Month: January 2021

Ганира Пашаева кыргыз акындарына ыраазычылык билдирди

Жазуучулар Союзу

Азербайжан Республикасынын Мили Межилисинин депутаты, Маданият комитетинин төрайымы Ганира Пашаева КР Улуттук жазуучулар союзунун төрагасы Н.Калыбековго, жаш акын кыздар К.Жакыпова менен Ч.Орозалиевага ыраазычылык катын жолдоду. Ал катта Азербайжан калкынын Ата-Мекендик согушу учурунда (27.09 – 10.11.2020) маалыматтык жана моралдык колдоо көрсөткөндүгүңүздөр үчүн ыраазычылык билдирем. Сиздер ар дайым Азербайжан жана түрк элдери менен болгон алаканы бекемдеп, маданий жаатта байланышты өнүктүрүүдө өз салымыңыздарды кошуп келесиздер. Сиздерге изги тилектеримди билдирүү менен, ысык салам жолдоп, ыраазычылык билдирем деп жазылган.   Урматтуу Ганира айым, Сиздин жөнөткөн ыраазычылык катыңызды кабыл алдык. Азербайжан Республикасы менен Кыргыз Республикасынын акын-жазуучуларынын толугу менен…..

Бактыгүл Чотурова: Классика-кылымдарга көчөсүң, Кыйын күндүн каректерин тешесиң

Жазуучулар Союзу

Күлүктү сойбогула Айтпаңыз, айтпаңызчы, Мал сойгон мактанычпы?! Төрт буту байланганда, Төбөмдөн асман учту…   Чыйрыктым… сүрү беле?! Чыңырды үнү неге? Бир кезде даңканы учкан, Мал эмес… күлүк эле…   Шаан-шөкөт, элде ат чабыш… Шамалдай таштап арыш, Алдына ат чыгарбай, Таанылган атагы алыс.   Душманы азаар жандын, Бут тосот кадамга арбын… Негедир окшоп кетти, Тагдыры адамдардын.   Ич тардык аласасы, Ийилтип таразасы- Асылды жыккан менен, Айтылып калат аты.   Атаңдын көрү, турмуш, Кылсачы назар сынгыс… Жаза алат жакшылар да, Жасаган окшоп кылмыш…   Баарына тойлогула, Бирок да ойлогула, Тушу өтүп кетсе толугу менен…..

Шекербек Калыков: Буйруса депутат болом

Жазуучулар Союзу

Буйруса депутат болом Сунуш түштү, туугандар. Депутат болушум керек экен. “Сен татыктуусуң”, дешти. Түнү бою уктабай чыктым. “Неден жаздым, неден жаңылдым”, дейм ичимен. “Жарытылуу костюмуң жок, байкушум. Деректир акемин костюмун жеңемен сурайт окшойм…” деп келинчегим жанымда өзүнчө буйшаман. Анан дагы кейигендей, “Элден чыгат деген шу экен да…” деп оор улутунуп коет. “Минеге элден чыгат экемин” дейм. Кемпиримин сөзү жакпады, мага. “Патта аканин баласы депутат болгондон бери жок болуп кетти го. Карачечекей эжесинин тажиясына келбей койду. Элдин баары айтып атат. Элден чыккан шу деп атышат”, деп аялым, кабатыр болуп алган. “Ээ, толугу менен…..

Нурлан Калыбеков: Бийиктик (Рамис Рыскуловго)

Жазуучулар Союзу

“Нур дүйнө” китебинен, 1995-жыл Бийиктик Рамиске арнайм 1 Мен феномен, чанда келчү улуу жан, Бийиктигим аскалардай шаңкаят. Ой берметин түбүнө алган чөгөрүп, Тереңдигим океандай чайпалат.   Идеялар чагылгандай чартылдап, Улуу Көктөн турат мээме чагылып. Ыйык нурлар дал төбөмдөн куюлуп, Таманымдан турат жерге агылып.   Бүт турпатым нурга тунуп жалтырап, Жан дүйнөмдү ээлеп алган улуулук. Көкүрөгүм аруулукка жык толуп, Жүрөгүмдө ойноп турат сулуулук.   Көтөрө албай өз кудурет күчүмдү, Күндөр болот ташкындаган, толкуган. Мен ошондо чексиз күчкө ээ болуп, Турмуштагы болбостукту болтурам.   Чийип таштап пендечилик мыйзамын, Жок кыламын майда барат толугу менен…..

КР Эл акыны Рамис Рыскулов 87 жаш курагында көз жумду

Жазуучулар Союзу

Кыргыз адабияты оор жоготууга учурады. КР Эл акыны Рамис Рыскулов 87 жаш курагында көз жумду. Рамис Рыскулов 1934-жылы 9-сентябрда Чүй облусунун Москва районунун Кызылтуу айылында туулган. 1951-жылы Фрунзе педагогикалык окуу жайын бүтүрүп, Москва шаарындагы ВЛКСМ Борбордук Комитетине караштуу Борбордук Комсомол мектебине жөнөтүлөт. Бул мектептеги 2 жылдык окуудан кийин М.Горький атындагы Бүткүл Союздук адабият институтуна өтөт. Эмгек жолун “Кыргызстан пионери” гезитинин редакциясында адабий кызматкер болуп иштөөдөн баштаган, кийин “Ленинчил жаш” гезитинин редакциясында, 1959–1960-жж. “Ала-Тоо” журналынын редакциясында эмгектенген. Анын ырлары “Кыргызстан маданияты”, “Эркинтoo” ж.б. гезит беттеринде жарыяланган. Акын ак ырды киргизүү менен толугу менен…..

