Урматтуу поэзия күйөрмандары!
“Роза Отунбаеванын демилгеси” эл аралык коомдук фонду кайрадан салттуу иш-чарасын улантып баштады. 2-июнь күнү саат 19:00дө “Ынтымак” паркында “Кечки лира” аттуу поэзия кечесин тартуулайт.
Поэзия кечеде А.Осмонов атындагы адабий сыйлыктын лауреаты, акын, котормочу Алтынбек Исмаилов, Маданияттын мыкты кызматкери Нуркыз Рыскул кызы, А.Осмонов атындагы адабий сыйлыктын лауреаты, акын Улукбек Омокеев ырларынан окуп берип, обондуу ырлар ырдалат.
Кыргыз Республикасынын экс-президенти Роза Исаковна Отунбаеванын жеке демилгеси менен аталган фонд 2016-2020-жылдары Улуттук Филармония менен биргеликте Кыргызстандагы белгилүү акын жазуучулардын жана жаш таланттардын поэтикалык кечелеринин сериясын эл-журтка кеңири тартуулап келген. Бул жылдар аралыгында 100 акын катышкан 40 поэзия кечесине 15 миңден ашык адам акысыз катышкан. COVID 19 пандемиясынан улам үзгүлтүккө учурап калган долбоор кайрадан өз ишин улантууда.
Жалпы ыр күйөрмандарын 2-июнь күнү саат 19:00гө “Ынтымак” паркына “Кечки лирадан” күтөбүз. Кечеде “Роза Отунбаеванын демилгеси” эл аралык коомдук фонду чыгарган китептер жана “АсылМЕД” компаниясынан белектер ойнотулат.
