку Кеңешинин депутаты М.Самыйкожо баштаган акындын достору, адабият, маданият ишмерлери, студенттер катышкан иш чарада автордун ырлары көркөм окулуп, обондуу ырлары аткарылды. З.Ажыматовду эскеришип, чыгармачылык мурасы – китептерин жайылтууну колго алып, ысымын түбөлүккө калтыруу максатында көп иш-чараларды өткөрүп туруу керек экендигин баса белгилешти. Китептин бет ачарын БМПКда өткөрүү толугу менен…..

З.Ажыматовдун “Доско кат”, “Датасы жок күндөр…” аттуу китептери жарык көрдү

Жазуучулар Союзу

КР Маданиятына эмгек сиңирген ишмер, акын Зайырбек Ажыматовдун “Доско кат”, “Датасы жок күндөр…” аттуу китептери жарык көрдү. КР Улуттук жазуучулар союзунун төрагасы Нурлан Калыбековдун жетекчилиги алдында Р.Исаков, У.Турдалиев, А.Жансариева, Э.Жумагазиев, М.Самыйкожо, К.Качкынбаева, Т.Колдошов – 7 адамдан турган  редакциялык кеңештин мүчөлөрүнүн кароосунан өтүп, “Улуу тоолор” басмасынан жаңы басылып чыккан китептер борбордук аянттагы “Сонун го” китеп дүкөнүнө сатыкка коюлду. Автордун “Доско кат” китебине буга чейин жарыяланган жана жарыялана элек ырлары, поэмалары, котормолору киргизилген. Ал эми “Датасы жок күндөр” китеби – маркум акын, журналисттин көзү тирүүсүндө күндөлүк катары жазып жүргөн ой толгоолорунун топтому.  толугу менен…..

“Сооронбай Жусуев – көркөм сөз чебери”

Жазуучулар Союзу

Н.Исанов атындагы Кыргыз мамлекеттик курулуш, транспорт жана архитектура университетинде КР Баатыры, кыргыз эл акыны, Токтогул атындагы мамлекеттик сыйлыктын лауреаты С.Жусуевдин туулган күнүнө арналган “Сооронбай Жусуев – көркөм сөз чебери” аттуу республикалык илимий-практикалык конференция болуп өттү. Конференцияга КР Маданият, маалымат, спорт жана жаштар саясаты министрлигинин, КР Билим берүү жана илим министрлигинин, КР Улуттук илимдер академиясынын, КР Президентине караштуу мамлекеттик тил жана тил саясаты боюнча улуттук комиссиянын, КР Улуттук жазуучулар союзунун, Жогорку окуу жайлардын, Өзбекстандан келген С.Жусуевдин чыгармачылыгы менен тааныш интеллигенция өкүлдөрү катышты. С.Жусуевди эскерүү, кыргыз адабиятынын урунттуу маселелерин талкуулоо, акын-жазуучулардын чыгармалары толугу менен…..

КР Баатыры С.Жусуевдин мемориалдык тактасы орнотулду

Жазуучулар Союзу

КР Баатыры, кыргыз эл акыны С.Жусуевдин жашаган үйүнө (Москва көч. 141) мемориалдык такта орнотулду. КР Маданият, маалымат, спорт жана жаштар саясаты министринин орун басары С.Аманова, КР Улуттук жазуучулар союзунун төрагасы Н.Калыбеков баштаган эл акындары, жазуучулар, маданият ишмерлери катышты. Сооронбай Жусуев 1925-жылы 15-майда Кара-Кулжа районуна караштуу Алай-Куу өрөөнүндөгү Кызыл-Жар кыштагында туулган. Айыл мектебин бүтөрү менен 18 жашында 1943-жылы аскердин катарына чакырылып, согуштун акырына чейин Панфилов атындагы 8-гвардиялык дивизияда байланышчы болуп кызмат өтөгөн. Майданда эки жолу жарадар болгон. Акындын “Алдыга жүргүн, кыргыздар!” “Биз жеңишчил”, “Жаркынга” деген алгачкы ырлары ошол кандуу 1943-жылы жаралган. толугу менен…..

“Карабах аңгемелери” китебинин бет ачары өттү

Жазуучулар Союзу

Бүгүн Кыргызпатенттин Инновациялык борборунда КР Улуттук жазуучулар союзу тарабынан жарык көргөн азербайжан жазуучуларынын “Карабах аңгемелери” аттуу китебинин бет ачары өттү. Иш чарага төрага Н.Калыбеков, Азербайжандын Кыргызстандагы элчиси Латиф Сейфаддин оглу Гандилов, Азербайжан диаспорасынын өкүлдөрү, акын-жазуучулар катышты. Онлайн байланышта ТҮРКСОЙ эл аралык уюмунун баш катчысы С.Раев, Азербайжандан Экбер Кошалы сүйлөп, куттуктоосун билдиришти. Г.Пашаева, Экбер Кошалы, Теране Вахид, Имдат Авшар ж.б. 12 автордун аңгемелерин кыргыз калемгерлери А.Исмаилов, Б.Сарыбаев, Ж.Турсунбаев, Ж.Качкынбаев, К.Умурзаковдор которгон.

