Month: May 2023

Махабат Саидрахманова: Тартылып бүтпөгөн сүрөт

Жазуучулар Союзу

Тартылып бүтпөгөн сүрөт Жаан жааган түндүн эртеси ансыз да тамтыгы кетип турган тротуарлардын уңкур-чуңкурларын толтуруп, чоң-кичине көлчүктөр жол бетин бербей жайнап кетиптир. Өтүкчүдөн кайтып келе жаткан кыз колунан жетелеген агасынын төрт-беш жаштар чамасындагы баласын дал бут алдындагы жайылып, мелтиреп жаткан чоң көлчүктөн кантип алып өтөрүн ойлонуп, бир саамга токтоп калды. Оюн жыйып үлгүрө электе кимдир бирөөнүн карылуу колдору наристени шап эте илип алып, “оппааа!” деп көлчүктүн аркы бетине кое салды да, анан аларды карап жылмайып коюп, андан ары жолун улап кете берди. Кыз аны тааныды. Төртүнчү кабатта жашаган коңшу киши толугу менен…..

Ырысбай Абдыраимов: Тамсилдер

Жазуучулар Союзу

Тайган Тайган ар дайым сыртта жүрөт. Байлыгы ашып-ташканы менен туулган жерине, бирок, үлүш бербейт. Анткени менен эл-жер башкарууну Күндүр-түндүр эңсейт. Самаганы – ал өскөн талаада тынчтык болбой, тоз-тополоң басылбаса… Каршылары шаштысын алып, Аюуну тактан кулатса… Тайган анын ордун ээлеп алса… Кайсы бир кезде Аюу аны бооруна тарткан. Орун басарлыкты берип, кийин өз ордуна таптаган. Бирок Тайган, ал кызматка ичи чыкпаган. Тактыны алууну көздөп, Айыкпады, ич буроосунан. Сыртта жүрсө деле Аюунун ордун аңдыганы аңдыган. Менчик-кемтик башталганда Май токочтуу жерлерди Бүтүндөй ээлеп алган. Базарларынан чуурулуп, Кирешеси агып турган. Бирок, тактыны аңтарууну ойлоп, толугу менен…..

Адабий сын жанрында Болот Акматов атындагы республикалык адабий сыйлыгы жарыяланат

Жазуучулар Союзу

Кыргыз Республикасынын Улуттук Жазуучулар союзунун адабий сын жанры боюнча Болот Акматов атындагы республикалык адабий сыйлыгы жөнүндө ЖОБО Кыргыз Республикасынын Улуттук жазуучулар союзунун адабий сын жанрында Болот Акматов атындагы республикалык адабий сыйлыгы улуттук адабиятыбыздын өсүп – өнүгүшүнө салым кошкон мыкты адабиятчы-сынчыларга ыйгарылат. Адабий сыйлыкка мамлекеттик мекемелер, коомдук уюмдар талапкерлерди көрсөтө алат жана жеке автор да сыйлыкты изденип алууга эмгектерин көрсөтүүгө укуктуу. Адабий сыйлыкка көрсөтүүгө соңку жылдардагы адабий сын макалалар жана өзүнчө китеп болуп жарык көргөн эмгектер сунушталат. Адабий сыйлык ыйгарылган авторго Болот Акматов атындагы республикалык адабий сыйлыгынын лауреаты наамы ыйгарылып, күбөлүк, толугу менен…..

