Month: December 2021

Мамлекеттик сыйлык ээлерин куттуктайбыз

Жазуучулар Союзу

КР Президенти С.Н.Жапаров 2021-жылдын 31-декабрында “КР мамлекеттик сыйлыктары менен сыйлоо жөнүндө” Жарлыкка кол койду. Ага ылайык КР Улуттук жазуучулар союзунун төмөнкү мүчөлөрү мамлекеттик сыйлыктар менен сыйланышты: III даражадагы “Манас” ордени менен: 1. Мелис Абакиров “Данакер” ордени менен: 1. Абдылдажан Акматалиев КР Эл жазуучусу наамы менен: 1. Суранчы Жетимишов КР Эл акыны наамы менен: 1. Өмүрбек Дөлөев 2. Жолоочу Рысбаев “Даңк” медалы менен: 1. Ысмайыл Кадыров “КР Маданиятына эмгек сиңирген ишмер” ардак наамы менен: 1. Абдырахман Алымбаев (Баяс Турал) 2. Эрмек Үмөтов КР Ардак грамотасы менен: 1. Светлана Луговая Урматтуу калемдештер, толугу менен…..

Жаңы жылыңыздар куттуу болсун!

Жазуучулар Союзу

Урматтуу мекендештер! Урматтуу калемдештер! Сиздерди 2022-Жаңы жылыңыздар менен куттуктайбыз! Босогодо турган жолборс жылында жергебизде тынччылык болуп, элибиз бейпилдикте өмүр сүрсүн. Жаратканыбыз ар кандай оору сыркоо, апааттардан алыс кылсын, башчыларыбызды бардык ишке калыс кылсын. Өтүп бараткан жыл да биз үчүн жаңылануунун, ийгиликтин жылы болду. Бул жылда көздөп жүрүп жетпей калган максаттарыбызды келерки жылы жүзөгө ашырып, адабият жаатында олуттуу иштерди аткарууга белсенип турабыз. Буюрса Жаңы жылда жаңы ийгиликтерди жаратууга мүмкүнчүлүктөр көп болсун! Ар бириңиздерге бекем ден-соолук, үй бүлөлүк бакыт, чыгармачылык эргүү,  талыкпаган изденүү менен катар үзүрлүү эмгек каалайбыз! Жаңы жылыңыздар куттуу болсун! толугу менен…..

Миргүл Наралиева: Сирке

Жазуучулар Союзу

Сирке Көптөн берки жан сыздаткан оору Шириндин жанын алып тынды. Эшикте боз-үй. Бир гана кичинекей кыз апасынын өлгөнүнө ишене албай көпкө мостоюп олтурду. Үйдөгү кишилер “Апаң канаттуу болуп асманга учуп кетти”- деп айтышты. Ал алгач чындап эле апасын “аппак канаттуу” болуп асманда учуп жүргөнүн элестетти. Бирок баары бир мындан ары жанында болбосун туюп ыйламсырап баштады. -Келчи, кагылайын, сени мен өзүм эле багып алсамбы -деп эки баласынын бири каза болуп, бири карабай кеткен, көзү кыйшык кемпир кыздын жеңинен тартты. Кыз көзүнүн жашын улам-улам аарчып, ансыз да чоочуркап жүрчү кемпирден кетенчиктеди. -Жамал, толугу менен…..

КР ЖК депутат болгон калемгерлерди куттуктайбыз!

