Баткен облусунун Кадамжай районунда өтүп жаткан кыргыз-өзбек “Достук” фестивалы бүгүн Апшыр-Ата эс алуу жайында жыйынтыкталды. 2 күндөн бери өтүп жаткан фестивалда катышуучулар адабий байланыш, чыгармачылык тууралуу кенен маектешип, ыр окушту.
Фестивалдын катышуучуларын Кадамжай райондук мамлекеттик администрациясынын башчысы – аким Кутпидин Шакиров кабыл алып, бул өткөрүлгөн иш-чара кыргыз-өзбек достугун чыңдоого чоң салым кошорун баса белгиледи.
Кыргыз-Өзбек “Достук” фестивалын уюштурууга көмөк көрсөткөндүгү үчүн КР Маданият, маалымат, спорт жана жаштар саясаты министрлигине, КР Президентинин Ош облусундагы ыйгарым укуктуу өкүлчүлүгүнө, КР Президентинин Баткен облусундагы ыйгарым укуктуу өкүлчүлүгүнө, Ош шаардык мэриясына, Кадамжай райондук мамлекеттик администрациясына, элдик кол өнөрчүлөр бирикмесинин директору Султан Макашовго терең ыраазычылык билдиребиз.
