Жазуучу жана журналист, Азербайжан Мажилисинин депутаты, Маданият комитетинин төрайымы Ганира Пашаева дүйнөдөн кайтты.
Ганира Пашаева 1975-жылы 24-мартта Азербайжан ССРинин Товуз районундагы Дюз Гырыглы айылында туулган. Эки жогорку билими бар – медициналык жана юридикалык. Азербайжан мамлекеттик медициналык университетинин педиатрия факультетин жана Баку мамлекеттик университетинин эл аралык укук факультетин бүтүргөн.
Кыргыз адабиятынын досу, Түрк дүйнөсүнүн чыгаан кызы, жазуучу жана журналист, Азербайжан Мажилисинин депутаты, Маданият комитетинин төрайымы Ганира Пашаеванын мезгилсиз дүйнөдөн кайткандыгына байланыштуу Азербайжан элине, Азербайжан акын-жазуучуларына, бир туугандарына, үй бүлөсүнө терең кайгыруу менен көңүл айтып, аза кайгысын тең бөлүшөбүз. Жаткан жери жайлуу, топурагы торко болсун!
КРУЖС Башкармалыгы
