Month: November 2022

Манас Алымбаев: Саргайган күз. Чаң аралаш ойлордон, Сага ылайык сап издешет кыялдар

Жазуучулар Союзу

Ат үстүндө толгоолор… Атым жаңы такаландың, Ташыркабай арышта. Тизгиниңди токтото албай, Карышсын кол карышса. Өмүр бизди шаштырса да, Биз булуттай каалгып жылып, Бир да жолу кошулбадык жарышка.   Дүбүртүнө кошулсаң сен аттардын, Дүрбөөсүнө кошулсам мен жаштардын. Байге алмаксың сен деле, Бай болмокмун мен деле, Кыйын деген күлүктөр, Сага окшогон ат эле. Кыйын деген жигиттер, Мага окшогон пенде эле… Экөөбүз тең козголбогон, Тоону көрүп суктанып. Жашабайбыз жарышып деп, Тынч тоолорго ыктадык.   Дүйнө сенин суулугуңдай, Чайналып да, көбүрүп. Дүйнө кыздын жоолугундай, Бир кызарып көрүнүп. Бир үйүрүң болгондугун, Сен эстейсиң бышкырып. Бир толугу менен…..

Жаш калемгер Кадырбек Аблабековду эскерүү кечеси өттү

Жазуучулар Союзу

21-ноябрда А.Осмонов атындагы Кыргыз улуттук китепканасында “Жигит өлбөс болсочу” деген аталышта жаш калемгер Кадырбек Аблабековду эскерүү кечеси өттү. Кечеге КР Улуттук жазуучулар союзунун төрагасы Н.Калыбеков, КР Маданият, маалымат, спорт жана жаштар саясаты министрлигинин алдындагы Улуттук адабиятты өнүктүрүү борборунун директорунун орун басары К.Кадыракунов, Ч.Турсунбеков атындагы фонддун өкүлү Н.Абдыгулов, КР Эл аралык “Нурборбор” чыгармачылык академиясынын президенти Н.Маамытбаев баштаган жаш таланттар, К.Аблабековдун үй-бүлөсү, жакындары ж.б. катышты. Иш-чаранын катышуучулары бир ооздон Кадырбектин такшалып келе жаткан, келечекте өз чыйырын сала турган жөндөмү бар талант болгондугун, бийик адамкерчилик сапаттарын эскеришти. Эскерүү иш-чарасын демилгелеген КР Эл акыны, Улуттук толугу менен…..

Чай үстүндө баарлашуу

Жазуучулар Союзу

КР Улуттук жазуучулар союзу “Сармерден” ресторанынын ээси Дүйшемамбет Орозалиевдин демөөрчүлүгү менен “Чай үстүндө баарлашуу” долбоорун баштады. Бул долбоордун алкагында эл алдына көп чыга бербеген, көмүскөдө калган таланттарды алып чыгып, акын-жазуучулар менен чай үстүндө маектешип, чыгармачылыгы талкууланат. Алгачкы каарман акын Динара Бейшеналиева болду. Акын менен баарлашуу үчүн КР Эл акыны С.Акматбекова, жазуучу А.Матисаков, М.Сабыров, Ж.Жоробеков, акындар В.Бөлөкбаева, А.Базарбаева, Л.Асанбекова, А.Бакирова, М.Алымбекова ж.б. катышты. Долбоордун автору КРУЖС төрагасы Н.Калыбеков бул саамалык ай сайын улантылып турарын белгиледи. Жазуучулардын чай үстүндө баарлашуусун жакында adabiyat.kg сайтынан жана ютуб каналдан көрө аласыздар.