Максуда Ормонова: Кара-Дөбөнүн гүлдөрү

Жазуучулар Союзу

Кара-Дөбөнүн гүлдөрү Эмнегедир баары мени карашкансыйт. Кимден уялып баратканымды да билбейм… Алар мындай тыкан, мындай чакан гүлдестени өмүрү көрүшпөгөндөй… Билип турам, гүлдестенин жарашканын. Кимге деп ойлоорсуз? Албетте, мага да, мага жарашты. Тим эле сонун жарашты. Күзгүдөн улам-улам каранып, анан… анан, бул… чачымдагы ичке шайы боону, китебимдин ичинен таап чыкпадымбы. Агыш-пушту түстөгү шайы боо, гүлдестемдин гүлдөрүнө түспөлдөш болуп калды. Жеңеме келген белектин байламы болчу. 8-Мартта агам алып келбеди беле. Шайы боо текчеде туруп эле калган. Ыргытылып кетпесин деп тегиздеп, тарых китебимдин ортосуна салып койгон элем. Ошол бойдон туруптур. Тептегиз, тегизделип калыптыр. Дагы жакшы, ушул китепке салган экем аны. Тарых сабагы жумасына бир эле жолу окутулат. Жоголбогону пайда болду. Апам ай, апам!.. Жарыгым менин!.. Таң атпай тиги Кара-Дөбөдөн ушул керемет гүлдөрдү мага терип келиптир… ХХХ Апамдын көлөчүн чечип жаткан шыбыртын толугу менен…..

КР ЖК Төрагасы Н.Шакиев Улуттук жазуучулар союзуна материалдык колдоо көрсөттү

Жазуучулар Союзу

Кыргыз мамлекетинин түптөлүшүнө, кыргыз интеллигенциясынын калыптанышына жана улуттук адабиятты дүйнөлүк деңгээлге чыгарууга зор салым кошкон, токсон жылдык тарыхы бар КР Улуттук жазуучулар союзуна моралдык жана материалдык жактан колдоо көрсөтүп, Кыргыз Республикасынын Жогорку Кеңешинин Төрагасынын фондунан 200 000 (эки жүз миң) сом бергендиги үчүн Нурлан Шакиевге Башкармалыктын атынан ыраазычылык билдиребиз. Нурлан Тургунбекович, ишиңизге ийгилик, өзүңүзгө бекем  ден-соолук каалайбыз!  Эске салсак, буга чейин КР ЖК мурдагы төрагасы Т.Мамытов да КР Улуттук жазуучулар союзуна 200 000 сом каржылык жардам берген. 

Азербайжандын Милли Межлисинин депутаты, жазуучу Г.Пашаева компьютер белек кылды

Жазуучулар Союзу

Азербайжандын Милли Межлисинин депутаты, Маданият боюнча комитетинин төрайымы Ганира Пашаева КР Улуттук жазуучулар союзуна компьютер жана түстүү принтер белек кылды. Үстүбүздөгү жылдын февраль айында Азербайжандын Милли Межлисинин Маданият боюнча комитетинин төрайымы Ганира Пашаева баштаган депутаттык топ ТүркПАнын алкагындагы байланыштарды чыңдоо максатында  Кыргызстанга келип, кыргыз парламентинин өкүлдөрү менен жолуккан. Жолугушуудан кийин КР Улуттук жазуучулар союзуна кайрылып, адабий-маданий кызматташтык боюнча сүйлөшүүлөр жүрүп, соңунда компьютер белек кылууну убада кылып кайткан. Филология илимдеринин доктору, жазуучу Ганира Пашаева айткан убадасын аткарып, КР Улуттук жазуучулар союзуна компьютер, түстүү принтер белек кылды. Белекке келген жаңы үлгүдөгү core i7 кубаттуулугуна тең толугу менен…..

Аида Эгембердиеванын “Үнсүз кайрыктар” аттуу чыгармачылык кечеси өттү

Жазуучулар Союзу

Бүгүн И.Арабаев атындагы Кыргыз мамлекеттик университетинин башкы корпусунда филология илимдеринин доктору, акын Аида Эгембердиеванын “Үнсүз кайрыктар” аттуу чыгармачылык кечеси болуп өттү. Аталган университеттин Ректору А.Абдраеванын демилгеси менен уюштурулган кечеге КР Улуттук жазуучулар союзунун төрагасы Н.Калыбеков, төраганын орун басары К.Кадыракунов, КР Эл акындары С.Акматбекова, К.Култегин, Т.Нурманбетов, КР Эл жазуучусу А.Жакшылыков баштаган акын-жазуучулар, окуу жайдын окутуучулары, студенттер, поэзия күйөрмандары катышты. Кечеде автордун ырлары көркөм окулуп, обондуу ырлары ырдалды. Иш-чаранын катышуучулары акындын чыгармачылыгы боюнча кеңири сөз кылышты.

