Month: May 2020

Мелис Совет уулу: Касиетиң кандай укмуш жаз жыты, Карыга да кайрат берип сүйүнткөн

Жазуучулар Союзу

Аялзат сенде улуулук Төрөлсө кыздар жактырбай, Эркектер ичет таптырбай. Кыз эмне адам эмеспи, Жийиркенип ары качкыдай.   Уул күтүп уулду тилейбиз, Кыз десе укпай дүлөйбүз. Кыздар жок болсо, акактай Сөздөрдү кимге сүйлөйбүз.   Назданып басса маралдай, Калабыз көздү алалбай. Жашообуз супсак кыздарсыз, Канты жок чайдай карандай.   Кыздар бар жашоо керемет, Көргөн көз нурга бөлөнөт. Аялзат эгер жок болсо, Аалам да кетмек желелеп.   Карындаш, эже, жеңелер, Баары бир бөлөк дебеңер, Башка оор мүшкүл түшкөндө, Ошолор өбөк жөлөнөр.   Дүйнөгө берип жылуулук, Өзүңдө өнөр, сулуулук. Ак сүтүң баккан адамды, Аялзат толугу менен…..

Абдилаат Дооров: Чагылган тийип күйгөн арча шактай, чатырап алоолонот көкүрөгүм

Жазуучулар Союзу

Бүгүн мен тиктим көчөт …Бүгүн мен тиктим көчөт, мойнума түштү милдет. Арык казып, суу коюу, олтурбай күндү күн деп, түндү түн деп.   …Бүгүн мен өмүрлүк жар, жөнөкөй кызга тоолук. Балбылдайт көздөрүбүз, бакыттын кушу конуп!   …Бүгүн мен болдум ата, болдум жар жана багбан. Турмушка кирип келдим: уялчаак балалыктын ыпысык кучагынан!   Сагындым Сагындым жанга жагым жайлоо түнүн шар акчу суусу мөңкүп, чачып көбүк. Асыл жар чачып бөлүп жик салгандай асманды саманчынын жолу бөлүп.   Койчунун коңур үнү созолончу, селкинин козгоп жүрөк делебесин. Түндүктөн түмөн жылдыз кашын кагып, ай нуру толугу менен…..

Новопавловка Айылдык Кеңешинин депутаттарына ыраазычылык билдиребиз

Жазуучулар Союзу

Сокулук районунун Новопавловка айыл өкмөтүнө караштуу Ак Ордо жаңы конушундагы көчөлөргө Кыргыз эл артисти, төкмө акын Элмирбек Иманалиевдин жана Кыргыз Республикасынын Маданиятына эмгек сиңирген ишмер, акын Зайырбек Ажыматовдун аттары берилди. Бул боюнча чечим бүгүн 25-чакырылышта шайланган Новопавловка Айылдык Кеңешинин №34 сессиясында кабыл алынды. Ээрчишип кеткен кош таланттын элесин түбөлүккө калтыруу максатында КРнын Улуттук жазуучулар союзунун кайрылуусун эске алуу менен жасаган иштери үчүн Новопавловка Айылдык Кеңешинин төрагасы Абдыраимов Куан Мирлановичке, кош таланттын ысымын ыйгаруу демилгесин сунуштаган айылдык кеңештин депутаты Сүйүнбай Таабалдиевге, Тынчтык Атабековичке, Дастан Эркинбек уулуна жана сунушту колдоп берген бардык толугу менен…..

Абдыжапар Эгембердиев: Санааркап келип мен бүгүн, Санааркап кеттим кайра эле…

Жазуучулар Союзу

Ачык болсун асманы!          1. Күндөр келди калк түйшүктөн кыйналган, Көңүл ооруп, күлкү кетип, ый калган. Кээ бирөөнүн төрт тарабы төп болуп, Башы айланган бакыт менен жыргалдан. Күндөр келди ичтен бузуп ириген, Ташыркаткан тексиздиктен чириген. Каар менен кең ааламга жар салып, Ачуу сөздү айткың келет дилиңен. Күндөр келди жаны күйгөн эчендин, Күнү тууган жандими, кур чечендин. Кутурушуп Абыкелер, Көбөштөр, Бар байлыгын ээлеп алган Мекендин. 2. Жан багууга арга издеп бекерге, Чилдей тарап, көбү кеткен чет элге. Мында бирөө ичерге суу таппаса, А бирөөлөр кечүү таппайт кечерге. Шылуундар көп, чириген бай теңесек, толугу менен…..

Ырызалы Жанчаров: Күүнүн сыры

Жазуучулар Союзу

Күүнүн сыры (Даректүү аңгеме) XIX кылымдын аягы, XX кылымдын баш чендеринде Аксы, Кетмен – Төбө аймактарында болуш болуп өткөн Сулайманкулдун Тору ала ат деген күлүгү болуптур. Бул аттын Аксы, Талас, Анжиян, Алай чөлкөмүндө байгеде алдына ат салдырбаган буудан чыкканын узун кулак санжырачылар азыр деле жомоктото айтып калышат. Далай аш, той, чоң мааракелерде баш байге алып, “көз тийбесин” – деп, кулакчын, үртүктөрүнө, жал, куйрук, көкүлдөрүнүн арасына көз мончок тактырып, аспиеттеп, атайын бир саяпкер дайындап, таптатып жүргөн учурлардын биринде Таластан тээ айтылуу Бостон бий дегендин Жанболот, Бекболот деген балдарынын Баит бий дегенинин толугу менен…..

