Ырысгүл Изатова: Кечиргиле унутканча

Жүрөккө өз өкүмүн буйрук кылып,
Жүрөт ал сезимимди буюктуруп.
Баш тартпай койдум бирок андан такыр,
Башканы сүйсө деле  билип туруп.

Жадатты жан дүйнөмдүн кыйналганы,
Же тагдыр мага бакыт ыйгарбады.
Армандуу жазылганга айыптуудай,
Ыйлашат кагазымда ырлар дагы.

Түбү жок, терең ойго тунуп канча?
Жазамын жашын төккөн булуттарча.
Оо ырлар кечиргиле, кечиргиле,
Мен эми ал адамды унутканча.