Жазуучулар Союзу

Бүгүн, 29-декабрда VII чакырылыштагы Кыргыз Республикасынын Жогорку Кеңешинин депутаттарынын ант берүү аземи өттү. Алгач Кыргыз Республикасынын Шайлоо жана референдум өткөрүү боюнча борбордук комиссиясынын төрайымы Нуржан Шайылдабекова парламенттик шайлоонун расмий жыйынтыгы менен тааныштырып, шайланып келген депутаттарга тиешелүү ырастама жана төш белги тапшырды. Кыргыз Республикасынын Жогорку Кеңешинин VII чакырылышынын депутаттыгына КР Улуттук жазуучулар союзунун секретары Мирлан Самыйкожо бир мандаттуу шайлоо округунан, жазуучулар союзунун мүчөсү Нуржигит Кадырбеков “Ыйман нуру” саясий партиясынан шайланып келди. Урматтуу эл өкүлдөрү, сиздерди депутаттык кызматка киришүүңүздөр менен чын дилден куттуктайбыз. Алдыдагы саясий ишмердүүлүгүңүздөрдө элге-жерге пайдасы тийген мыйзам долбоорлорун жазып, толугу менен…..

Кыял Тажиева: Чагалдактын жан дүйнөгө түшүргөн чакчалакейи

Жазуучулар Союзу

Чагалдактын жан дүйнөгө түшүргөн чакчалакейи (Кыргыз -Түрк Манас университетинин 4-курсунун “У войны не женское лицо” (реж. Ч.Замирбеков) спектаклинен алган таасир туурасында) Кеч болчу. Эшик суук. 705 театрынын алдында турдук… Кудум экинчи дүйнөлүк согуш жөнүндөгү дүйнөгө даярданып турганыбыздай айлана дагы өтө сүрдүү жана сырдуу эле. Эски типтеги беш кабат үйдүн жер төлөсүнүн эшиги ачылды. Көрүүчүлөр кирген соң жер төлөнүн коридоруна тыгылдык. Сыртта согуш жүрүп, биз баарыбыз ушул жерде баш калкалап тургандай абалга туш болдук. Ооба, дароо жаш кыз жертөлөнүн эшигин бекитип, душмандар кирип кетпесин деп жыгачтан жасалган щит менен, анан шаты толугу менен…..

Садык Алахан: “Манас” эпосунун Самар Мусаев агай тарабынан кара сөзгө айландырылышынын себептери жана өзгөчөлүктөрү

Жазуучулар Союзу

Адабиятчы, Кыргыз улуттук жазуучулар союзунун адабий көркөм сын боюнча секциясынын башчысы Садык Алахандын Улуу эпосубуздун кара сөзгө айландырылышынын оош-кыйыштары тууралуу жазылган макалалар түрмөгүн жарыялоону улантабыз. Бул ирет адабиятчынын “Манас” эпосун изилдөөгө бүт өмүрүн арнаган көрүнүктүү манас изилдөөчү Самар Мусаев агайбыздын илимий ишмердүүлүгүнүн жакшы бир барагы болуп калган “Манасты” кара сөзгө айлантып жазган китеби тууралуу макаласынын башталышын окурмандарыбызга сунуш кылмакчыбыз. “Манас” эпосунун Самар Мусаев агай тарабынан кара сөзгө айландырылышынын себептери жана өзгөчөлүктөрү (Үчүнчү макала) Дүйнөлүк фольклористиканын тарыхында окумуштуу-фольклористтер да өз элинин эпикалык туундуларын кара сөзгө айланткан учурлар кеңири кездешет. Мунун эң толугу менен…..

Москвада Өктөм Калыеванын чыгармачылыгына арналган “Кыргыздын-куту энелер”- аттуу кече болуп өттү

Жазуучулар Союзу

2021-жылдын 21-декабрында Москва шаарындагы коомдук байланыштар комитетинин Ресурс борборунда көп кырдуу талант, Маданияттын мыктысы, “Алтын калем” сыйлыгынын ээси, эл аралык М.Шолохов сыйлыгынын лауреаты Өктөм Калыеванын чыгармачылыгына арналган “Кыргыздын-куту энелер”- аттуу кече болуп өттү. Бул жолугушууга КР Президентинин кеңешчиси Медетбек Омошевич Букуев, Россия Федерациясындагы Кыргыз Республикасынын Элчилигинин кеңешчиси Эрмек Кыштообаев, экс-элчи Райымкул Аттокуров, Кыргыз диаспорасынын жетекчилери, Москва жана Москва областы боюнча Аксакалдар кеңешинин төрагасы Эртабылды Шамилов, Австриянын, Россиянын, Кыргызстандын сүрөтчүлөр союзунун мүчөсү Асатилла Тешебаев, “Мекеним Ала Тоо” коомдук уюмунун жетекчиси Жамиля Бегиева, Менделеев атындагы жогорку окуу жайынын профессору, философия илимдеринин доктору толугу менен…..