Садык Алахан: А.Жакыпбековдун “Теңири Манас” романы

Жазуучулар Союзу

Улуттук адабиятыбыздын ХХ кылымдын экинчи жарымындагы эң көрүнүктүү өкүлдөрүнүн бири, албетте, Ашым Жакыпбеков. Бирок, көркөм мурасы эң аз изилденген калемгер да Ашым Жакыпбеков экендигин адилдик үчүн моюнга алганыбыз оң. Мына ушул кенемтени бир аз да болсо толтуруу максатында adabiyat.kg сайты Улуттук жазуучулар союзунун адабий-көркөм сын секциясынын башчысы Садык Алахан агайыбыздын макаласын өз окурмандарына тартуулайт. А.Жакыпбековдун “Теңири Манас” романы (маселенин хронологиялык жана теориялык аспектиси) Улуу сөздү прозага айландыруу жумушу ар кайсы багыттарда мээнет эткен чыгармачыл адамдар (адабиятчы-окумуштуулар, жазуучулар котормочулар,) тарабынан ишке ашырылып келди. Алардын эң көрүнүктүүлөрү, албетте, жазуучулар болуп эсептелет. Профессионал толугу менен…..

Керимбек Кадыракуновдун котормосунда “Абай” китеби жарык көрдү

Жазуучулар Союзу

Эл аралык Түрк академиясы менен Кыргыз Республикасынын Улуттук жазуучулар союзу биргелешип КРнын Маданият, маалымат жана туризм министринин колдоосу менен казак элинин даанышманы, акын Абай Кунанбаевдин 175 жылдыгына карата “Абай” аттуу китебин кыргыз тилинде чыгарып, окурмандарга сунуштады. Аталган китепке А.Токомбаев, С.Жусуев, С.Эралиев ж.б. акындардын котормолору топтоштурулуп, К.Кадыракуновдун жаңы которгон ырлары киргизилди. Котормолорду топтоштурган жана чогулткан Кыргыз Республикасынын Улуттук жазуучулар союзунун төрагасынын орун басары, акын, котормочу Керимбек Кадыракунов. “Абай” китебинин бет ачары Кыргыз Республикасынын Маданият, маалымат жана туризм министри Азамат Жаманкуловдун катышуусу менен Эл аралык Түрк академиясынын 10 жылдыгынын алкагында өткөн “Абай толугу менен…..

Пабло Неруда: Кана эмесе, мени бир өз жайыма койгулачы, Кана эмесе, менсиз бир жайыңарча болгулачы

Жазуучулар Союзу

Пабло Неруда (Чили)   Жан тынчтыгын бергилечи Кана эмесе, мени бир өз жайыма койгулачы, Кана эмесе, менсиз бир жайыңарча болгулачы.   Көздү жумдум. Болгону – беш тамырым болсо деймин, өсүүгө бутак байлап, сабак байлап. Биринчиден, чексиз сүйүү.   Анан да карап турсам күз шаанисин. Жалбырактар үзүлүп, чыккан жерге кайрылып учуп түшүп турбаса жашай албайм.   Дагы мага кыш керек, жаным сүйгөн жаан керек, үшүгөндө керек мага от мээрими Мага анан дарбызга окшош топтоголок жай керек, абдан керек.   Баарынан да сенин көзүң мага керек. Менин сүйгөн Матильдам, көздөрүңдү бир көрбөй толугу менен…..

Имадеддин Насими: Сулуулугуң тирилтет өлгөндү да, Сулуулугуң өзүндөй Кыяматтын

Жазуучулар Союзу

Насиминин поэзия планетасында… Сеид Имадеддин, шарттуу адабий ысмы – Насими XIV кылымдын экинчи жармынан, XV кылымдын биринчи жармына жакын, болжол менен 1369-1417-жылдары жашаган. Көптөгөн баалуу газелдерди, рубаи, касыдаларды азербайжан адабий тилинде биринчи болуп келиштире жазып тарыхта калган алгачкы акын. Орто кылымдагы эң билимдүү, алдыңкы көз караштагы инсан, философ жана окумуштуу, даанышман гуманист жана мистик акын, араб, фарсы тилдерин да эркин билген жана бул тилдерде да чыгармаларын эркин жазган. Баку шаарында, Насиминин чоң тулку бою менен турган элестүү көркөм эстелиги алдына коюлган Улуттук илимдер академиясынын Тил-адабият изилдөө институту акындын ысмында. Баку толугу менен…..

Аскаралы Ражабалиев: “Акындык өнөр жеңил “оокат” эмес”

Жазуучулар Союзу

Чыгармачылыгы элет жеринде, эл ичинде тамыр жайып, бутак-шактап көктөгөн жазуучу Аскаралы Ражабалиевдин “Бейиш төр” аталыштагы жыйнагы 2019-жылы жарык көрүп, адабият жана окурмандар чөйрөсүндө жакшы баага арзыды. Бул жыйнакка кирген аңгемелерде, повесттерде жана публицистикаларда өзү жашаган Баткен аймагынын табигый сулуулугун, бейиш төрүн, колориттүү жашоосун жана ажайып бай тилин даңазалай алыптыр. Жазуучу менен анын жаңы китеби жана жалпы чыгармачылыгы жөнүндө маек курдук.   -Аскаралы мырза, жазуучулук өнөргө кызыгууңуз кандайча ойгонгон? Канча жашыңызда колуңузга калем алгансыз? -Анда мен 7-класста окуучумун. Бир жолу колхоз китепканасынан Мукай Элебаевдин “Узак жол” аттуу китебин алып окуганым эсимде. толугу менен…..