Month: November 2019

“Ташка чыккан гүл” окурмандардын назарында

Жазуучулар Союзу

Башкырт элинин улуу акыны Мустай Каримдин 100 жылдыгына карата “Ташка чыккан гүл” китеби “Түрксой” эл аралык уюму тарабынан демилгеленип, Кыргызстанда жарык көрдү. Аталган китептин бет ачары бүгүн А.Осмонов атындагы кыргыз улуттук китепканасынын Ч.Айтматов (Кыргыз китеби) залында өттү. Иш-чарага Кыргызстандын “Түрксой” эл аралык уюмундагы өкүлү К.Култегин, акын-жазуучулар, котормочулар, “Туган тел” татар-башкырт маданият борборунун жетекчилиги, мамлекеттик жана коомдук ишмерлер катышты. Мустай Каримдин кыргыз тилине которулган ырлары, “Кара суулар” поэмасы, “Биздин бүлөнүн кубанычы” повести жана “Ай тутулган түндө” драмасы окурмандардын кызыгуусун арттырат.

Чыгармачылык – өнөр башаты

Жазуучулар Союзу

Бүгүн Б.Бейшеналиева атындагы Кыргыз мамлекеттик маданият жана искусство университетинде КР Улуттук жазуучулар союзунун 85 жылдыгына карата “Чыгармачылык өнөр башаты” аттуу кереге кеңеш болуп өттү. Кереге кеңешке аталган окуу жайдын ректору М.Чотонов баштаган эмгек жамаат, КРУЖС төрагасы, акын Н.Калыбеков, орун басары К.Кадыракунов, КР Эл жазуучусу М.Абакиров, КР Эл акыны, прозаик, драматург М.Мамазаирова, Б.Максүтов, Б.Калчабаева, К.Сариева, К.Зарлыкова ж.б. акын-жазуучу, драматургдар, чыгармачыл инсандар, студенттер катышты. Университетте актердук чеберчиликке, режиссерлукка, кино тармагына дегеле искусствого басым жасалгандыктан сөздүн нугу драматургия жаатында болду. Драма жазуунун, аны коюунун машакаттарына, артыкчылыктарына, кемчиликтерине, күнгөй-тескейине басым жасалды. Жакында гана КРУЖС толугу менен…..

Кеч күздөгү кусалык

Жазуучулар Союзу

“Роза Отунбаеванын демилгеси” эл аралык коомдук фонду КР Улуттук жазуучулар союзу менен биргеликте 2019-жылдын 22-ноябрында Т.Сатылганов атындагы кыргыз улуттук филармониясынын кичи залында кезектеги поэзия кечесин өткөрөт. “Кеч күздөгү кусалык” деп аталган ыр кече КР Маданиятына эмгек сиңирген ишмер, акын М.Токсобаеванын жана акын, котормочу С.Стамбековдун чыгармачылыгына арналат. Кечени обончу, аткаруучу С.Урманбетов, ырчылар Э.Дүйшеева, У.Качкыналиевдер коштойт. Самидин Стамбеков 1959-жылы 8-мартта Чаткал районундагы Каныш-Кыя кыштагында туулган. 1980-жылы Ош мамлекеттик педагогикалык институтунун филология факультетин бүтүргөн. Орто мектепте мугалим, директордун орун басары, директор болгон, райондук “Чаткал оттору” гезитинен баштап, республикалык, областтык газеталарда иштеген. 2008-жылдан бери толугу менен…..