Бүгүн Б.Бейшеналиева атындагы КММИУда КР эл жазуучусу, Токтогул атындагы мамлекеттик сыйлыктын лауреаты, түрк тилдүү элдердин маданияты – ТҮРКСОЙ эл аралык уюмунун баш катчысы Султан Раевге ардактуу профессор наамын ыйгаруу иш-чарасы болду. Салтанаттуу иш-чарага окуу жайдын ректору Т.Колдошов, КР Улуттук жазуучулар союзунун төрагасы Н.Калыбеков, төраганын орун басары К.Кадыракунов, КР Эл жазуучулары М.Абакиров, А.Матисаков, Ж.Кулманбетов, адабиятчы, профессор С.Алахан, академик А.Акматалиев, Кыргызстандын ТҮРКСОЙдогу өкүлү К.Мамбеталиев, Ө.Тиллебаев, А.Кожогулов, Г.Станалиева, окуу жайдын окумуштуулар кеңеши, көрүнүктүү маданий-коомдук ишмерлер, студенттер катышты.
Сыйлоо аземинде ардактуу профессор, КР Эл жазуучусу С.Раев Б.Бейшеналиева атындагы КММИУнун эмгек жамаатына ыраазычылыгын айтып, кезинде министр болуп эмгектенип турганда “университет” макамын алып бергенин билдирди.
Университеттин ректору Т.Колдошов ТҮРКСОЙ менен окуу жайдын ортосундагы кызматташтык уланарын айтып, эки тараптуу кызматташтык келишимине кол коюшту.
