Tag: поэзия

Тынчтыкбек Нурманбетов: Капкакка кыргыз жанын жашырганбы? Капкакка кыргыз сырын батырганбы?

Жазуучулар Союзу

Кыргыз десе Кыргыз десе: безеленем чырылдап, Кыргыз десе: каным күйөт шырылдап. Кыргыз десе: кыйналганым унутуп, Кыргыз десе: созолонтом ыр ырдап.   Кыргыз десе: жаным жыргайт ыр курап, Кыргыз десе: көздөн жашым кылгырат. Кыргыз десе: кылым жашайм карыбай, Кыргыз десе: эч соолубайт Ыр – булак.   Кыргыз десе: жаза тийбес октоймун, Кыргыз десе: Азезилден коркпоймун. Кыргыз десе: кыянаттык кылганга, Кыргыз десе: Кыяматта оттоймун.   Кыргыз десе: чөмүлөмүн кыялга, Кыргыз десе: жер таппаймын сыярга. Кыргыз десе: үмүт үзбөйм жашоодон, Кыргыз десе: кулдук урам Кудайга!   Комуз күүсү Залкар комузчу Ниязалы Борош уулуна толугу менен…..

Эрлан Жумагазиев: Тээ бир кезде тажап качсам… Азыр мен, тентек, жинди кыялыңды сагынам!

Жазуучулар Союзу

Атама Бар чачыӊдын агарган ар талында, Балдарым деп тарткан түйшүк, камылга. Атаганат, өксүтөт ээ дүйнөӊдү, Апабыздын болбогону жаныӊда!   Сырттан күлүп, а ичиӊден кайрып муӊ, Сыр бербейсиӊ кылса дагы кайгы үстүм. Жети балаӊ бир апамча болалбай, Жемиргендир канча жылдык жалгыздык!   Качат мезгил кумдай чууруп салааӊдан, Кайтпас күндөр кайкып учкан жагалмай. Арып барат барган сайын кубатыӊ, А мен дале жүрөм ордум табалбай!   Жан дүйнөм менен баарлашуу (монолог) – Адамсыӊбы? Ийнимди куушурамын, – Адалсыӊбы? Аны да “билбейм” дедим. – Арамзалык, куулук туу кыларым, Азыр менин турмуштан үйрөнгөнүм!   – Адилсиӊби? толугу менен…..

Кыял Тажиева: Жашагыла бирөөлөр тааныбаган, Жаманыма, жакшыма наалыбаган

Жазуучулар Союзу

Эй адамым Эй адамым, билдим эмне башкысын, Аяп калдым сендейлердин бактысын. Кудуретиң кудайды да сүйдүргөн Сен жакшысың, сен чын эле жакшысың!!! Момунум ай, ыйлаганды билбейсиң, Сени ыйлатат, ооба сени башкалар, Бир жакшысы өзүң деле жыргайсың Ооба жырга, а калганы башта бар… Пейилиңчи, миң азапты той кылган, Ыйманыңчы, ыпыласты зор кылган, Жүрөгүңчү, жүрөгүңдөн ок учкан Дүйнө жашайт эки бети албырган. Адамым эй, адамым эй, адамым, Менин, сенин, анын дагы алардын, Тулкусунда көзүм көргүс жарык бар Бир жарк этип карашындай аялдын. Таң калдырбайт мени көптү билгениң, Таң калдырбайт улут үчүн күйгөнүң. Айран толугу менен…..

Мухаммадамин Хожакбаров: Көздөрүңө чөктү көк асман, ак таң өптү эриндериңден

Жазуучулар Союзу

“Көздөрүңө чөктү көк асман, ак таң өптү эриндериңден…” Мектепте окуган кезинен эле кыргыз тилинде ыр жаза алган, белгилүү өзбек акындарынын ырларын кыргызчага, а кыргыз акындарыныкын өзбекчеге которуп жүргөн таланттуу жаш калемгер Мухаммадамин Хожакбаров менен өткөн жылы фейсбук аркылуу тааныштым. Ал менин “Мен баймын” аттуу ырымды өзбек тилине которуп, өзүнүн баракчасына жарыялаптыр. Бул өзбек тилдүү жаш акын ким экен деп кызыгып сураштырып калдым. Мухаммадамин Ош шаарындагы өзбек мектебинин 11-классында окуп жаткан экен. Жаш болсо да кыргыз адабиятынын классиктери Алыкул Осмоновдун, Сооронбай Жусуевдин, Байдылда Сарногоевдин, Карбалас Бакировдун, Зайырбек Ажыматовдун ж.б. ырларын өзбек толугу менен…..

Елена Ющук: Күн шооласы айрыйт түндүн пардасын, кылымдардан чарчабаган, атаандаш

Жазуучулар Союзу

Акыркы мезгилдерде калем кармап машыккан үлкөн акын, жазуучуларыбыздан сырткары, адабиятка, анын ичинде котормо жанрына белсене киришип, дүйнөлүк адабият менен бирге эле коңшу элдердин чыгармаларын которуунун үстүндө жигердүү эмгектенип келе жатышкан ыр ышкыбоздорун байкоого болот. “Эл ичи – өнөр кенчи”-демекчи, элге “аты-жыты” азырынча белгисиз ошол ыр ышкыбоздорунун ичинен котормонун маани-маңызына сүңгүп кирип, автор тарабынан айтылган ойду так-таасын бере алгандар да жок эмес экендигин белгилей кетүү абзел. Эмесе, назарыңыздарды Кадырали Мырзанбетовдун котормолоруна бурмакчыбыз. Автордун котормолору укмуштуудай чеберчиликте аткарылган дегенден албетте алыспыз. Бирок, бул анын котормо жаатындагы тырмак алды эмгеги экендигин эске алсак, толугу менен…..

