Month: December 2020

Жаңы-жылыңыздар куттуу болсун!

Жазуучулар Союзу

Урматтуу калемдештер, Урматтуу мекендештер, Биз бүгүн эски жылды узатып, Жаңы-жылды тосуу алдында турабыз. Өтүп бараткан жыл биз үчүн гана эмес, бүтүндөй дүйнө үчүн оор жыл болду. Канчалаган калемдештерибизден, мекендештерибизден айрылдык. Бул жыл бизге адам кадырын, адам баркын баалай билүү керек экендигин сездирип кетти. Бардыгы адам баласы кыялдангандай, каалагандай боло бербей тургандыгын көрсөтүп өттү. Болбосо, бул жылда көп иштерди аткарууга, көп ийгиликтерди багындырууга максат койгонбуз. Тилекке каршы, ал тилектер ишке ашпай калды. Эми, максатты бийик коюп, башты өйдө көтөрүп, алдыдагы жылга ишенимдүү кадам таштайлы. Жараткан кыйынчылык берсе, артында ийгилигин кошо берет. толугу менен…..

Анара Байчукуева: Сен мен үчүн теңдеши жок бир жансың, Эркимди бүт ээлеп алып ээрчиткен

Жазуучулар Союзу

Өмүр баркы Үмүт, эңсөө желесинде бириккен, Үзүлбөгөн кыялдарга ээрчиткен. Жолочудай жолдон чыгып жылмайып, Катарлаша кошо кадам шилтеген, Оо өмүр сен, кымбатсың ээ бир келген.   Мезгилдердин арасына бекинген, Мээлжиген бийиктикке сүрөгөн. Баёо мүнөз балалыкты, жаштыкты, Өрөпкүтүп өргө карай сүйрөгөн, Оо өмүр сен, кымбатсың ээ бир келген.   Тагдыр болуп бешенеден сылаган, Таалай ташын сеники деп ыйгарган. Турмуштун тар, кенен жолун тандатпай, Арабаңа салып алып чайпалткан, Оо өмүр сен, кымбатсың ээ ушундай.   Жолдон чыгып баратканды тескеген, Жоодураган жашоо сунуп кел деген. Жомоктогу алтын балык өңдөнүп, Жокту бардай, бардын баркын сез толугу менен…..

Жоомарт Бөкөнбаевдин 110, Тенти Адышеванын 100 жылдыгы белгиленет

Жазуучулар Союзу

2020-жылдын 29-декабрында саат 12:00дө А.Малдыбаев атындагы Кыргыз Улуттук опера жана балет театрында кыргыз элинин залкар акыны, драматург, котормочу Жоомарт Бөкөнбаевдин 110 жылдыгы жана Кыргыз ССРинин Эл акыны Тенти Адышеванын 100 жылдыгы белгиленет. Акын, драматург, котормочу Жоомарт Бөкөнбаев 1910-жылы 16-майда Токтогул районуна караштуу Мазар-Сай айылында туулган. 1726–1931-жж. Оштогу, андан соң Фрунзедеги педтехникумда, 1933–1935-жж. Москвада журналисттердин коммунисттик институтунда окуйт. Эмгек жолун 1931-жылы “Кызыл Кыргызстан” гезитинде бөлүм башчы болуп иштөөдөн баштап, 1935–1941-жж. “Ленинчил жаш” гезитинин редактору, “Советтик адабият жана искусство” журналынын башкы редактору болуп иштеген. Ж.Бөкөнбаев 1941-жылы өз эрки менен Советтик Армиянын катарына толугу менен…..

Валдис Павловский: Айлакер бачики

Жазуучулар Союзу

Валдис Павловский, режиссер, Россия искусствосуна эмгек сиңирген ишмер, Россия мамлекеттик сыйлыгынын лауреаты, “Алтын маска” улуттук театралдык сыйлыгынын ээси. Айлакер  бачики Аткаруучулар: Алып баруучу Бачки (түлкүнүн баласы) Мамалак Коёнек Кирпи, куштар Музыка. Алып баруучу чыгат. Алып баруучу: Дүйнөдө, балдар билебиз, Жомоктор көп деп жүрөбүз. Башкалар сүйүп окушса, Биз жомок-ойноп сүйөбүз! Мамалак: Кышта суукка камыгып, Карга бутум малынып, Жаз жомогун ойнойлу, Жазды калдык сагынып. Коёнек: Жадырап ойноп-күлгүлө, Жаңы жылды билгиле! Жазды бирок сагындык, Жазга кеттик жүргүлө. (Бачики ырдап чыгат) Бачики: Кышта, жазда токойдон, Алдамчы атым оңбогон. Жашырбай айтсам силерге, Айлакер-бачики мен болом! толугу менен…..

Айдарбек Сарманбетов: Алгачкы сүйүү азабы

Жазуучулар Союзу

 Алгачкы сүйүү азабы Алаамат башталар алдында дүйнө саамга мемирей түшөт деген чын. Анынсыңары, дүйнөсү түгөл ишинен чыккан Турат жазгы таза абадан жутуп, бой жаза жөө баскысы келгенинен машинасын бейгам кетирип жиберип, үйгө, Темир жол бекети тарапка бет алды. Жаздын алгачкы айы аяктап калган. Дарактар жабырата бүчүр жарып, айлана жапырт жашылданып, кыш бою катып калган чымчыктардын тили чечилген мезгил. Эркиндик гүлбагы дал ушул кезде көз кубантып жашылдана баштап, жүрөк жылыта жанданып, балдар менен куштардын чуру-чуусуна толуп… өзгөчө ажарлана баштайт. Анын кумарына кана аралай басып, жаз деми менен ырахаттана кетейин деп гүлбакка толугу менен…..