Үмүт Култаева: Адабиятка ак кызмат

Жазуучулар Союзу

Адабиятка ак кызмат (Алтынай Темированын чыгармачылыгына абай салганда) Жаа огундай себеленем мезгилге! Жаа огундай… жүрөктөргө сөз берип Жан-дүйнөгө сайылам… Арча болуп өсүп алам. Карт тарыхтын барактары тепселип коюнума чачылган… Ийне болуп өсүп турат ал менде, көөнү сокур көрпенденин көкүрөгүн  тилгенге!.. Жогорудагы саптар Алтынай Темированын “Автопортрет – 2” аттуу ырына таандык. Автопортретинде көркөм чагылгандай, жашоо максаты, принциби СӨЗ өнөрүнө байырлап, адабият дүйнөсү менен алпурушкан калемгер ага башын сая, өмүрүн арнап, улуттук адабиятка ак кызмат өтөөдө. Бактыга жараша, Москвадан M.Горький атындагы Бүткүл дүйнөлүк адабият институтун бүтүрүп, дүйнөлүк адабият менен эрте таанышкан калемгердин толугу менен…..

“Ыр өмүр” поэзия-муза кечеси жогорку деңгээлде жыйынтыкталды

Жазуучулар Союзу

КР Улуттук жазуучулар союзу, КР Эл аралык “Нурборбор” чыгармачылык академиясы, “Жигер” чыгармачылык борбору, “Сонун го” китеп дүкөнү биргеликте уюштурган “Ыр өмүр” аттуу поэзия-муза кечеси жогорку деңгээлде болуп өттү. Т.Абдумомунов атындагы Улуттук академиялык драма театрынын 90% ээлеген күйөрмандар акындардын керемет ырларын угуп, жандуу музыкага термелип, сахналык көрүнүштөргө муюп, чыныгы поэзиянын ырахатын туюп, эс алып кайтышты. С.Акматбекова, К.Бакиров, Ж.Исабаева, Р.Исаков, А.Исмаилов, Н.Өмүрбаева, Б.Келдибаев, М.Жангазиев, Б.Нурлан кызы, М.Жумадилова, А.Кудайберди кызы, С.Турдубек уулу – жалпы 12 акын келген күйөрмандарга ырларын окуп беришип, Э.Жумабек уулу, А.Абдыкалыкова, Б.Алмабеков, Б.Кубанычбек уулу, Т.Колдошов, А.Рыспай уулу, Т.Токомбаев, А.Батырбековдор кечени толугу менен…..

Үмүт Култаева: Жүрөк менен сырдашуу…

Жазуучулар Союзу

Жүрөк менен сырдашуу… (Н.Өмүрбаеванын «Бейтааныш бекет» ырлар жыйнагын барактаганда) Азыркы кыргыз поэзиясы тууралуу кеп козголсо, эгемен жылдарында «үйүрү» менен келип, келечегинен үмүттөндүргөн таланттуу жаш калемгерлердин тобун атоого болот. Алардын арасында Нуриза Өмүрбаева да бар. «Бир тоголок кар» ыры менен балалыктын жаңы ойгонгон наристе сезимин поэтикалуу чагылдырып, адабий коомчулукка поэзиядагы жылдыздуу жүзүн көрсөтө алган акын ырды жеңил-желпи жамактата коюудан алыс. Поэзияга болгон жоопкерчиликти сезгениненби, же М.Горький атындагы жогорку окуу жайынан адабий даярдыктан өткөндүгүнөнбү Нуриза аз жазат, бирок жүрөгүнөн өткөрүп жазат. Акындын бул сапаты айрыкча жакында жарык көргөн «Бейтааныш бекет» (Б.:Улуу Тоолор, толугу менен…..