Month: November 2022

Эсентур Кылычевдин “Күзгү токой” аттуу ырлар жыйнагы жарык көрдү

Жазуучулар Союзу

Акын, котормочу, адабиятчы Эсентур Кылычевдин “Күзгү токой” аттуу ырлар жыйнагы жарык көрдү. Жыйнакка акындын ырлары, котормолору жана автордун орус тилине которулган ырлары кирген. Китептеги “Үндөр”, “Жашыл шоолалар”, “Бүчүрлөр жарылганда” деген бөлүмдөрдө акындын мурда-кийин жазылган өзүнүн ырлары берилген. Ал эми «Күзгү токой» бөлүмүндө Э.Кылычевдин котормосунда Генрих Гейне, Антонио Мачадо, Витрезслав Незвал, Рене Сюлли-Прюдом, Рекам, Исикава Такубоку, Мати Тавара сыяктуу белгилүү акындардын чыгармалары камтылган. Ошондой эле “Ырларым Пушкин тилинде” деген бөлүмдө акындын орус тилине которулган ырлары орун алган. Эсентур Кылычев 80-жылдары кыргыз поэзиясындагы жаңычыл ийгиликтерди жараткан акындардын бири катары таанылган. Анын ырлары толугу менен…..

Бакытбек Мукарамов: Сүйүү десе, аялзат дүйнөсүнө, Өмүр бою акым бар суктанууга

Жазуучулар Союзу

Өлбөйт акын (Кыргыз Республикасынын эл акыны Байдылда Сарногоевдин жаркын элесине. Мурас калган чыгармачылары таасириндеги сүртүмдөр) Саресеп “Ашуудан берген отчёт” – ашууларга Ат менен чыккан кезде жазылгандай. Аскада калган эски жазууларга, Айтаары ыйык ырдын табынгандай.   Ташыркоо эмне билбей таптоо аттай, Тоолордун таштак жолу багынгандай. Таштагы эзелки эл жазган каттай, Тагдыры ага тике кабылгандай.   Китебин барактадым, барактагым Күнүгө келе берет шам алдыда. Калган ыр, курчтугу курч ар бир сабың, Кайтарды ал күндөргө, жан алды да.   Карааның ырлар жазып олтургандай, Күзгүдөй алдында бу аскалардын. Көөнөрбөс ырың бөксө толтургандай, Кетпеген изи толугу менен…..

“Аманат” китеби казак тилинде жарык көрдү

Жазуучулар Союзу

Казакстандын Алматы шаарында, КР Эл артисти, ак таңдай төкмө Элмирбек Иманалиевдин Казак тилинде жарык көргөн “Аманат” ыр жыйнагынын бет ачары КР Маданият, маалымат, спорт жана жаштар саясаты министринин орун басары Түмөнбай Колдошев, РК Маданият жана спорт вице министри Данияр Алиевдин катышуусунда Казакстан Республикасынын Улуттук китепканасында өттү. Жыйынды филология илимдеринин доктору, акын Жакып Бауржан алып барды. Жыйынга эки элдин асылдары Улукбек Есдаулет, Акбар Рыскулов, Нурлан Калыбеков, Алтынбек Коразбаев, Сулайман Кайыпов, Карбалас Бакиров, Акан Абдуалиев, Өмүрзак Кайыпов, Сыймык Бейшекеев, ЖК депутаты Мирлан Самыйкожо, Кыргызстандын Алматы шаарындагы башкы консулу Назарали Арипов, китепти Казак толугу менен…..

Бейшебай Усубалиев: Зоока

Жазуучулар Союзу

Зоока –Кичине киши өңдүрөөгүн берчи…– деди Карагул, жаман тумагын аялын көздөй сунуп. – Даакыдай самсаалатып… Киши уялат экен… –Уялганда!.. – Аялы оозун эптеп келатып, кайра жалтактай кетти. – Жок да. Дагы тумагы жок келбедиңби кечөө… –Ыя?! – Карагул көзүн ала качты. – Тумагы жок… Өзүм эле келдимби?.. –Ооба!.. – Аялы зиркилдейин деп келатып, дагы жалтактай кетти. – Өзүң эле келдиң. Бул коктуда бизден бөлөк ким бар эле?.. –Аа… Айбекти кошуп берсең болмок экен. –Кошкондо малды ким карайт эле?.. –Аа… Кудай алды дейсиңби, бир талга илинип турат да. –Колун шилтеди. – толугу менен…..

Улуттук жазуучулар союзу марафонго чакырат

Жазуучулар Союзу

Урматтуу мекендештер, Урматтуу калемдештер жана адабият сүйүүчүлөр, Кыргыз Республикасынын Улуттук жазуучулар союзу 2022-жылдын 9-декабрында саат 10:00дө Улуттук тарых музейинде марафон өткөрөт. Марафондун максаты: КРнын Президентинин жана Өкмөтүнүн иш башкармалыгынын “Мамлекеттик имараттар департаменти” мамлекеттик ишканасына 2018–жылдын 31–декабрына карата коммуналдык төлөмдөргө болгон 1457071 (бир миллион төрт жүз элүү жети миң жетимиш бир) сомдук карызын төлөө; КР Улуттук жазуучулар союзунун материалдык жана техникалык базасын чыңдоо; Улуттук адабиятты колдоо. 1934 – жылы уюшулуп, 2004 – жылы Кыргыз Республикасынын Президенти тарабынын “Улуттук” макамга ээ болгон Кыргыз Республикасынын Улуттук жазуучулар союзунун марафонуна активдүү катышууга чакырабыз. Банктык толугу менен…..

