Month: December 2022

Жаңы жылыңыздар менен

Жазуучулар Союзу

Урматтуу мекендештер! Урматтуу калемдештер! Сиздерди 2023-жаңы жылыңыздар менен куттуктайбыз! Өтүп бара жаткан жыл жазуучулар союзу үчүн жемиштүү жыл болду. Президент С.Н.Жапаровдун жеке тапшырмасы менен жазуучулар союзунун карызы төлөнүп, жалпыбызга жагымдуу жаңылык болду. Буюрса жаңы жылда жаңы имараттуу болуп, жаңы дем, жаңы эргүү менен иштөөгө белсенип турабыз. Мамлекеттин колдоосу менен жаңырган жылдан тарта чыгармачылык багытта алгылыктуу иштерди аткаруу максатыбыз бар. Коён жылында жергебизде тынччылык болуп, элибиз бейпилдикте өмүр сүрсүн. Жаратканыбыз ар кандай оору сыркоо, апааттардан алыс кылсын. Ар бириңиздерге бекем ден-соолук, үй бүлөлүк бакыт, чыгармачылык эргүү, талыкпаган изденүү менен катар үзүрлүү толугу менен…..

Жазуучулар союзуна жаңы мүчөлөр кабыл алынды

Жазуучулар Союзу

Кыргыз Республикасынын Улуттук жазуучулар союзунун катары жаңы мүчөлөр менен толукталды. Мүчөлүккө сунушталган калемгерлер атайын түзүлгөн комиссиянын чечими менен жылына бир ирет КР Улуттук жазуучулар союзуна кабыл алынып келет. Быйыл дагы сунушталган таланттар поэзия, проза, балдар адабияты, публицистика секцияларында каралып, атайын түзүлгөн комиссиянын чечими менен 23 калемгер жазуучулар союзуна кабыл алынды. Жазуучулар союзуна өткөн жаңы мүчөлөр менен таанышып алыңыздар. Оторбаев Кубат Сатымкулов Азим Ниязова Клара Бообекова Манат Жанышбеков Акбар Рыскул кызы Нуркыз Нурлан кызы Бегайым Турсунбаев Жылдызбек Абдиев Жээнтай Жажанов Адылжан Авазов Абдыллабек Сокурова Жыргал Наралиева Миргүл Жумалиева Максуда Сейитова Сайра толугу менен…..

Керимбек Кадыракунов: Көргөн көзгө көркүң берип жарашык, Кай жеринде жүрдүң экен дүйнөнүн

Жазуучулар Союзу

Кай жеринде жүрдүң экен дүйнөнүн Ишенимди келбейт менден издегиң, Ынандырбас ыза аралаш биздеги үн. Ашыктыктын арзуу сөзүн арнасам, Сап башында турарың чын тизменин.   Салкын тартып турат быйыл күздө күн, Салбырыңкы санаа артты бизге ким. Ойлор келет оодарылган булуттун оюмунан элесиңди издегим.   Мелжий кеткен көз талытар бийик бет, Аскадайсың көккө умтулган бийиктеп. Чамам жетсе чарк айланып бармакмын, Учкан куштун канатынан кийип кеп.   Капилет күч берер балким бизге дем, Ыкка салып ымаланы түздөгөн. Качан, кайдан кабыларың биле албай, Карыптаймын жоктон үмүт үзбөгөн.   Чиеленген турмуш, күчөп күймөлүүм, Илмек учун толугу менен…..

Мамлекеттик сыйлык ээлерин куттуктайбыз

Жазуучулар Союзу

Кыргыз Республикасынын Президенти Садыр Жапаров “Кыргыз Республикасынын мамлекеттик сыйлыктары менен сыйлоо жөнүндө” Жарлыкка кол койду. Кыргыз Республикасынын социалдык-экономикалык, интеллектуалдык жана маданий дараметин өнүктүрүүгө кошкон салымы үчүн, ошондой эле кесиптик жетишкендиктери үчүн сыйлыктарга ээ болгон инсандардын катарында Кыргыз Республикасынын  Улуттук жазуучулар союзунун төмөнкү мүчөлөрү да бар: “КР Эл акыны” наамы менен Нурманбетов Тынчтыкбек Асанкулович “КР Эл жазуучусу” наамы менен Матисаков Абдиламит Мурзаевич Назаралиев Бекен Сапарбаевич “КР Маданиятына эмгек сиңирген ишмер” наамы менен Жороев Турабай Калыева Өктөм Аширбаевна Култаева Умут Баймуратовна Оморов Асыкбек Мамбетакунович Ражабалиев Аскарали “Кыргыз Республикасынын илимине эмгек сиңирген ишмер” толугу менен…..

Максуда Ормонова: Эки кап алма

Жазуучулар Союзу

Эки кап алма Базарга барып, бир буюм сатып кѳргѳн жан эмес элем, эми кантээр экем. Тойго барганга кайненеме акча керек экен. Ал үчүн мен эртең алманы сатып, акча кылып келишим керек. Жолдошумдун Алма-Атага кеткенине жыйырма күндѳн ашып калды. Туугандардын тоюна келип калам деген эле, бирок кечикти. Энемдин айтканына каршы боло албадым. Эки чоң капка алманы салып, оозун бууп кайнагам даярдап койду. –Эрте менен беш жарымга машина келет, алма даяр, ѳзүм жүктѳп берем, – деп чыгып кетти. –Эне канчадан сатам? –Базардын баасын карап сата бер. Арзан берип жибербе. –Айназиктин тамактарын бул толугу менен…..

