Category: Жаңылыктар

Акын түгөйлөр А.Токтомушев менен Ш.Келдибекованы эскерүү кечеси өттү

Жазуучулар Союзу

15-ноябрда К. Баялинов атындагы Республикалык балдар жана жаштар китепканасында  акын жубайлар Алым Токтомушев менен Шербет Келдибекованын көргөзмөсүнүн ачылыш аземи жана эскерүү кечеси болуп өттү. Иш-чарага КР Улуттук жазуучулар союзунун төрагасынын орун басары Керимбек Кадыракунов баштаган акындар – Токтосун Самудинов, Сагын Акматбекова, адабиятчылар – Чоюн Өмүралиев, Самсак Станалиев, Эсенбай Нурушев ж.б. катышты. ТҮНКҮ ГҮЛДӨР …Көп күттүм. Күттүм көпкө… Көпкө күттүм… Кар болуп из түшелек Кадыр түндө, келет деп, бир жарк этип кадимкиңдей. Жарыгым, турна мойнум, жаз саамайым ачылды жылдыз менен түнкү гүлдөр жалгыз сен ачылбадың, мерес болдуң жаз саамайым, жарыгым, турна мойнум. …Көп күттүм. толугу менен…..

Байдылда Сарногоев атындагы адабий сыйлыктын жеңүүчүлөрү сыйланды

Жазуучулар Союзу

Талас шаарында Байдылда Сарногоевдин 90 жылдыгына арналган салтанаттуу иш чара болуп өттү. Бул иш чарага мамлекеттик катчы С.Касманбетов, КР Маданият, маалымат, спорт жана жаштар саясаты министринин орун басары Т.Колдошов, КР Улуттук жазуучулар союзунун төрагасы Н.Калыбеков, акын-жазуучулар, мамлекеттик жана коомдук ишмерлер катышты. Салтанаттуу иш чаранын 2-бөлүгүндө Б.Сарногоев атындагы республикалык адабий сыйлыктын жеңүүчүлөрү сыйланды. Сынактын биринчи турунан өткөн 10 финалист 2-турда өздөрүнүн ырларын көркөм окуп берип, калыстардын сынынан өтүштү. Калыстардын чечими менен баш байге Бегайым Нурлановага (диплом жана 100 000 сом байге) ыйгарылды. Ал эми 1-орунду Бектурали Исамидин уулу (диплом жана 70 толугу менен…..

Байдылда Сарногевдин 90 жылдыгына арналган сынактын финалисттери аныкталды

Жазуучулар Союзу

Кыргыз Республикасынын эл акыны Байдылда Сарногоевдин 90 жылдык мааракесине арналган иш-чараларды даярдоо жана өткөрүү алкагында Байдылда Сарногоев атындагы республикалык поэзия сынагынын финалисттери аныкталды. Кыргыз Республикасынын Маданият, маалымат, спорт жана жаштар саясаты министрлиги, Кыргыз Республикасынын Улуттук жазуучулар союзу, Талас облусунун Талас районуна караштуу Бекмолдо айыл өкмөтү тарабынан жарыяланган сынакка жалпы 48 автордон чыгармалар келип түшкөн. 5 кишиден турган комиссия мүчөлөрү  Жобого ылайык 5-пунктунда көрсөтүлгөн талаптар менен (поэтикалык форманы билүүсү, тили жана техникалык чеберчилиги (рифманын, калыптын, стилдин оригиналдуулугу); Кыргыз тилинин нормаларын сактоосу; таасирдүүлүгү, образдардын айкындыгы, маңызы, жаңычылдыгы) карап чыгып, 10 финалистке экинчи турга өтүүгө жолдомо толугу менен…..

Маданият кызматкерлеринин күнү менен куттуктайбыз!