Мирзохалим Каримов: Бакма бала

Жазуучулар Союзу

Бакма бала Быйыл он экиге кадам койгон кыялкеч бала түшкө жуук мектептен чыгар замат күндө мына ушул шагыл төшөлгөн түз жол менен түптүз үйгө келет. Кээ бир бейдаба балдарга окшоп оюнкарактык кылып, көчө-көйдө кечке чейин тентип жүргөндү билбейт. Мүнөзү түнт болгону үчүнбү, айтор, башка балдар негедир ага анча жакындашпайт. Класста мугалим жок болуп калган убакта балдар бири-бирин кубалап, мектепти баштарына көтөрчүдөй айкырып-кыйкырышса бу бала кудум мык менен кагып койгондой партасынан жылбай тек турат. Дагы бир таң кала турган жери – чоң адамдан бешбетер терезеге телмирип, негедир ойлоно берет. Ал нени толугу менен…..

Кеңеш Жусупов: Бир тамчы суу

Жазуучулар Союзу

Бир тамчы суу Балдар, мен силерге таалим болор икая айтып берейин. А дегенде жомоктун башын угалы. Алатоо тоолорунун чокуларынан жайы-кышы ак кар, көк муз кетпейт. Булут оролгон долу көк музга кимдин күчү жете алат? Ойлонуп көргүлөчү. Таппадыңарбы? Силер күндүн нурун унутуп койдуңарбы? Атам замандан бери тоңгон музду бир гана күндүн нуру козгой алат. Дүйнөдө андан күчтүү, кубаттуу эч нерсе жок. Жакында ошол көк муздан сарыгып бир тамчы суу пайда болуптур. Бул күндүн илебинен экенин билдиңерби?! Бир тамчы суу муздун бурчунан салаңдап турса, капылеттен ага тил бүтүптүр. Андай немеге ат койбосок толугу менен…..

Мигранттар поэзиясынын антологиясы жарык көрдү

Жазуучулар Союзу

Мигранттар поэзиясынын антологиясы жарык көрдү. Филология илимдеринин доктору, И.Арабаев атындагы КМУнун профессору, акын, КРУЖС поэзия секциясынын башчысы Аида Эгембердиева жана акын, КРУЖС мүчөсү Зарыл Өмүралиева түзүп чыккан бул китепке АКШ, Түркия, Италия, Россия мамлекеттеринде жашап, иштеп жүргөн кыргыз акындарынын ар кыл темадагы ырлары киргизилген. Авторлордун ата-мекенине, эл-жерине болгон сүйүүсү, кусалыгы камтылган ырлары басымдуу болгон китеп – адам баласынын киндик каны тамган жеринин кадыры канчалык бийик экендигин даңазалап турат. Андыктан, китеп сүйүүчүлөрдүн көңүлүнөн орун алат деген ишеничтебиз. Жалпы окурмандарга арналган антология КР Улуттук жазуучулар союзу, И.Арабаев атындагы КМУнун тил жана маданият толугу менен…..

Бакытбек Абдыразаков: Элиң турса күйүп кызыл чок болуп, Чокко түш да, атыл жоого ок болуп

Жазуучулар Союзу

Өмүр баян Акын, публицист, чыгаан педагог, коомдук ишмер Бакытбек Сагынбаевич Абдыразаков 1974-жылы 13-сентябрда Кыргыз Республикасынын Ош облусуна караштуу Кара-Кулжа районундагы Токбай-Талаа айылында туулган. 1981-жылы Кара-Кулжа районундагы “Ленинчил жаш” (азыркы Б. Исаев атындагы) орто мектебинин 1-классына кабыл алынган. Аталган мектепти 1991-жылы алтын медалы менен аяктап, Жусуп Баласагын атындагы Кыргыз улуттук университетине тапшырып, 1996-жылы артыкчылык диплому менен ийгиликтүү бүтүргөн. 1996-жылдын август айынан баштап Кара-Кулжа районундагы Б.Исаев атындагы орто мектепте кыргыз тили жана адабияты мугалими болуп иштей баштаган. 2004-жылы М.Абакиров атындагы “Токбай-Талаа” орто мектебине которулуп, аталган мектепте кыргыз тили жана адабияты сабагы боюнча толугу менен…..

“Жылдын мыкты китеби” сынагы жыйынтыкталды

Жазуучулар Союзу

КРнын Улуттук жазуучулар союзу менен Ч.Айтматов атындагы эл аралык Ысык-Көл форуму биргелешип уюштурган “Жылдын мыкты китеби” сынагынын жыйынтыгы чыгып, сыйлыктары тапшырылды. КРУЖС алдында түзүлгөн комиссиянын чечими менен “Мурас” сериясы боюнча Бакытбек Абдыразаковдун “Чоң бакыт” поэтикалык китеби, “Жаштар” сериясы боюнча Садырбек Турдубек уулунун “Поэзийант” поэтикалык китеби, “Котормо” сериясы боюнча Маркабай Ааматов которгон Бегижан Ахмедовдун “Дербиш” повести, “Поэзия” сериясы боюнча Жедигер Саалаевдин “Манас дух” поэтикалык китеби 2020-жылдын мыкты китеби деп табылды. Ал эми проза жанры боюнча чыгармалар комиссиянын купулуна толгон жок. Сыйлык тапшыруу аземи КР Улуттук жазуучулар союзунда өттү жана бул иш-чарага толугу менен…..