Нуриза Өмүрбаева: Оо, ошондо кандай керек болчусуң! Мени мендей сактоо үчүн өзгөртпөй

Жазуучулар Союзу

***** Чарчатат ушул турмуш башаламан, Жашаймын күндү узатып, таңды тосуп. Арманым, арызымдан тажабаган, А деңиз жанымдагы жалгыз досум.   Жашоонун жасалмалуу шаңы менен, Көөнөргөн көңүлүмдү алдап келдим. Жандарды жүрөгүмдү тааный элек, Жарыгым тийбей мен да жандап көрдүм.   Боштукка боюн таштап, жылдар өлөт, Үлбүрөп чырак өчөт түнөгүмдө. Күнүмдүк жанган отко жылынам деп, От жакпай койгон экем жүрөгүмө.   Жарыкка батпаган жан кайда батат? Жалган деп жашаганым чыным экен. Сурабайм бакыт. Бактым алда качан, Кудайдын колдорунан чыгып кеткен.   Ыйласам болмок бүгүн себебим көп, Баягы оттуу нур жок карегимде. Жашоонун өзү толугу менен…..

Бейшебай Усубалиев: Түйшөлткөн 7 томдук

Жазуучулар Союзу

Ойкана Түйшөлткөн 7 томдук «Ар тараптуу зор талант Советбек Байгазиев кайдан келди?» – деген суроону коюп жатып, бала чагымда (окуучулук куракта) жүрөгүмдө уюп калган эки так аргасыздан эске түштү: К.Жусуповдун «Аянкул» повести. Согуштан эки көзүнөн ажыраган Аянкулга качан көз бүтөт, бүтүшү керек эле деп күтүп жатып, үмүтүм акталбай, сыздап кала берген элем. Советбек Орозкановдун кичинекей каарманы тегирмендин (Караңгыда каман күркүрөйт) ичиндеги бүлбүл чырактын жарыгында жерде жаткан гезиттин айрындысынан капысынан өзүнүн ырынбы, кабарынбы окуп калып, сүйүнгөнүнөнбү, коркконунанбы, айтор ааламды жаңырта кыйкырып алган эле. Ошол кыйкырык үн азыр да кулагымда жаңыра берет. толугу менен…..

Жазуучулар союзунда жагымдуу жаңылык

Жазуучулар Союзу

Кыргыз Республикасынын Улуттук жазуучулар союзу коммуналдык кызмат көрсөтүүлөр боюнча бир жарым миллион карызынан кутулду. 2018-жылдын 31-декабрына чейин топтолгон карызды жабуу боюнча Кыргыз Республикасынын Министрлер кабинетинин Төрагасынын резервдик фондунан каражат бөлүнүп берилди. Кыргыз Республикасынын Министрлер кабинетинин Төрагасы А.У.Жапаровдун “Кыргыз Республикасынын Бюджеттик кодексинин 25-беренесине, Кыргыз Республикасынын Министрлер кабинетинин Төрагасынын 2022-жылдын 15-февралындагы 136-тескемеси менен бекитилген Кыргыз Республикасынын Министрлер кабинетинин Төрагасынын резервдик фондунун каражаттарын пайдалануунун тартибине ылайык Жазуучулар союзунун карызын төлөө үчүн 1 590 700 (1 млн. беш жүз токсон миң жети жүз) сом бөлүнүп берилсин” деген (23.12.2022. Номер 812) тескемеси чыкты. 1934-жылы уюшулуп, толугу менен…..

ТҮРКСОЙ эл аралык уюму тарабынан жарык көргөн китептердин бет ачары өттү

Жазуучулар Союзу

Бүгүн А.Осмонов атындагы Кыргыз улуттук китепканасында ТҮРКСОЙ эл аралык уюму тарабынан жарык көргөн китептердин бет ачары болуп өттү. Иш чарага ТҮРКСОЙ эл аралык уюмунун баш катчысы С.Раев, КР Улуттук жазуучулар союзунун төрагасы Н.Калыбеков, акын-жазуучулар, авторлор катышты. С.Раевдин демилгеси менен кыргыздын 50дөн ашуун акындарынын ырлары түрк тилине которулуп “Кыргыз акындарынын антологиясы” деген ат менен жарык көрдү. Мындан тышкары “Чыңгыз Айтматов”, “Жолон Мамытов”, Касым Тыныстановдун “Касым ырлары”, А.Акбаровдун ырлар жыйнагы китеп болуп басылган.  Китептер А.Осмонов атындагы Кыргыз улуттук китепканасына, КР Улуттук жазуучулар союзуна тапшырылды жана авторлорго берилди. 

Жаныбек Өмүралиевдин чыгармачылык жолугушуу кечеси өттү

Жазуучулар Союзу

Чыгармачыл чөйрөгө “Юморалиссимус” деген ат менен таанылган Жаныбек Өмүралиевдин чыгармачылык жолугушуу кечеси өттү. Бул жолугушуу кечени Кыргыз Республикасынын Улуттук жазуучулар союзу “Сармерден” ресторанынын ээси Д.Орозалиевдин колдоосу менен уюштурду. Жолугушууга калемдештери К.Бакиров, К.Кадыракунов, Д.Керимов, Ө.Тиллебаев ж.б. акындар, автордун туугандары, “Жаңы толкун” адабий клубунун чыгармачыл жаштары катышты. КР Улуттук жазуучулар союзунун төрагасы Н.Калыбеков өз сөзүндө адабиятка активдүү аралашып жүрүп, узак жылдар чыгармачылыктан алыстап кеткен таланттарды кайрадан эл алдына алып чыгып, шыктандыруу максатында ай сайын бирден автордун чыгармачылык жолугушуу кечесин уюштуруп турарын билдирди. “Таанышың барда таңкасың, таанышың жокто маңкасың”, “Галстугу бар экен, калыстыгы жок экен” деген саптардын толугу менен…..