Жазуучулар Союзу

Урматтуу маданият өкүлдөрү, Кадырлуу калемдештер, Баарыңыздарды бүгүнкү 2-октябрь – Маданият кызматкерлеринин күнү менен куттуктайбыз! Улут өз наркын, дөөлөттөрүн сактай алганда гана улут катары сакталып калаары ааламдашуу доорунда биротоло айкын болду. Улуттун дал ушул баалуулуктарын коргоп, көрөңгөсүн кемитпей турган маданият өкүлдөрү эмеспи. Унутта калып бара жаткан маданият менен анын өкүлдөрүнө соңку жылдары көңүл бурулуп, мамлекет тарабынан камкордукка алына баштаганы дагы жакшы жышаан. Бүтүндөй бир улуттун улуу жоопкерчилигин көтөргөн эмгегиңиздерден баар таап, эң бийик сыйлык – эл журттун алкышына арзыңыздар. Бабаларыбыз “элде болсун, эл ичинде бизде болсун” демекчи, дүйнөдө тынчтык болуп, жергебиз толугу менен…..

Түрк тилдүү элдердин жаш калемгерлерин колдоо максатында беш тараптуу меморандум түзүлдү

Жазуучулар Союзу

Түрк тилдүү өлкөлөрдүн жаш акындарын  колдоо, түрк элдеринин мыкты поэтикалык чыгармаларын элге жайылтуу, түрк элдеринин маданий потенциалын сактоо, улуттук мурастарды өнүктүрүү сыяктуу жалпы эле адабиятты колдоо максатында Кыргыз Республикасынын Мааният, маалымат, спорт жана жаштар саясаты министрлигине караштуу Улуттук Адабиятты өнүктүрүү борбору, Түрк маданиятынын эл аралык уюму (ТҮРКСОЙ),  Кыргыз Республикасынын Улуттук Жазуучулар союзу,  Евразия жазуучулар союзу жана “Чыныбай Турсунбеков атындагы фонд” коомдук фонду тарабынан беш тараптуу келишимге кол коюлду. Кол коюлган меморандумда  тараптардын биргеликте 5 жыл иш алып баруусу белгиленген. Эске сала кетсек, “Чыныбай Турсунбеков атындагы “фонд жаш акындарды колдоо үчүн акыркы эки жылда толугу менен…..

КР Эл жазуучусу К.Ашымбаевдин 90 жылдыгына арналган иш-чара өттү

Жазуучулар Союзу

Бүгүн А.Осмонов атындагы Кыргыз улуттук китепканасында КР Эл жазуучусу Калканбай Ашымбаевдин 90 жылдыгына арналган иш чара болуп өттү. Иш-чаранын жүрүшүндө жазуучунун китеп-сүрөт көргөзмөсү уюштурулду. КР Маданият, маалымат, спорт жана жаштар саясаты министринин орун басары Т.Колдошов, министрликтин алдындагы улуттук адабиятты өнүктүрүү борборунун башчысы, КР Эл акыны К.Култегин, КР Улуттук жазуучулар союзунун төрагасы Н.Калыбеков, КР Эл акыны Т.Мамеев, О.Ибраимов, Л.Үкүбаева ж.б. акын-жазуучулар, маданият өкүлдөрү, адабият ишмерлери, китепкананын эмгек жамааты катышты. Калканбай Ашымбаев 1932-жылы 10-сентябрда Ак-Суу районундагы Кайырма-Арык айылында туулган. 1952-жылы Караколдогу окутуучулар институтун, 1966-жылы Кыргыз мамлекеттик университетинин филология факультетинин журналистика бөлүмүн бүтүргөн. 1952-жылы толугу менен…..

