ЖАРЫЯ! ЖАРЫЯ! ЖАРЫЯ!
Урматтуу ыр ышкыбоздору, акындар жана жаш таланттар!
Кыргыз Республикасынын Улуттук жазуучулар союзу Алыкул Осмонов атындагы салттуу адабий сыйлыгына сынак жарыялайт!
Сыйлыктын жаңыртылган жобосун жарыялоо менен талапкерлердин эмгектери ушул жылдын 1-ноябрынан баштап, 2023-жылдын 1-мартына чейин кабыл алынарын билдиребиз.
Эмгектерге коюлуучу негизги талаптар:
1.Китеп 2020-2022-жылдар ичинде жарык көргөн болуусу керек;
2.Сунуштоо документтери (сунуштаган тараптын жолдомосу, протокол ж.б.) менен бирге талапкердин өзүнүн таржымал-резюмеси;
3.3х4 өлчөмүндөгү эки сүрөтү.
Кыргыз Республикасынын Улуттук жазуучулар союзунун Алыкул
Осмонов атындагы адабий сыйлыгы жөнүндө
ЖОБО
- Кыргыз Республикасынын Улуттук жазуучулар союзунун Алыкул Осмонов атындагы адабий сыйлыгы акыркы эки жыл аралыгында жарыяланган төмөнкүдөй жаңы, мыкты чыгармаларга ыйгарылат:
- поэзия жанрында улуттук адабиятты жаңы деңгээлге көтөрүүгө салым кошкон китептерге;
- поэтикалык котормого;
- акындын чыгармачылыгын коомчулукка жеткирүүдө Алыкул изилдөөчүлөрдүн өзгөчө демилгелүү эмгектерине.
- Аталган адабий сыйлыкка талапкерлерди көрсөтүүгө Кыргыз Республикасындагы чыгармачыл союздар, мекеме-ишканалар, коомдук уюмдар, жалпыга маалымдоо каражаттарынын редакция жамааттары, китеп басмалары, окуу жайлары укуктуу.
- Мурун ар кандай сыйлыктарды алган жана эски эмгектер кабыл алынбайт.
- Адабий сыйлыкка көрсөтүлгөн чыгармалар акыркы эки жыл аралыгында жарык көргөн болууга тийиш.
- Авторлордун жаш курагы чектелбейт.
- Чыгармалар төмөнкү дарекке тапшырылышы керек. Бишкек ш., Эркиндик бул.54. Байл.тел. 0312623924
- Сыйлык алган авторлорго “Алыкул Осмонов атындагы адабий сыйлыктын лауреаты” деген диплом, төш белгиси жана атайын сертификаты менен акчалай сыйлыгы тапшырылат.
- Алыкул Осмонов атындагы адабий сыйлык сынакта камтылган жылдан кийинки жылдын жазында, акындын туулган күнүнө жана “Нооруз” майрамына туш келген “Бүткүл дүйнөлүк поэзия күнүндө”, 21-мартта тапшырылат.