Абдужапар Аскаров: Сөз айтсак ыйлап ийчүдөй, Унчукпай турдук, унчукпай…

Жазуучулар Союзу

***** Каректен аткан мылтыктай Же сенден, менден үн чыкпай, Сөз айтсак ыйлап ийчүдөй, Унчукпай турдук, унчукпай…   Бир туруп бөлөк арабыз, Айрылыш жолду курабыз, Жер бизди бириктирчүдөй, Жерди эле тиктеп турабыз…   Сүйлөшпөй бастык кадам суз, Сүйүүнү көмдүк анан биз… Жапжалгыз, жолдор турса да Бир жолдо баспас адамбыз.   “Кош” дедиң көзүң жаш болуп, “Кош” дедим сөзүм пас болуп, Көрүндү көзгө дарактар, Көрүстөндөгү таш болуп…   Көз жаштар акты көңүлдөн, Көрүшпөс болдук өмүрдөн, Бул бакта биздей коштошуп, Канча бир сүйүү көмүлгөн….   Муңайган жан жок биз өңдүү, Курчаган ойлор күмөндүү, толугу менен…..

Мырзаян Төлөмүшевдин 80 жылдыгына арналган иш-чара өттү

Жазуучулар Союзу

Бүгүн А.Осмонов атындагы Кыргыз улуттук китепканасында акын, жазуучу жана котормочу Мырзаян Төлөмүшевдин 80 жылдыгына арналган иш-чара өттү. Аталган иш-чарага КР Улуттук жазуучулар союзунун төрагасынын орун басары К.Кадыракунов, КР Эл жазуучулары К.Ашымбаев, М.Абакиров, КР Эл акындары Т.Самудинов, Т.Мамеев, М.Мамазаирова, Л.Үкүбаева, О.Ибраимов, Б.Усубалиев, Э.Кылычев ж.б. адабиятчылар, акын-жазуучулар, маданият өкүлдөрү катышты. М.Төлөмүшевдин өмүр баянын чагылдырган документалдуу тасма көрсөтүлүп, чыгармачылыгы боюнча кеңири сөз болду. Мырзаян Төлөмүшев кыска аңгемелерден турган “Деген экен” аттуу китеби менен окурмандарга кеңири таанымал. Мындан тышкары “Жан эрмек”, “Тоолуктардын эрмеги”, “Кечки серенада” китептеринин автору. Р.Жованьолинин “Спартак” тарыхый романын, Ч.Айтматовдун “Кассандра тамгасы”, толугу менен…..

Гүлзада Станалиева: Айсулуу Көкөеванын «Аялдын күндөлүгү»: экзистенциалдык кризис же жашоо маӊызын издөө

Жазуучулар Союзу

Айсулуу Көкөеванын «Аялдын күндөлүгү»: экзистенциалдык кризис же жашоо маӊызын издөө А.Көкөеванын «Аялдын күндөлүгү» аттуу жанры, баяндоо стили боюнча өзгөчөлөнгөн адаттан тыш чыгарма. Темасы айтып тургандай, чыгарма күндөлүк түрүндө жазылган. «Күндөлүктө» аял турмуш деген улуу сыноону түзгөн башынан өткөн күндөрү тууралуу баяндап отуруп, өзүнүн жан дүйнөсүн кыйнаган суроолордун үстүндө ой жүгүртөт. Чындыгында чыгарманы үстүртөн караганда, анда оор тагдырды башынан кечирген аялдын күндөрү ирээтсиз, баш аламан баяндалгандай көрүнүшү мүмкүн. Бирок, эгер чыгармадагы подтекстке, баш каармандын образына көӊүл коюп карай турган болсок, «Аялдын күндөлүгүндө» бир аял кишинин башынан өткөргөн жеке тагдыры менен бирге толугу менен…..

Б.Усубалиев :”Жүз жылдар кийин не болот, же дагы бир жолу адамдык трагедия жөнүндө”

Жазуучулар Союзу

Изденүү,  Табылга, Изденүү                                                                                                                                                                Бейшебай Усубалиев Менин он эки саптык ырымды Бейшебай 60 толугу менен…..

Гүлбарчын Боскееваны эскерүү кечеси жана “ЖазАйым” китебинин бет ачары өттү

Жазуучулар Союзу

Бүгүн 22-ноябрда Ж.Баласагын атындагы Кыргыз улуттук университетинде жаш калемгер Гүлбарчын Боскееваны эскерүү кечеси жана “ЖазАйым” китебинин бет ачары өттү. Иш чарага университеттин эмгек жамааты, калемдештери, жакындары жана студенттер катышты. Акындын аз өмүрүндө аткарып кеткен иштери, адамгерчилиги, жетишкендиктери тууралуу сөз болуп, ырлары көркөм окулду. Ырларында терең ойлорду бере алган, келечегинен көптү үмүттөндүргөн талант 25 жаш курагында өмүрдөн өтүп, дагы далай шыңгыр үндүү, тунук саптары жазылбай калды.