Кыргыз Республикасынын Улуттук жазуучулар союзунун имаратын оңдоп-түзөө иштери жүргүзүлүүдө.
Эгемендүүлүк алган жылдан бери кароосуз калган Кыргыз Республикасынын Улуттук жазуучулар союзуна сонку жылдары мамлекет тарабынан көңүл бурулуп, көп көйгөйлөр чечилип келүүдө. 2023-жылдын башында Президентибиз Садыр Жапаров жана Министрлер Кабинетинин Төрагасы Акылбек Жапаров, Министрлдер кабинетинин төрагасынын орун басары Эдил Байсалов, Маданият, маалымат спорт жана жаштар саясаты министри Алтынбек Максүтов, Иш Башкармалыктын башчысы Каныбек Туманбаев тарабынан Улуттук жазуучулар союзунун коммуналдык төлөмдөргө болгон бир жарым миллион сомдон ашык карызы төлөнгөн.
Быйыл жыл башында Кыргыз Республикасынын Министрлер кабинетинин Төрагасынын орун басары Эдил Байсалов КР Улуттук жазуучулар союзуна келип, акын-жазуучулар менен жолугуп, имараттын экинчи кабаты жазуучуларга өткөрүлүп берилээри тууралуу айткан.
Учурда имараттын экинчи кабаты КР Улуттук жазуучулар союзуна берилип, мамлекет тарабынан оңдоп-түзөө иштери жүргүзүлүп жатат.
Учурдан пайдаланып, КР Президенти С.Н.Жапаровго, КР Министрлер кабинетинин төрагасы А.Жапаровго, КР Министрлер кабинетинин төрагасынын орун басары Э.Байсаловго, КР Маданият, маалымат, спорт жана жаштар саясаты министри А.А.Максүтовго, КР Президентинин Иш Башкармалыгынын башчысы Каныбек Туманбаевге Улуттук жазуучулар союзунун Башкармалыгынын атынан терең ыраазычылык билдиребиз.
