Month: September 2019

“Кызыл учкундан” Улуттук жазуучулар союзуна чейинки жол”

Жазуучулар Союзу

Бүгүн Ж.Баласагын атындагы Кыргыз улуттук университетинде КР Улуттук жазуучулар союзунун 85 жылдыгына карата “Кызыл учкундан” Улуттук жазуучулар союзуна чейинки жол”  аттуу илимий-практикалык конференция болуп өттү. Конференцияны КУУнун мамлекеттик тил боюнча проректору, жазуучулар союзунун адабий сын секциясынын башчысы, адабиятчы С.Алахан ачып, “Чыгармачыл уюмдагы тагдыр чечер окуялар” (ѳтүмүшү жана сабактары) деген темадагы баяндама жасады. “Таланттарды таптаган уюмдун кылымга тете жолу”, “Жазуучулар менен “Манас” эпосунун эриш түшкѳн тагдыры” темасындагы баяндамалардан соң жазуучулар жарыш сөзгө чыгып кыргыз адабиятынын учурдагы абалы, көйгөйлөрү жана чечүү жолдорун талкууга алышты. Мааракелик иш-чаралардын алкагында өтүп жаткан илимий-практикалык конференция мындан ары толугу менен…..

Кылчайып артка карасам…

Жазуучулар Союзу

Бүгүн Кыргызпатенттин алдындагы мамлекеттик патенттик техникалык китепканасында Кыргыз эл акыны М.Ааматовдун “Кылчайып артка карасам” аттуу чыгармачылык жолугушуу кечеси болуп өттү. Бул кечеге төрага Н.Калыбеков, кыргыз эл акындары Т.Мамеев, Г.Момунова, К.Бакиров, Кыргыз эл жазуучусу М.Абакиров баштаган акын-жазуучулар, мамлекеттик-коомдук ишмерлер, студенттер, ыр күйөрмандары катышты. Жолугушууда М.Ааматовдун чыгармачылыгы боюнча сөздөр сүйлөнүп, акындын обондуу ырлары аткарылды. Жаш окурмандар автордун ырларынан окуп беришти.

85 жылдыкты утурлай

Жазуучулар Союзу

Кыргыз Республикасынын Улуттук жазуучулар союзунун түзүлгөндүгүнүн 85 жылдыгына карата мамлекеттүүлүк, акын-жазуучулардын коомдогу орду, адабияттын учурдагы ал-абалы тууралуу КР Президентинин аппарат жетекчиси Эсеналиев Досалы Акпаралиевич менен төрага Н.Калыбеков талкуу өткөрдү.

“Манас” эпосу грузин тилинде

Жазуучулар Союзу

Дүйнөдө теңдеши жок көлөмдүү чыгарма “Манас” эпосу грузин тилинде жарык көрдү. Эпосту Грузия жазуучулар союзунун төрайымы Маквала Гонашвили орус тилинен которгон. Бул китеп кыргыз эл жазуучусу, драматург Мар Байжиевдин орус тилиндеги котормосу  болгон. Китепти КР Улуттук жазуучулар союзунун төрагасы Н.Калыбековго тапшырып жатып, улуу эпосту которгондугуна сыймыктанаарын билдирген.

Адабий портрет

Жазуучулар Союзу

Кыргыз Республикасынын Эл акыны, Кыргыз Республикасынын эмгек сиңирген ишмери, Кыргызстан Жазуучулар союзунун А.Осмонов атындагы  Республикалык  сыйлыгынын лауреаты Рамис Рыскулов 1934-жылы Сары-Өзөн Чүйдүн Москва районундагы Кызыл-Туу кыштагында 9-сентябрда  кызматкердин үй-бүлөсүндө жарык дүйнөгө келген. Атасынын кызмат абалына жараша алардын үй-бүлөсү Ош областынын Совет районуна караштуу Кара-Кулжадагы сактык кассанын башкаруучу кызматына ишке жөнөтүлөт. Болочок акын ал кезде төрт жашта экен. Ал Кара-Кулжа мектебине 1-класска окууга кирип, анда 3-класска чейин окуйт. Апасы Кыдыраалы кызы Уултай согуштун алдында, 1941-жылы  катуу оорудан каза болот. Атасы  өз ыктыяры менен согушка кетип кайтпай калат. Акындын эскерүүсү боюнча атасынан толугу менен…..

Казакстанда Азия жазуучуларынын биринчи форуму өтүп жатат

Жазуучулар Союзу

Казакстандын ордо калаасы Нур-Султан шаарында Азия жазуучуларынын биринчи форуму өтүп жатат. Аталган форумга Кытай, Иран, Азербайжан, Тажикстан, Малайзия, Вьетнам, Россия өлкөлөрүнүн өкүлдөрүнүн катарында Кыргыз Республикасынын Улуттук жазуучулар союзунун төрагасы Н.Калыбеков дагы катышты. Форумдун ачылышында Казакстандын Президенти Касым-Жоомарт Токаев сөз сүйлөп, өз сөзүндө Азия элдеринин жазуучуларынын байланышын арттырып, дүйнө таанымын бирге калыптандырууда бирдиктүү электрондук китепкана ачуу керек экендигин белгилеп өттү. Казакстан Жазуучулар бирлигинин төрагасы Улукбек Есдаулет мындай форумду үч жылда бир өткөрүп турууну сунуштап, Азия элдеринин жазуучулары арасында Нобель сыйлыгы өңдөнгөн мартабалуу сыйлык уюштуруу маселеси талкууланды. Үч күндүк форумдун алкагында адабий толугу менен…..

“Тилим – менин тирегим” жаш акын-жазуучулардын республикалык сынагынын жобосу

Жазуучулар Союзу

“Макулдашылды” Кыргыз Республикасынын Улуттук жазуучулар союзунун төрагасы Н.Калыбеков 2-сентябрь 2019-жыл “Бекитемин” Кыргыз Республикасынын Президентине караштуу Мамлекеттик тил боюнча улуттук комиссиянын төрагасы Н.Ишекеев 2-сентябрь 2019-жыл    1. Жалпы маселелер 1.1.   “Кыргыз Республикасынын мамлекеттик тили жөнүндө” Кыргыз Республикасынын мыйзамынын кабыл алынгандыгынын 30 жылдыгына карата КР Президентине караштуу Мамлекеттик тил боюнча улуттук комиссия КР Улуттук жазуучулар союзу менен биргеликте сынак жарыялайт. 1.2.      Сынакка республика боюнча жана чет өлкөдө жашаган 30 жашка чейинки калемгерлер катыша алышат.   Сынактын максаты: Мамлекеттик тилди колдонуу чөйрөсүн кеңейтүү; Мамлекеттик тилди даңазалоо; Жаш калемгерлерди колдоо жана аларга дем берүү; Жаштардын толугу менен…..