К.Баялиновдун 120 жылдыгына арналган иш чара өттү

Жазуучулар Союзу

К.Баялинов атындагы балдар жана жаштар китепканасында КР Эл жазуучусу, котормочу К.Баялиновдун 120 жылдыгына арналган иш-чара өттү. Иш чарага КР Улуттук жазуучулар союзунун төрагасы Н.Калыбеков, төраганын орун басары К.Кадыракунов, КР Эл жазуучусу А.Жакшылыков, жазуучу Ж.Токтогазиев, китепкананын директору Р.Султангазиева, мектеп окуучулары жана китепкананын эмгек жамааты катышты. 120 жылдыкка карата КР Улуттук жазуучулар союзу менен К.Баялинов атындагы балдар жана жаштар китепканасы “Ажар” повестин китеп кылып чыгарышты. Аталган китепке автордун үй бүлөсү демөөрчүлүк кылган.

Кыргыз Республикасынын Эл жазуучусу Самсак Станалиев Түркиядан сыйлык алды

Жазуучулар Союзу

Кечээ, 26-сентябрда, Кыргыз эл жазуучусу Самсак Станалиев Түрк мамлекеттери уюму жана Түрк тили уюму тарабынан Түрк дүйнөсү адабиятынын «Роман» номинациясында абройлуу эл аралык сыйлыкка ээ болду. Түркияда «Тилде, пикирде, иште биримдик» аттуу ураандын астында өткөн кароо сынакта Азербайжан, Казакстан, Кыргызстан, Өзбекстан, Түркмөнстан жана Түндүк Кипр Түрк Республикасы сыяктуу түрк мамлекеттеринин ар биринен бирден жазуучу жеңүүчү деп табылган. Аталган иш-чара Түрк тили уюмунун юбилейине жана Түрк тили майрамынын 90 жылдыгына карата Бурса шаарында өттү. Белгилей кетсек, сыйлык ээлери эл аралык мекемелердин жана уюмдардын кароо сынагынын негизинде кылдат тандалып алынган. С.Станалиев аталган толугу менен…..

“Карабах аңгемелери” китебинин бет ачарына арналган иш-чара өттү

Жазуучулар Союзу

Борбор калаабыздагы Хаят мейманканасында КР Улуттук жазуучулар союзу тарабынан жарык көргөн азербайжан жазуучуларынын “Карабах аңгемелери” аттуу китебинин бет ачарына арналган иш-чара өттү . Бул иш-чара Азербайжандын Кыргызстандагы элчилиги тарабынан уюштурулуп, ага элчи мырза Латиф Сейфаддин оглу Гандилов, КР Улуттук жазуучулар союзунун төрагасы Н.Калыбеков, Азербайжан диаспорасынын өкүлдөрү, акын-жазуучулар, котормочулар катышты. Эске сала кетсек, “Карабах аңгемелери” китебинин бет ачары буга чейин жазуучулар союзу тарабынан уюштурулуп өткөрүлгөн.

Сыйлык ээлерин куттуктайбыз!

Жазуучулар Союзу

Садыр Жапаров: “Кыргызстанда кандай жетишкендиктер, кандай саамалыктар болуп жатса, алардын бараандуу бөлүгүндө сыйлык ээлеринин жараткан эмгектери орчундуу орунду ээлейт”. Бүгүн Кыргыз Республикасынын Президенти Садыр Жапаров өз тармагында өзгөчөлөнгөн кыргызстандыктарга мамлекеттик сыйлыктарды тапшырды. Мамлекеттик сыйлыктар менен Кыргыз Республикасынын Улуттук жазуучулар союзунун төмөндөгү мүчөлөрү мамлекеттик сыйлыктар менен сыйланды: “КР Эл жазуучусу” ардак наамы менен Сулайман Рысбаев Кален Сыдыкова “КР Маданиятына эмгек сиңирген ишмер” наамы менен Керимбек Кадыракунов Кушубек Качибеков Ардак грамота менен Алтынай Темирова сыйланды. Урматтуу калемдештер, сыйлыгыңыздар кут болсун! Чыгармачылыкта жигердүү иштеп, мыкты эмгектерди жарата бериңиздер. Сиздерге бекем ден-соолук жана эргүү каалайбыз! толугу менен…..