Жаннат Сабырбекова: Кыштай тоңсом, бир заматта жаз кылган, Ошол дүйнөң бүтпөчүдөй сезилчү

Жазуучулар Союзу

Бирөө Тыптынч бөлмө… Сүйлөп жалгыз терезе, Тышта кандай суук экенин уңулдайт. Ызгаарынан көңүл калган немече, “Бирөө” мында от жагам деп чыгынбайт.   Күрмөсүнө арык боюн жашырып, Калем кармап, анан ыкшып жөтөлөт. Капталында үстөлүнүн чачылып, Кагаз жатат чиймеленген өтө көп.   Табагында желген нандын күкүмү, А жанында чырак турат жана албай. Чайына окшоп күңүрт тартат бүт үйү, Ичилбестен муздап калган карандай.   Карап сырттан бооруң ооруйт, жан кейийт – Балким аны элден бөлүп, иргейбиз. Балким бизге буйрубаган чоң бакыт, Анын ар бир кагазында… билбейбиз.   Ал биз үчүн  бир бечара, аялуу толугу менен…..

Бектурали Исамидин уулу: “Бир ооз сөз  сактап калса  өлүмдөн, Бир ооз сөз уккан үчүн  жан чыгат.”

Жазуучулар Союзу

Байдылда Сарногоевдин 90 жылдыгына карата жарыяланган сынакта 1-орунду ээлеген Бектурали Исамидин уулунун ырлары. ҮЧ КАЛЫҢА АШЫКМЫН Жасалгандай нур жүзүң бермет менен, Жарыштагы маарасың эл жетпеген. Болгон чындык дүйнөнүн сулуулугун, Бото көздүүм, мен аны СЕН деп келем.   Кирбей калсаң түшүмө жатканымда, Куйкаланат бүт денем ак жалынга. Бар бакытты өзүң деп сезген үчүн, Баягыдай эмесмин, башкамын да.   Кубат берип калемдин күч, табына, Канат болсоң ырымдын учканына. Ай шооласын акмалап караттырган, Ашык болдум жүзүңдүн үч калына.   Куп жарашса бир калың маңдайыңда, Келбетиңди саламын кандай ырга. Кийинкиси көз асты, эриниңде, Көргөнүмдө төгүлөт толугу менен…..

Элмира Ажыканова : “Бир ойлосом мен бир чекит дүйнөдө Бир карасам аалам менин колумда.”

Жазуучулар Союзу

      Элмира Ажыканова 1966-жылы 15-октябрда Талас районундагы Кум-Арык айылында туулган. Кыргыз Республикасынын Улуттук телерадиоберүү корпорациясынын Кыргыз Радиосунда эмгектенет. КТРдин отличниги, республикалык «Айтыш» коому уюштурган «Мыкты аңгемелер» конкурсунун эки жолку жеңүүчүсү,  Махмуд Кашкари атындагы эл аралык сыйлыктын лауреаты, маданияттын мыкты кызматкери, КР Ардак грамотасынын ээси.  Байдылда Сарногоевдин 90 жылдыгына карата жарыяланган сынакта 3-орунга ээ болду.   Эски мештин жанында Талдап бүтпөй  оңум менен солумду, Таштап салып талыкшыган боюмду. Кыш түнүндө, меш түбүндө телмирип Олтурамын  отко кактап колумду.   Жер айланып зуулап барат огунда, Менин үйүм тогуз жолдун тоомунда. Бир ойлосом мен бир толугу менен…..

Акын түгөйлөр А.Токтомушев менен Ш.Келдибекованы эскерүү кечеси өттү

Жазуучулар Союзу

15-ноябрда К. Баялинов атындагы Республикалык балдар жана жаштар китепканасында  акын жубайлар Алым Токтомушев менен Шербет Келдибекованын көргөзмөсүнүн ачылыш аземи жана эскерүү кечеси болуп өттү. Иш-чарага КР Улуттук жазуучулар союзунун төрагасынын орун басары Керимбек Кадыракунов баштаган акындар – Токтосун Самудинов, Сагын Акматбекова, адабиятчылар – Чоюн Өмүралиев, Самсак Станалиев, Эсенбай Нурушев ж.б. катышты. ТҮНКҮ ГҮЛДӨР …Көп күттүм. Күттүм көпкө… Көпкө күттүм… Кар болуп из түшелек Кадыр түндө, келет деп, бир жарк этип кадимкиңдей. Жарыгым, турна мойнум, жаз саамайым ачылды жылдыз менен түнкү гүлдөр жалгыз сен ачылбадың, мерес болдуң жаз саамайым, жарыгым, турна мойнум. …Көп күттүм. толугу менен…..