Назгүл Осмонова: Керемет ушул дүйнөдөн, кете албай турам тушалып…

Жазуучулар Союзу

***** Көрүнбөй учу узарып, Көңүлгө толсо кусалык Кейишке толгон дүйнөдөн, Кете албай турам тушалып.   Асылдык толгон ааламды, Айнектей аяп кыйбадым. Чындыкка көзүм жетсе деп, Чымындай жанды кыйнадым.   Буулугуп жаным кай бирде, Булуттай көчөм дүйнөдөн. Жабыкса жаны жанчылып, Жан жок го түтөп күйбөгөн.   Көрүнбөй учу узарып, Көңүлгө толсо кусалык. Керемет ушул дүйнөдөн, Кете албай турам тушалып…   ***** Ай көрдүңбү, асманынан ал жактын, Сагындырар биз жактагы көктөмдөр. Элес болуп эске түшөр кээ бирде, Тагдыр бөлгөн, жазымыштуу өткөндөр.   Кетким келип ушул шаардан чарчадым, Сен тараптын сагындырып асманы. Буулукканда толугу менен…..

Абдилаат Дооров: Чагылган тийип күйгөн арча шактай, чатырап алоолонот көкүрөгүм

Жазуучулар Союзу

Бүгүн мен тиктим көчөт …Бүгүн мен тиктим көчөт, мойнума түштү милдет. Арык казып, суу коюу, олтурбай күндү күн деп, түндү түн деп.   …Бүгүн мен өмүрлүк жар, жөнөкөй кызга тоолук. Балбылдайт көздөрүбүз, бакыттын кушу конуп!   …Бүгүн мен болдум ата, болдум жар жана багбан. Турмушка кирип келдим: уялчаак балалыктын ыпысык кучагынан!   Сагындым Сагындым жанга жагым жайлоо түнүн шар акчу суусу мөңкүп, чачып көбүк. Асыл жар чачып бөлүп жик салгандай асманды саманчынын жолу бөлүп.   Койчунун коңур үнү созолончу, селкинин козгоп жүрөк делебесин. Түндүктөн түмөн жылдыз кашын кагып, ай нуру толугу менен…..

Абдыжапар Эгембердиев: Санааркап келип мен бүгүн, Санааркап кеттим кайра эле…

Жазуучулар Союзу

Ачык болсун асманы!          1. Күндөр келди калк түйшүктөн кыйналган, Көңүл ооруп, күлкү кетип, ый калган. Кээ бирөөнүн төрт тарабы төп болуп, Башы айланган бакыт менен жыргалдан. Күндөр келди ичтен бузуп ириген, Ташыркаткан тексиздиктен чириген. Каар менен кең ааламга жар салып, Ачуу сөздү айткың келет дилиңен. Күндөр келди жаны күйгөн эчендин, Күнү тууган жандими, кур чечендин. Кутурушуп Абыкелер, Көбөштөр, Бар байлыгын ээлеп алган Мекендин. 2. Жан багууга арга издеп бекерге, Чилдей тарап, көбү кеткен чет элге. Мында бирөө ичерге суу таппаса, А бирөөлөр кечүү таппайт кечерге. Шылуундар көп, чириген бай теңесек, толугу менен…..

Э.Эрматов: Адабият – көрүнгөн адам соода кылып кете бере турган базар эмес

Жазуучулар Союзу

ПОЭЗИЯ * * * Поэзиянын эң орчундуу касиети – ыймандай сырды жашырбай окурманга тартуулоо. Акындын бугу, ой-санаасы, жүрөк дарты ырларында чагылып турбаса, анда андай ырлар кунарсыз, супсак. Акын өзүн жазуудан качып көмүскөдө алып жүрсө, жан дүйнөсүн ашкере кылуудан качса андай акындан шектенүү керек. Өзүнө өзү шектенген жандан олуттуу бир нерсе күтүүгө болбойт. Анткени ал өзүн гана эмес, окурмандарын да сыйлабайт. Жан дүйнөсүнүн жардылыгын жарыя кылып коюудан коркот. Ыймандай сыр гана акынды акын кылып турат. * * * Акындын башкы каарманы жеке өзү жана тагдыры. Тагдыры жок акындан дурус чыгармалар чыкпайт. толугу менен…..

Кыргыз жаштар поэзиясынын антологиясы азербайжан тилинде жарык көрдү

Жазуучулар Союзу

Азербайжан парламентинин депутаты Жаваншир Фейзиевдин сунушу менен түзүлгөн «Кыргыз жаштар поэзиясынын антологиясы» Баку шаарында жарык көрдү. Китептин башкы редактору Жаш түрк тилдүү жазуучулар биримдигинин төрагасы Экбер Кошалы болсо, баш сөзүн Маданият, маалымат жана туризм министри Азамат Жаманкулов, Азербайжандын Кыргызстандагы атайын жана толук ыйгарымдуу элчиси Хидает Оручов жана Жаваншир Фейзиевдер жазышты. 40 жашка чейинки 35 калемгердин ыры кирген антология кыргыз акындары Алтынбек Исмаилов, Калича Жакыпова жана Бекболот Сарыбаевдер тарабынан түзүлдү. Ал эми которууга Ибрагим Иляслы, Ресмийе Сабир, Теране Туран, Перване Мемедли, Гүлнар Сема баш болгон жалпы 18 калемгер катышты. Антологиянын бет толугу менен…..