К.Басылбековдун “Туюктар” китебинин бет ачары өттү

Бүгүн Г.Айтиев атындагы көркөм сүрөт музейинде акын, котормочу К.Басылбековдун “Туяктар” аттуу китебинин бет ачары болуп өттү. Китептин бет ачарына арналган иш-чарага КРУЖС төрагасынын орун басары, акын К.Кадыракунов, КР Эл акыны К.Бакиров, КР Маданиятына эмгек сиңирген ишмерлер Б.Максүтов, Б.Чотурова баштаган акын-жазуучулар, котормочулар, өнөр адамдары, автордун жакын санаалаштары жана ыр күйөрмандары катышты. Кечеге модераторлук кылган К.Кадыракунов автордун ырларынан, котормолорунан окуп берип, келген меймандарга автордун бейнесин ачып, тааныштырды. Кеченин коноктору акындын котормочулуктагы талыкпаган эмгегин баса белгилешип, жарык көргөн алгачкы автордук жыйнагы менен адабиятка жаңылык алып келгенине токтолушту. КРУЖСнун котормо багытынын дыйканы, 14 котормо толугу менен…..

Меңди Мамазаированын “Аймаран” аттуу романынын бет ачары өтөт

Кыргыз Республикасынын Эл акыны, көптөгөн сыйлыктардын ээси, жазуучу, драматург  Меңди Мамазаированын “Аймаран” аттуу романынын бет ачары өтөт. Бет ачар  үстүбүздөгү жылдын 26-январында саат 11:00 дө,  Алыкул Осмонов атындагы Улуттук китепкананын Чыңгыз Айтматов залында болмокчу. Баардык окурмандар үчүн эшик ачык.

19-майда Акбар Кубанычбековдун “Бир күн”аттуу музыкалык поэзия кечеси өтөт

Жазуучулар союзунун мүчөсү, А.Осмонов атындагы сыйлыктын лауреаты, көптөгөн ыр сынактардын жеңүүчүсү, “Периштенин канаты” китебинин автору акын Акбар Кубанычбековдун “Бир күн” аттуу музыкалык поэзия кечеси өтөт. Кече 19-май КТР дин концерттик студиясында саат 14:30 да башталат. Жалпы ыр күйөрмандары үчүн эшик ачык.

Үч акын кыздын “Ырымдасыз”аттуу поэзия кечеси өтөт

Т.Сатылганов атындагы Кыргыз Улуттук филармониянын кичи залында 19-май күнү саат 17:00 дө “Роза Отунбаева демилгеси” Эл аралык фонду тарабынан уюшулуп жаткан “Ырымдасыз” аттуу кезектеги поэзия кечеси өтөт. Кечеге акын кыздар Эсен кызы Айсулуу, Рыскул кызы Нуркыз жана Изатова Рыскүл катышып, ырларын жалпы журтка тартууламакчы. Буга чейин бул фонд Сагын Акматбекова баштаган бир топ акындардын поэзия кечесин өткөрүп келген. Андыктан бардык каалоочуларга эшик ачык экенин уюштуруучулар билдиришүүдө.

С.Акматбекованын «Жүгүргөн туман» аттуу поэзия кечеси өтөт

«Роза Отунбаеванын демилгеси» эл аралык коомдук фонду КР Жазуучулар Союзу жана Улуттук Филармония менен биргеликте Кыргызстандагы эл-журтка кеңири белгилүү акын, жазуучулардын жана жаш таланттардын поэтикалык кечелеринин сериясын тартуулоону улантууда. Мындай кеченин кезектегиси эл ичинде сүймөнчүлүккө ээ болгон, таанымал акын, Кыргыз Эл акыны Сагын Акматбекованын чыгармачылыгына арналат. “Жүгүргөн туман” деп аталган бул поэзия кечеси 2016-жылдын 20-январында саат 17:00дө Токтогул Сатылганов атындагы Улуттук Филармониянын кичи залында болуп өтөт. Акын Сагын Акматбекова Чүй облусунун Панфилов районундагы Орто-Арык айылында төрөлгөн. 1973-жылы Москвадагы А.М.Горький атындагы Адабият институтун аяктаган. Анын “Жамгыр” деген алгачкы ырлар жыйнагы 1970-жылы толугу менен…..