ТҮБӨЛҮК – СӨЗ МЕНЕН МУЗЫКА

Жазуучулар Союзу

Учурдагы, заманбап поэзия ааламынын көрүнүктүү өкүлү, акын – Вадим Терёхин, Россиянын жазуучулар Союзунун тең төрагасы. Москвада орус тилинин эл аралык академиясынын вице-президенти жана академиянын анык мүчөсү, Россия боюнча жалпы “Россия жазуучулар Союзунун” Калуга областындагы бөлүмүнүн төрагасы жана Калуга областынын II даражадагы мамлекеттик кеңешчиси, “Дубалсыз дүйнө” эл аралык поэтикалык кыймылынын координациялык Кеңешинин мүчөсү, Санк-Петербургдагы Петровдук илимдер академиясы менен искусствонун анык мүчөсү. 1963-ж. Тула областында төрөлүп, Казандагы жогорку аскердик ракеталык команданын инженердик адистигин ата-энесинин талабы менен мыкты окуп, көп жыл “Байкоңур” космодромунда кызмат өтөгөн. Адабиятка болгон кызыгуусу аны өмүр бою коштоп жүргөндүктөн, толугу менен…..

Султан Раев Казакстандын “Бирлик” алтын медалы менен сыйланды

Жазуучулар Союзу

Казакстандын президенти Касым-Жомарт Токаев Кыргыз Республикасынын Эл жазуучусу Султан Раевди Казакстандын абройлуу сыйлыгы – Казакстан калкы ассамблеясынын «Биpлик» алтын медалы менен сыйлады. Ал Казакстан менен Кыргызстандын ортосундагы мамилелерди өнүктүрүүгө жана чыңдоого кошкон салымы, ошондой эле элдердин ортосундагы ынтымакты, кызматташтыкты чыңдоодо, улуттук маданияттарды, мамлекеттер ортосундагы достук мамилелерди жакындаштыруу, өз ара байытуу, достук мамилелерди сактоо жана өнүктүрүүдөгү сиңирген эмгеги үчүн сыйланган. Султан Раев Кара-Суу районунун Жоош айылында 1958-жылы 13-июлда туулган. 1984-жылы Кыргыз мамлекеттик университетинин журналистика факультетин, 1994-жылы АКШнын Канзас университетинин журналистика жана коомдук коммуникация факультетинин стажировкасын бүтүргөн. Республикалык «Кыргызстан маданияты», «Ленинчил Жаш», толугу менен…..

Иван Бунин: Муза

Жазуучулар Союзу

Муза Ал кезде мен өтө деле жаш эмес болчумун. Ошого карабастан эмнегедир живопистен сабак алгым келди. Деги эле мен живописти жанымдай жакшы көрчүмүн. Ошентип Тамбов губерниясындагы өз үйүм, өлөң төшөгүмдү таштап, кышты Москвадан өткөрдүм: сабакты болсо анча-мынча тармалдашкан узун майлуу чачын кежигесин көздөй бура таштаган, оозунан мүштөгү, үстүнөн анар түстүү баркыт курткасы, бутунан кыжырыма өзгөчө тийген киргилт, боз түстөгү байпагы түшпөгөн, анан калса, адам менен сүйлөшүп жатканда кербезденип, окуучусунун ишине көзүн жүлжүйтө баа беримиш болуп, ар дайым: – Дурус, дурус… Ийгилик алыс эмес – деп кайталай берчү талантсыз, бирок кыйла толугу менен…..