Ош шаарында “Жигер” чыгармачылык жаштар борборунун 10 жылдыгы белгиленүүдө

Жазуучулар Союзу

Бул күндөрү Ош шаарында “Жигер” чыгармачылык жаштар борборунун 10 жылдыгына арналган бир катар иш-чаралар өткөрүлүүдө. 16-19-май аралыгына пландалган мааракелик салтанатка републиканын ар тарабынан келген өнөр адамдары, калемгерлер катышууда. Кечээ, 17-майда “Кыздары кыйын кыргыздын” аттуу чыгармачылык борборлордун кыздарынын арасында интеллектуалдык өнөр таймашы болуп өттү. Сынак республикалык деңгээлде болуп, анда өлкөбүздүн 7 дубанынан келген кыздар өз билимин, өнөрүн көргөзүштү. Таймаш учурунда кыздардын интеллектуалдык билими гана текшерилбестен алардын шамдагайлыгы, кол өнөрчүлүгү, ашканадагы чеберчилиги да бааланды. Калыстар тобу: Нуркыз Кадырбекова, Зинакан Пасанова, Бүажар Канызакова, Сурма Курбантаева, Насыйкат Ысмайыловалар болушту. Интеллектуалдык өнөр таймаштын жыйынтыгында баш толугу менен…..

К.Сабыров атындагы адабий сыйлыктын лауреаттары сыйланды

Жазуучулар Союзу

Лейлек районунда өтүп жаткан К.Сабыровдун 80 жылдык мааракеси жана “Өрүкзар” поэзия фестивалы жыйынтыкталды. Райондук маданият үйүндө өткөн салтанаттуу иш чараны акимдин орун басары ачып берди. Бир катар маданият, адабият ишмерлерине сыйлык тапшырды. Бишкек, Ош шаарларынан жана коңшулаш Өзбекстандан келген акын-жазуучулар сөз сүйлөп, куттукташты. К.Сабыров атындагы орто мектептин окуучулары даярдаган сахналык көрүнүш кеченин катышуучуларын толкундантып, көз жашын агызып, иш чаранын көркүн ачты. Акындын чыгармалары окулуп, обондуу ырлары ырдалып турду. Д.Турдуев КР Улуттук жазуучулар союзунун “Сиңирген эмгеги үчүн” медалы, С.Кудайкулов Ардак грамота менен сыйланды. Жыйынтыгында 4 акынга К.Сабыров атындагы адабий сыйлык тапшырылды. толугу менен…..

Алым Токтомушев: Ананбы, анан… баягы турмуш…

Жазуучулар Союзу

КАР ЖААГАН ТҮН Менде жок келчү мейман, кетчү мейман. Кар гана балбалактап көмөт тышты. Баштадым даа бир кышты… Менде жок келчү мейман, кетчү мейман. Түн узун бир шумдуктуу. Сандаган элестердин арасынан мен өзүмдү таап араң туурулган колум менен сылаймын жымжырттыктын маңдайынан. (Эшигим ачылчудай болот менин) Жымжырттыктын нар жагында жымжырттыктын духун сыгып, апамдын назга толгон колу менен алып келип берчүдөй болот мага. Менде жок келчү мейман, кетчү мейман. Кар гана аппак сүткө боёйт тышты. Капырай, ит жаң-жуңу эстен чыкты. (Эшигим ачулчудай болот менин). Менде жок келчү мейман, кетчү мейман. Кирпик каткан. толугу менен…..

Өрүкзардын өчпөс акыны Курбаналы Сабыров

Жазуучулар Союзу

Баткен облусунун Лейлек районунда акын Курбаналы Сабыровдун 80 жылдыгы белгиленип жатат. Акынды эскерүү иш чарасы быйыл 32-ирет өткөрүлүүдө. Жыл сайын үзгүлтүксүз уюштурулуп келген “Өрүкзар” поэзия фестивалы быйыл 80 жылдык мааракеси менен коштолууда. Бул иш чарага Бишкек жана Ош шаарларынан КР Эл акыны А.Рыскулов, Ө.Тиллебаев, Т.Жороев, С.Момуналиев баштаган жоон топ акындар катышууда. Мындан тышкары Өзбекстандан акындар келишти. Иш чаранын алгачкы күнүндө район акими Алмазбек Рахманкулов  кабыл алып, алыстан келип катышып, фестивалдын аброюн көтөрүп жатасыздар, бул сиздердин калемдешиңиздерге болгон сыйыңыздар, адабиятка болгон аздек мамилеңиздер деп, ыраазычылыгын билдирди. Андан соң К.Сабыровдун бейитине барып, толугу менен…..