Бегайым Нурланова: “Оболу үйрөнгүн сүйгөндү, Сүйгөндү билгендер сүйүлөт!”

Жазуучулар Союзу

Байдылда Сарногоевдин 90 жылдыгына карата жарыяланган сынакта баш байгеге ээ болгон жаш калемгер Бегайым Нурланованын ырларын назарыңыздарга тартуулайбыз. Көңүл Ачуу айтпа, мейли болсом акылуу, Ченем-өмүр, чегерилген жыргал-муң. же сен менин табытыма баш уруп, же мен сенин табытыңда ыйлаймын!   Катуу айтпа, каргышы көп бу турмуш! Канатыңдан кыркканга маш, неликтен?- ар жылыңда башатың кыш, учуң кыш, Ар сыйында аркы дүйнөң жеп ичтен!   Татаал жолдо биз жоголгон  аң-дөңдөр, Таарынычтуу артта канча күн өлдү? Сен Кудайды кандай көрсөң, андай көр! Мен Кудайды эч көрбөгөм- күнөөм бу…   Күн төбөдө күлмүң этпей, аты толугу менен…..

Байдылда Сарногоев атындагы адабий сыйлыктын жеңүүчүлөрү сыйланды

Жазуучулар Союзу

Талас шаарында Байдылда Сарногоевдин 90 жылдыгына арналган салтанаттуу иш чара болуп өттү. Бул иш чарага мамлекеттик катчы С.Касманбетов, КР Маданият, маалымат, спорт жана жаштар саясаты министринин орун басары Т.Колдошов, КР Улуттук жазуучулар союзунун төрагасы Н.Калыбеков, акын-жазуучулар, мамлекеттик жана коомдук ишмерлер катышты. Салтанаттуу иш чаранын 2-бөлүгүндө Б.Сарногоев атындагы республикалык адабий сыйлыктын жеңүүчүлөрү сыйланды. Сынактын биринчи турунан өткөн 10 финалист 2-турда өздөрүнүн ырларын көркөм окуп берип, калыстардын сынынан өтүштү. Калыстардын чечими менен баш байге Бегайым Нурлановага (диплом жана 100 000 сом байге) ыйгарылды. Ал эми 1-орунду Бектурали Исамидин уулу (диплом жана 70 толугу менен…..

Мукай Элебаев атындагы республикалык адабий сыйлыгы уюштурулду

Жазуучулар Союзу

Прозаиктерди колдоо максатында Кыргыз Республикасынын Улуттук жазуучулар союзунда Мукай Элебаев атындагы республикалык адабий сыйлык уюштурулду. Адабий сыйлыктын Жобосу менен таанышып алыңыздар. Кыргыз Республикасынын Улуттук Жазуучулар союзунун Мукай Элебаев атындагы республикалык адабий сыйлыгы жөнүндө ЖОБО Кыргыз Республикасынын Улуттук Жазуучулар союзунун адабият жаатындагы Мукай Элебаев атындагы республикалык адабий сыйлыгы улуттук адабияттын өсүп – өнүгүшүнө өзгөчө салым киргизген эстетикалык жана тарбиялык таасири бар, кеңири коомдук таанууга ээ болгон мыкты прозалык чыгармасы үчүн Кыргыз Республикасынын жарандарына берилет. Мукай Элебаев атындагы адабий сыйлыкка Кыргыз Республикасындагы чыгармачыл союздар, маданият бирикмелери, коомдук уюмдар талапкерлерди көрсөтө алат жана толугу менен…..