Балдар адабияты боюнча сынак жарыяланат

Жазуучулар Союзу

Кыргыз Республикасынын балдар адабияты боюнча чыгармаларга сынакты өткөрүү жөнүндө КУЛАКТАНДЫРУУ Кыргыз Республикасынын Маданият, маалымат жана туризм министрлиги Кыргыз Республикасынын Өкмөтүнүн балдар адабияты сыйлыктарын изденип алууга ачык сынак жарыялайт! Сынакка мектеп жашындагы жана өспүрүм курактагы балдар үчүн кыргыз тилиндеги чыгармалар төмөндөгү номинациялар менен кабыл алынат -балдарга арналган мыкты чыгармалар үчүн (китеп); -балдардын мыкты жарыяланган прозалык чыгармасы үчүн (китеп); -балдар адабиятынын чыгармаларын кыргыз тилине мыкты которгону үчүн (китеп); Сынакка чыгармалар мамлекеттик органдар, жергиликтүү өз алдынча башкаруу органдары, коомдук уюмдар жана мекемелер тарабынан көрсөтүлөт. Сунуш катка төмөнкүдөй документтер берилүүгө тийиш: -коллективдин жалпы чогулушунун, чыгармачыл толугу менен…..

Атантай Акбаров: Ата Журт да акынын сакташ керек!.. Акын деген – Мекендин визиткасы

Жазуучулар Союзу

Акын деген – булбулдун түп нускасы Теңдик дешип карманып Теңир сөзүн, Теңдик үчүн жол чалып, кыйнап өзүн. Башкалардын жүрөгүн сакайтам деп, Жаралашат акындар жүрөктөрүн.   Чындык калып, чындык деп акын өлсө, Акын каалайт калкынын ойгонгонун. Эл укугун талашып тирандардан, Таланттардын көп көрдүк шорлогонун.   Ыйман калып, ыйман деп акын өлөт, Ыймандуу бий калкына жакын келет. Акын деген сатылбайт базарларда, Сатылгандар болсо, алар акын эмес!..   Аялдарды урунуп буюм сымак, Гарем куруп, шах, султан турса куунап, Аялзатын акындар даңазалап, Алып чыгат бийикке дастан курап.   “Түшпөс каган – билсеңер эл болот!..” толугу менен…..

Акын, котормочу Таштанбек Чакиев 50 жашта

Жазуучулар Союзу

“Сүйүү лабиринти” (Бегимай) ыр түрмөгү менен акын-жазуучулардын, адабиятчылардын купулуна толуп, эл аралык деңгээлге чыга алган акын Таштанбек Чакиев 50 жашка толду. Соңку жылдары котормого активдүү киришип дүйнөлүк классиктердин аңгемелерин кыргыз окурмандарына таанытууда. Япон жазуучусу Р.Акутагаванын, орус классиктери А.Чеховдун, И.Буниндин чыгармаларын которуп, андагы каармандарды кыргызча сүйлөттү. А.Чеховдун “Кутучадагы адам” (Человек в футляре) аттуу китебин чыгарып окурмандардын назарына койгон акын жакынкы аралыкта И.Буниндин котормолорун жарыкка чыгармакчы. Акындын аңгемеге келип калышы тууралуу көрсөтүүнү көрүп, баа бериңиздер.

Орозбек Айтымбетов: Турмуш өкүмү

Жазуучулар Союзу

Турмуш өкүмү (кыскартылып алынды) Мектепке күндөгүсүндөй эрте келип, китеп салган курак баштыгын балдар жүгүрчү аянтчанын четиндеги бактын бутагына илип таштап, эжеси жасап берген кийиз тобу менен качма топ ойноп жаткан. Булоолоно тердеп кеткендиктен кара көрпө тумагын, шырыма купайкесин, кийин чокоюн чечип салып, жылаңайлак чымын-куюн болуп чуркап жүргөн. Бир маалда эле деректир Авазды чакырып калбаспы. Барды. Мугалимдер бөлмөсүндө бир топ агайлары, эжейлери, анан “сельсовет” деп чакырышчу узун бойлуу, ак ала чач, кара сур, шалдыр тиш, бүкүрөйгөн арык киши олтуруптур. –Мектептеги жалгыз отличнигибиз, – деп тааныштыра сүйлөдү деректир “сельсоветке” Авазды. –Мына ушуга толугу менен…..

Советбек Байгазиев: Менин боз торгоюм (аңгеме)

Жазуучулар Союзу

Менин боз торгоюм (аңгеме) Ар кандай ойлорду ойлоп кой четинде олтурам. Бир убакта эле үстүмдөн билинер-билинбес шуулдаган добуш чыгып жатты. Антип-минтип караганымча болбой, бир кыргый бир кичинекей боз немени качырып кирип келип эле, туурамдагы чийдин түбүнө бырпыратып басып калды. Койлор үркүп кетти. Тамаша эми башталмак болду ээ. Мен шашыла өйдө тура калып, килейген чопо менен чийди уруп жибердим. Кыргый калдаңдап уча качты. Чуркап бардым. Чийдин түбүнө бир торгой чөпкө башын катып, жер менен жер болуп бөгүп калыптыр. Жүрөгүм эмнегедир коркконсуп, денем дүрүлдөп кетти. Акырын шапкем менен басып калдым. Бутунан кармасам толугу менен…..